3 Ninniiwanyeya nsu na mutthu onikhuwela moothakoni, ohimyaka wiira: ‘Mulokiherye ephiro ya Yehova!* Mookolole istaraata sawe’”.+ 4 Yohani Mpatisa aari moothakoni, aalaleeryaka atthu wiira opatiso ti ethoonyeryo ya orukunuxa murima, wiira mutthu oleveleliwe itampi.+

3 Vano Yohani aaheetteetta mapuro ootheene yaattamenle muro Yordani, aalaleeryaka atthu wiira opatiso ti ethoonyeryo ya orukunuxa murima, wiira mutthu oleveleliwe itampi,+ 4 ntoko silempwale aya eliivuru ya profeta Yesaya, wiira: “Ninniiwanyeya nsu na mutthu onikhuwela moothakoni, ohimyaka wiira: ‘Mulokiherye ephiro ya Yehova!* Mookolole istaraata sawe.+ 5 Malitti ootheene yuuheeliwe, miyaako ni mattumuxa ootheene sipwexakasiwe. Iphiro sookottoopa sihaana wookololiwa, nave iphiro soothipakaseya, suuheeliwe.* 6 Atthu ootheene anrowa woona woopola wa Muluku’”.*+