13 Yehova aahithipelela waalopola atthu a Isarayeli ni a oYuda aarumeelaka maprofeta awe ootheene ni atthu ootheene yaasuwela otaphulela itthu yooniheriwa aya,*+ oriki: “Muhiye iphiro sanyu sootakhala!+ Mweetteleke sooruma saka ni ikano saka, muttharaka malamulo ootheene kaarumme aka amuhavinre anyu, ni kooruuhenlyaakani kaarumeelaka arumeyi aka, maprofeta”.

15 Yehova, Muluku a amuhavinre aya, aamakela waalopola, aarumeelaka anamitthaka* awe, aalopolaka ikwaha sinceene, okhala wiira aaniwoonela othunku atthu awe ni opuro aakhala awe.

17 Awo yaahikhootta owiriyana,+ nave khiyuupuwenle miteko sootikiniha mwaavanre anyu, masi awo yaahuumiha mirima saya ni yaahimuthanla muhooleli wiira aattikiherye weepotthani wExiitu.+ Masi nyuwo mwa Muluku onilevelela okathi wootheene, a othunku ni oomoriwa ikharari, oopixa murima* ni oosareya ophenta woororomeleya,+ nto khimwaanyanyanle.+

30 Mwaahaapixerya murima+ iyaakha sinceene ni mwaahithipelela waalopola murumeelaka ikuru sanyu, mwaarumaka maprofeta anyu, masi awo khiyaaphavenle owiriyana. Wookiseryani waya mwaahaavahererya mmatatani mwa atthu a ilapo sikina.+

4 Yehova aahooroihelani ikwaha ikwaha sene arumeyi awe ootheene maprofeta, masi nyuwo khamwaawiriyanne nnakhala khimwaavanhe ephoole.+