Otumererya
33 Ohinatthi okhwa,+ Moise mulopwana a Muluku eekeekhai, aahilavula mareeliho aisarayeli yaarowa aya waakhela. 2 Owo aahimmye wiira:
“Yehova ohoorwa okhumaka oSinayi,+
Ori ene oSeyiri aahaarya ohoolo waya.
Okhuma omiyaakoni wa oParani+ ovuwa wawe waahimwaleela,
Nuuwo yaahikhala malaikha ahinikontareya,*+
Moono awe woolopwana, yaahikhala anakhotto awe.+
5 Nave Muluku ookhala mwene oYexuruni,*+
Okathi ahooleli a atthu yaathukumanne aya,+
Ni mahimo ootheene a Isarayeli.+
7 Nihimo na Yuda, aahilavula mareeliho ala:+
“Yehova, nwiriyane nsu na Yuda,+
Nave mmuttikiherye wa atthu awe.
Murumeelaka ikuru sanyu mwaahaakiherya itthu sawe,
Nave mwaahimukhaliherya owana ni awanani awe”.+
8 Nihimo na Levi, owo aahimmye wiira:+
Nyuwo mwaahipacerya onyakulihana nuuwo omaasini wa oMeriba,+
9 Mulopwana a Levi aahimuleela paapa awe ni maama awe wiira: ‘Miyo nkinaathokorerya’.
Owo khaasuwenle axinnawe,+
Ni khaacalenle anaawe.
Awo aasuka nuulumo nanyu,
Nave aatthara nivarihano nanyu.+
Yoovaheeni* nsenso* ntoko mukuttho woowunkhela.+
Ni yoovaha yootheene valtaari vanyu.+
11 Khoo Yehova, mmureelihe ni ikuru sanyu,
Nave musiveliweke ni muteko wa matata anyu.
Muntakase metto sa awanani anyu,
Wiira ale anoonyokhani ahitthikele woovirikanyani”.
12 Nihimo na Beniyamini, owo aahimmye wiira:+
“Ole oniphentiwa ni Yehova, okhaleke oovareleleya ohoolo wawe;
Okathi onimukhapelela awe nihiku nootheene,
Owo onrowa okhala mmakhatani mwawe”.
13 Nihimo na Yosefe, owo aahimmye wiira:+
“Yehova oreelihe elapo anyu,+
Ni itthu sooreera sa wiirimu,
Ni okame ni maasi anikhuma vathi mapuro oowiixa,+
14 Ni itthu sooreera sininnuwa mwaha wa nsuwa,
Nave sooreera sinihemphwa khula mweeri,+
15 Ni itthu sooreerexa sinikhuma miyaako sa khalai,*+
Nave itthu sooreera sa miyaako sinikhala mahiku ootheene,
16 Ni itthu sooreera sa vatthayani, niiye siniruwerya aya,+
Mareeliho a Ole aakhumelenle vamwirini va miiwa.+
Nto mareeliho ala amorele vamuru va Yosefe,
Vasulu va muru wa ole othanliwe eriyari ya axinnawe.+
17 Owerya wawe, onlikana ni owerya wa epooyi yoopacerya ototholiwa,
Nave manyaka awe ti manyaka a epooyi ya mutakhwani.
Owo onrowa waapurula ni manyaka awe,
Atthu ootheene aaroihaka omalenle elapo.
Anakhotto a Efrayimi,+ ari alopwana ikonto sinceene,
Nave anakhotto a Manase ari alopwana ikonto sene”.
18 Nihimo na Zabuloni, owo aahimmye wiira:+
“Nyuwo Zabuloni, mutteeliweke murima mwaha wa mikwaha sanyu,
19 Awo anrowa waalattula atthu wiira arowe omwaako.
Weiwo, anrowa ovaha mikuttho sa xariya.
Awo anrowa okumiha mihakhu soowaatta sa mphareya,
Ni mihakhu sivithiwe vaareeyani”.
20 Nihimo na Gadi, owo aahimmye wiira:+
“Oreelihiwe ole onincererya muttetthe wa Gadi.+
Owo onnimmaathi ntoko kharamu,
Oolikana wiira okhuure moono ni muru wa etthu evanre awe.
21 Owo onrowa wiithanlela mpantta woopacerya wa elapo,+
Onrowa okuxa mpantta waasukeriwe ole onivaha nlamulo.+
Ahooleli a atthu anrowa okhala vamosa.
Onrowa okumiherya exariya ya Yehova,
Nave maphukelo awe para Isarayeli”.
22 Nihimo na Dani, owo aahimmye wiira:+
“Dani mwaaxaana a kharamu.+
Owo onimwaatuphela okhumaka oBaxani”.+
23 Nihimo na Nefetali, owo aahimmye wiira:+
“Nefetali oohakalala mwaha wa oreera murima wa Yehova,
Nave oosareya ni mareeliho awe.
Ookuxa mpantta onikela nsuwa ni osuuli”.
24 Nihimo na Axeri, owo aahimmye wiira:+
“Muluku oomureeliha Axeri ni anamwane anceene.
Axinnawe amureerele murima,
Nave inawu sawe sirapihiwe mmakhurani.
25 Eyuuma ni ekoopiri itaranka sa mikhora sanyu,+
Nave munrowa okhala oovareleleya mahiku anyu ootheene.
26 Khuuvo onlikana ni Muluku eekeekhai+ a oYexuruni,+
Yoowo oneetta wiirimu wiira ookhaliheryeni,
Nave ovuwa wawe, onlikana ni pwiya okilanthi mmeekuni.+
28 Isarayeli onrowa okhalaka moovareleleya,
Nave osuulu wa Yakobe onrowa okhala woovareleleya,
Elapo erina ipyo ni eviinyu ya niinaano,+
Weiwo okame onimora aya wiirimu.+
29 Oohakalala ti nyuwo Isarayeli!+