• Yesaya 56:6, 7
    Biibiliya a Elapo Esya a Soolempwa Soowaarya

    •  6 Anamurwa anirwa wa miyo, Yehova, wiira akikokhoreleke,

      Wiira aphenteke nsina naka, Yehova,+

      Ni wiira akhale arumeyi aka,

      Nave ootheene ale anittittimiha esaabadu ni ahiniveeha esaabadu eyo,

      Ni anivarexexa nivarihano naka,

       7 Kinimwaaruuha vamwaako vaka voowaarya,+

      Nave kinoowiiriha otteeliwa murima mpaani mwaka mwa mavekelo.

      Kinimweemererya valtaari vaka, soovaha saya para opahiwa ni mikuttho saya.

      Empa aka enrowa ohimmwaka okhala empa ya mavekelo para atthu ootheene”.+

  • Yesaya 66:20
    Biibiliya a Elapo Esya a Soolempwa Soowaarya

    • 20 Animwaaruuha axinninyu ootheene, akhumaka maloko ootheene+ wiira anvahe Yehova. Awo animwaakuxa awenle ene ikhavalo, ikaaro saamukhaani ni suulupale sinipuruliwa ni inama, axinama aniihaniwa muula, ni ikamelo soowaakuva weetta, yaaroihaka mwaako aka woowaarya, oYerusalemu. Eyo enimwiiraneya ntoko siisaale atthu a wIsarayeli aniroiha aya soovaha saya mpaani mwa Yehova, ahenle ene mmihasani sooreera”. Yehova tonihimya siiso.

  • Ezekiyeli 20:40
    Biibiliya a Elapo Esya a Soolempwa Soowaarya

    • 40 “Etthu onihimya awe Pwiya Muulupalexa Yehova, tiila: ‘Vamwaako vaka woowaarya, mwaako woottukhuwa wa Isarayeli,+ ti weiwo atthu ootheene a nloko na Isarayeli, anrowa aya okikokhorelaka.+ Weiwo kinoosiveliwaka naawo, kinimoovekelakani soovaha sanyu, soovaha sanyu sootepa oloka ni itthu sanyu sootheene soowaarya.+