20 Gehazi,+ murumeyi a Eliseyo, mulopwana a Muluku eekeekhai,+ ahuupuwela wiira: ‘Pwiya aka oomuhiya musiiria Naamani,+ orowaka oheemerenrye itthu oruuhale awe. Ntoko siisaale Yehova onikhala awe, kinoomutthimakela, wiira akivahe etthu’. 21 Gehazi aahimutthimakela Naamani. Okathi Naamani anwehale awe mutthu omutthimakela aka, aahikhuruwa vakaaroni vawe ya ekhotto, wiira akumane nuuwo, onamukoha wiira: “Salaama?” 22 Owo ahaakhula oriki: “Aayo, salaama. Pwiya aka ookiruma oriki: ‘Aaphiya niinaano-va anamwane anli a anamwane a maprofeta, akhumaka muttetthe wa omiyaakoni wa wEfrayimi. Xontte, mwaavahe etalento emosa ya eparatha ni ikuwo piili’”.+

9 Ale aniphavela othaaciri, anneehereriwa ni annimorela vantaphani,+ nave annikhala ipottha sa itthu sinceene sihirina efaita ni sootakhala, seiyo sinaakumiherya maxakha ni okhwa.+