• 1 Mamwane 12:28-30
    Biibiliya a Elapo Esya a Soolempwa Soowaarya

    • 28 Nuumala okohererya, mwene aahipaka ilatarato piili sa epooyi orumeelaka eweero.+ Nave aahaaleela atthu wiira: “Vannixankiha nyuwo orowa oYerusalemu. Nyuwo atthu a Isarayeli, Muluku anyu tuula, yoowo ookuminheni elapo ya wExiitu”.+ 29 Nuumala-vo, aahipweha elatarato emosa oBeteli,+ ekina aahipweha oDani.+ 30 Eyo yaahiwiiriha atthu ottheka.+ Awo yaanirowa oDani wiira yakokhorele elatarato yaari weiwo.

  • Mikeya 1:5
    Biibiliya a Elapo Esya a Soolempwa Soowaarya

    •  5 Sootheene iyo sinimwiiraneya mwaha wa ikirime sa Yakobe,

      Ni mwaha wa itampi sa atthu a nloko na Isarayeli.+

      Ekirime xeeni Yakobe opanke awe?

      Khahiyo atthu a oSamariya?+

      Ari woowi mapuro oorakamela osulu anikokhoreliwa amuluku eethiru a oYuda?+

      Khahiyo atthu a oYerusalemu?