20 Ela ti elapo nihimo na Yuda ni imusi saya, yaavahiwe aya ntoko etthu yoohiyeriwa.

60 Epooma ya oKiriyathi-Bayaali, eyo piiyo, oKiriyathi-Yarimi,+ ni oRaba. Otakaaha ipooma sootheene saari piili ni mittetthe saya.

11 Vano, esoorti yaahimorela nihimo na Beniyamini moovarihana ni imusi saya. Nto muttetthe waavahiwe aya waari eriyari ya atthu a Yuda+ ni atthu a Yosefe.+

14 Mukano owo waaniphiya mpantta onikela nsuwa, onarukunuwela osuuli, okhumaka mwaako waawehana oBethi-Horoni orowaka osuuli. Mukano owo waamalela oKiriyathi-Bayaali, eyo piiyo, oKiriyathi-Yarimi,+ epooma ya Yuda. Ola waari mukano wa mpantta onikela nsuwa.

2 Waahivira okathi munceene, eyo piiyo, iyaakha 20, okhuma nihiku nenle Nivuku, naaroihiwe aya oKiriyathi-Yarimi. Vano atthu ootheene a Isarayeli yaahipacerya omphavela* Yehova.+