49 Miyo kinimoovahani ele Tiithi aka oleihenrye awe woovahani. Masi nyuwo muhale oYerusalemu, mpakha waakhela owerya onikhuma wiirimu”.+

26 Kinimooruuhelani namakhaliherya, yoowo onikhuma wa Tiithi a wiirimu, eyo piiyo, ikuru soowaarya, yoowo onooniherya ekeekhai+ ni onikhuma wa Tiithi. Namakhaliherya owo aphiya, onookikhalela onamoona.+

7 Nto, kinooleelani ekeekhai wiira, nyuwo munoophwanya mureerelo mwaha woowi kinoorowa. Tthiri kaahirowe, nkinrowa oruma ikuru soowaarya wiira sookhaliheryeni.+ Masi karowa, kinimooruuhelani.

5 Mweekeekhai, Yohani aapatisa atthu ni maasi, vano, yavira mahiku vakhaani, nyuwo munrowa opatisiwa ni ikuru soowaarya”.+

2 Nihiku na Efesta ya Pentekoositi,+ awiixutti ootheene yaahithukumana opuro omosa.

4 Vano ootheene aya yaahisareya ikuru soowaarya,+ anapacerya olavula mattaava oovirikana, siisaale ikuru iyo saawiiriha aya olavula.+

26 Nave ikuru soowaarya sinoonikhaliherya okathi nintteettheya ahu.+ Okathi owo, hiyo pooti osuwela wiira nihaana ovekela, masi nihinasuwela etthu ene yoovekela. Vano ikuru soowaarya, pooti onivekelela okathi nniipulela ahu, nihiweryaka ohimya moolumo ookhalela.