28 Mwiipasoope mmansinyu+ ni mukhapeleleke muloko, maana ikuru soowaarya sihoothanlani wiira mukhale axitokweene anihoolela+ ni mweettiheke muloko wa Muluku,+ yoowo othumme awe ni ephome ya Mwanawe.+

5 Kihoohiyani oKereta wiira mulokiherye itthu sihilonke, ni wiira khula epooma mwaathanleke axitokweene, muttharaka malakiheryo ala koovahalyaakani: 6 Mutokweene ohaana okhala mutthu* ohiniphwanyaniwa mulattu, okhaleke mulopwana orina muthiyana mmosa paahi, okhalaneke anamwane animwaamini Muluku ni ahinihimmwa okhalana mweettelo woohiloka aahiiso oohiiwelela.+ 7 Okhala wiira mutokweene onihoolela, yoowo onikhapelela myaha sa Muluku, ohaana okhala mutthu ohinihimyaniwa mulattu, ohikhaleke oowiisoona,+ ohaakuveke onanariwa,+ ohikhaleke namuhapaliwa, oowali, ohiphaveleke ophwanya itthu voohiphiyeriwa. 8 Masi, okhaleke oowaakhela aletto,+ osiveliweke itthu sooreera, uupuweleke vookhalela,*+ okhaleke naxariya, oororomeleya,+ oowiihiiha.+ 9 Otthareke oratteene moolumo oororomeleya a Muluku okathi oniixuttiha awe,+ wiira oweryeke waalipiha* akina, orumeelaka mwiixuttiho wooreera*+ ni owooniheryeke+ ale anivaanyiha wiira aattheka.