29 Mahiku a mwene Pekahi a wIsarayeli, mwene Tiglathi-Pileseri+ a wAsiiria aahituphela ni okuxa muttetthe wa wIyoni, wAbeli-Bethi-Maaka,+ oYanoha, oKedexi,+ oHasori, oXileyaadi,+ ni oGalileya, eyo piiyo, elapo yootheene ya oNefetali.+ Nave aahaakuxa atthu a weiwo ntoko ipottha aaroiha wAsiiria.+

8 Vano, Akhazi aahikuxa eparatha ni eweero, yeeyo yaari mpaani mwa Yehova ni opuro waasukiwa mihakhu sa empa* ya mwene, omuroihela mwene a wAsiiria wiira omukunyari.+ 9 Mwene a wAsiiria aahaakhulela yooveka ele. Moottharelana, owo aahivenya orowaka oDamaasiko, okuxa epooma ele, nave aahaakuxa atthu a weiwo ntoko ipottha aaroiha oKiri,+ nave aahimwiiva Resini.+

26 Tivo, Muluku a atthu a Isarayeli aahimwiiriha mwene Puli a wAsiiria+ (eyo piiyo Tiglathi-Pileneseri+ mwene a wAsiiria), waakuxa atthu a nihimo na Rubeni, na Gadi, ni nimeya na nihimo na Manase, aaroihaka weepotthani. Owo aahaaroiha oHala, oHabori, oHara ni muttetthe wa muro Gozani,+ weiwo onikhala aya mpakha olelo-va.