17 Okathi Abramu aarina awe iyaakha 99, Yehova aahimukhumelela Abramu onamuleela wiira: “Miyo ka Muluku Oowerya Sootheene. Muroromeleyeke ohoolo waka* ni mooniherye ohikhalana nthowa.

7 “Kinoomaliherya nivarihano kipanke aka ni nyuwo,+ vamosa ni osuulu anyu ni maloko anrowa okhumelela. Nivarihano nno, khininrowa omala. Miyo kinrowa okhala Muluku anyu ni Muluku a osuulu anyu.

10 Muluku aahimuleela wiira: “Nyuwo muniihaniwa Yakobe.+ Vano khamunrowa-tho wiihaniwaka Yakobe, masi munrowa wiihaniwaka Isarayeli”. Nto Muluku aahipacerya omwiihanela nsina noowi Isarayeli.+ 11 Nave Muluku aahimuleela-tho wiira: “Miyo ka Muluku Muulupalexa.+ Mwaayareke anamwane ni mwaatteke. Mwa nyuwo anookhumelela maloko manceene+ ni mamwene.+