29 “Anna, mukihiye kooleeleni kihoovaka etthu, itthu sinimuhimya muhavinre ahu Davidi. Ntoko munisuwela anyu, Davidi owo ohookhwa ni oovithiwa,+ nave mahiye awe ari muttetthe yoola mpakha olelo-va. 30 Owo aari profeta ni aanisuwela ele Muluku aamuhimenrye awe, omulaphelaka, wiira mwaana mmosa a Davidi, aarowa okilaathi veehiceni vawe.+ 31 Nave-tho, aahiweha vahinatthi ohihimuxiwa wa Kristu ni aahihimya wiira Kristu owo khaarowa ohiiwa Mmahiye,* nnakhala erutthu awe khiyaarowa wuntta.+ 32 Muluku oomuhihimuxa Yesu, nave ootheene ahu nihoona eyo.+

3 Ihapari iyo, sinimuhimya Mwanawe, yoowo aari osuulu wa Davidi.+