21 Okhuma okathi ole, Yesu aahipacerya waatthokiherya awiixutti awe wiira ohaana orowa oYerusalemu, ohaana ohaaxiwa vanceene ni makhulupale a ayuda, ni makhulupale a anamukuttho ni alipa-oowiixuttiha nlamulo. Nave ohaana wiiviwa, masi onrowa ohihimuxiwa nihiku na neeraru.+

22 Okathi Yesu aathukumanne awe oGalileya, aahaahimeerya awiixutti awe wiira: “Mwaana a Mutthu onrowa ovarihiwa ni ovahereriwa mmatatani mwa atthu.+ 23 Awo anrowa omwiiva, masi onrowa ohihimuxiwa nihiku na neeraru”.+ Awiixutti yaahiriipiwa murima vanceene.

31 Yesu aahipacerya waatthokiherya awiixutti awe wiira Mwaana a Mutthu ohaana ohaaxiwa vanceene ni okhoottiwa ni makhulupale a ayuda, makhulupale a anamukuttho ni alipa-oowiixuttiha nlamulo. Nave ohaana wiiviwa,+ masi onrowa ohihimuxiwa nihiku na neeraru.+

44 “Nwiriyane oratteene moolumo ala ni muhiliyale, maana Mwaana a Mutthu onrowa ovarihiwa ni ovahereriwa mmatatani mwa atthu”.+ 45 Masi awo khiyaiwexenxe moolumo awe, okhala wiira yootaphulela ya moolumo awo yaahiipithihiwa. Nave-tho, yaanoova omukoha ele yaataphulela aya moolumo ale.