• Marko 7:32-35
    Biibiliya a Elapo Esya a Soolempwa Soowaarya

    • 32 Weiwo, atthu yaahimuruuhela mulopwana mmosa ahaiwa ni ahaalavula saana.+ Awo yaanimuxonttela Yesu wiira omwiixaatherye matata awe. 33 Yesu aahimuroiha mulopwana owo wiiphiini, ottaiwene wa muttitthi ole. Nuumala-vo, aahikeliha ikatha sawe owaruni wa mulopwana ole. Nave, Yesu aahisenela ikatha sawe, okwata nlumi na mulopwana ole.+ 34 Nuumala oweha wiirimu, Yesu aahiittha iphumu, onahimya wiira: “Eph′pha·tha”, eyo piiyo, “Mutthukuwe”. 35 Niinaano-ru, owaruni wa mulopwana ole waahitthukuwa,+ nlumi nawe naahitaphuwa, nto owo aahipacerya olavula oratteene.

  • Luka 7:22
    Biibiliya a Elapo Esya a Soolempwa Soowaarya

    • 22 Yesu aahiwaakhula wiira: “Murowe mwamuleele Yohani itthu siniiwa anyu ni sinoona anyu: Alipa-oohoona, vano annoona.+ Alipa-oorakala, anneetta oratteene. Anamakokho,* annipenuxiwa. Alipa-oohiiwa, vano anniiwa.+ Alipa-ookhwa, annihihimuxiwa. Atthu oohaawa, annilaleeriwa ihapari sooreera.+