11 “Tivonto, nyuwo mwaahaattamela mukerekhere mwa mwaako, mweemela vaavo. Mwaako waanipatta mooro, nto malumi a mooro owo yaaniphiya wiirimu. Yaahikhala epiphi ni meeku ooriipa vanceene.+ 12 Vano Yehova aahipacerya olavula ni nyuwo eriyari ya mooro.+ Nyuwo mwaaniiwa nsu, masi khamwaaweha etthu vamooroni-vo.+ Nyuwo mwiiwa nsu paahi.+

18 Khuuvo mutthu otonko onweha Muluku.+ Masi mwaana mmoseene+ yoowo onlikana ni Muluku ni ori vakhiviru va Tiithi,*+ tonisuwelinhe Tiithi awe.+

46 Khuuvo otonko omoona Tiithi.+ Omonne paahi tuule okhumme wa Muluku, yoowo paahi tomonne Tiithi.+