55 “‘Nto mwaahiwoomole atthu anikhala elapo eyo,+ atthu anrowa ohala memmo anrowa okhalaka ntoko ikokhola mmaithoni mwanyu, ni miiwa mweerutthuni mwanyu. Nave, animoohaaxani elapo munrowa anyu okhalaka.+

12 “Masi nyuwo mwatthikela ottuli, munaataana ni maloko ahanle eriyari anyu,+ munathelana+ naawo, munakhala naawo, nave awo anakhala ni nyuwo, 13 musuwelexe wiira Yehova, Muluku anyu, khonrowa woomola maloko awo mwaha wa nyuwo.+ Atthu a maloko awo anrowa okhala ntoko muraakho ni ntapha. Awo anrowa okhala ntoko murepettho onoowaxulani+ ni miiwa mmaithoni mwanyu, mpakha nyuwo omala-mala elapo ela yooreera Yehova, Muluku anyu, oovanhaaweni.