30 “Okathi moolumo ala ootheene anrowa aya owiiraneelani, eyo piiyo, mareeliho ni otakhaliwa ori ohoolo wanyu,+ nto nyuwo muupuwela malamulo awo+ eriyari ya maloko ootheene Yehova Muluku anyu onrowa awe woomwara-mwaryani,+ 2 nyuwo ni aniinyu, mwamutthikela Yehova Muluku anyu,+ ni murima anyu wootheene ni okumi anyu wootheene,+ mwiiwelelaka nsu nawe ntoko kinoorumaakani olelo, 3 Yehova Muluku anyu, onimookumihani weepotthani,+ ni onimoomorelani ikharari+ ni onootthikela woothukumanyani eriyari ya atthu ootheene Yehova Muluku anyu onrowa awe woomwara-mwaryani.+

20 Animwaaruuha axinninyu ootheene, akhumaka maloko ootheene+ wiira anvahe Yehova. Awo animwaakuxa awenle ene ikhavalo, ikaaro saamukhaani ni suulupale sinipuruliwa ni inama, axinama aniihaniwa muula, ni ikamelo soowaakuva weetta, yaaroihaka mwaako aka woowaarya, oYerusalemu. Eyo enimwiiraneya ntoko siisaale atthu a wIsarayeli aniroiha aya soovaha saya mpaani mwa Yehova, ahenle ene mmihasani sooreera”. Yehova tonihimya siiso.

6 Miyo kinimwaaweha wiira kaaphwanyihe mureerelo, nave kinoowiiriha otthikela elapo ela.+ Miyo kinimwaalipiha, nkinrowa waapwetexa. Kinoowaala, nkinrowa waaphela.+

24 Kinimookumihani mmalokoni muri anyu, kinimoottikihani ilapo sootheene, nto kinimoottikiheryani elapo anyu.+