22 “Masi nyuwo Belisazari, mwaana a Nabukodonosori, khimwiiyevihale nnaamwi mwaasuwela itthu iya sootheene. 23 Masi nyuwo muhiixinnuwiha munvirikanyaka Pwiya a wiirimu,+ nave mooruma wiira muruuheliwe ikoopho sa mpa mwawe.+ Nuumala-vo, nyuwo ni makhulupale anyu, ni athiyana akina,* ni axaarinyu akina mwaahiwurerya eviinyu ni mwaahaavuwiha amuluku a eparatha, a eweero, a ekoopiri, a eyuuma, a matera ni a maluku, amuluku yaawo ahinoona, nnakhala ahiniiwa ni ahinisuwela etthu.+ Masi nyuwo khamunvuwinhe Muluku, yoowo okumi anyu+ ni iphiro sanyu sootheene sinlipana aya.