• Yesaya 65:12
    Biibiliya a Elapo Esya a Soolempwa Soowaarya

    • 12 Nto, miyo kinimoovahereryani wiira mwiiviwe ni espaata,*+

      Nave ootheene anyu munimuurama wiira muhitiwe,+

      Okhala wiira kihiihana, masi nyuwo khimwaakhunle,

      Koolavula, masi nyuwo khamukiwiriyanne;+

      Munnithipelela opaka itthu sootakhala vamaithoni vaka,

      Nave moothanla opaka itthu sihinikisivela”.+

  • Yesaya 66:4
    Biibiliya a Elapo Esya a Soolempwa Soowaarya

    •  4 Tivo, kinoothanla inamuna sa waahukhumu.+

      Nave itthu seiye anoova aya, miyo kinimwaakumiherya,

      Okhala wiira okathi kaihana aka, khuuvo aakhunle;

      Okathi kaalavula aka, khuuvo aawiriyanne.+

      Awo yaahithipelela ovara itthu sootakhala vamaithoni vaka,

      Ni yaahithanla opaka itthu sihinikisivela”.+

  • Yeremiya 7:13, 14
    Biibiliya a Elapo Esya a Soolempwa Soowaarya

    • 13 Masi nyuwo mwaamakela opaka itthu iya sootheene sootakhala, nave hata kaalavula ni nyuwo ikwaha sinceene,* nyuwo khamwaawiriyana.+ Miyo kaamakela owiihanani, masi nyuwo khamwaakaakhula’.+ Yehova tonihimya. 14 ‘Tivo, empa ela erina nsina naka,+ yeeyo muniroromela anyu,+ ni opuro ola kaavanhe aka amuhavinre anyu, kinimwiiriha etthu emosa-ru kiirinhe aka oSilo.+