17 “WEdomi onrowa okhala opuro woowoopiha.+ Khula mutthu onrowa oviraka onooweha oovaka, nave onimoopaka muturi mwaha wa ihukhumu sootheene simukhumelenle. 18 Yehova onihimya wiira: “Ntoko siisaale siiraneyale aya ni opwetexiwa wa oSodoma ni oGomora ni ipooma saamwaattamenle,+ khuuvo onrowa okhalaka-wo, nave khuuvo mulopwana onrowa omaka weiwo.+

13 Tivonto, etthu onihimya awe Pwiya Muulupalexa Yehova, tiila: “Miyo kinoomookolela ntata Edomi, nave kinimwaamala-maliha atthu ni inama, kiirihaka elapo eyo ohikhaliwa.+ Awo animwiiviwa ni espaata,* okhuma oTemaani mpakha oDedani.+

4 “Edomi onihimya wiira: ‘Noopwetexiwa, masi nnootthika ni nnooteka mapuro apwexakasiwe’. Masi etthu onihimya awe Yehova a anakhotto, tiila: ‘Awo anooteka, masi miyo kinoopwexa, nave awo anrowa wiireliwaka “muttetthe wa otakhala” ni atthu Yehova aalamunle awe mahiku ootheene”.+