20 Mahiku ale, Ezekiya aahiwereiwa onahala okhwa.+ Profeta Yesaya, mwaana a Amozi, aahirwa onamuleela wiira: “Etthu onihimya awe Yehova, tiila: ‘Mwaavahe malakiheryo atthu a etthoko anyu, okhala wiira khamunrowa openuwa, munimookhwa’”.+ 2 Siiso, Ezekiya aahirukunuwela oxirini, onapacerya onvekela Yehova, oriki: 3 “Khoo Yehova, xontte, muhiliyale wiira kiheetta voororomeleya ohoolo wanyu ni murima aka wootheene, nave koopaka itthu sooloka vamaithoni vanyu”.+ Nto Ezekiya aahipacerya wunla vanceene.