Amoosi
4 “Mwiiwe moolumo ala, nyuwo athiyana munlikana ni ipooyi soothiyana sa oBaxani,
Siri omiyaakoni wa oSamariya,+
Nyuwo muniwiiyerya amasikhini+ ni munaapuherya alipa-oohaawa,
Munaaleela axiiyanyu wiira: ‘Muniruuhele etthu yoowurya!’
2 Pwiya Muulupalexa Yehova, mwaha wookhala oowaarya, oolapha oriki:
‘“Nwiriyane! Anoophiya mahiku awanani anyu anrowa aya wookweyani,
Vano ale anrowa ohala, anrowa okuxiwa ni coolo.
3 Munookhuma opuro woophweeya wa exiri, khula mmosa oviraka opuro woophweeya ori ohoolo wawe.
Nto munimoomoleliwa oHarmoni”. Yehova tonihimya’.
5 Mpahe ephaawu yooheliwa eferemento ntoko mukuttho wooxukhurela.+
Mulaleye voowiiwanyeya soovaha sanyu soohikhanyereriwa!
Okhala wiira eyo ti etthu enoosivelani opaka, nyuwo atthu a Isarayeli’. Pwiya Muulupalexa Yehova tonihimya.
6 Yehova onihimya wiira: ‘Masi miyo, koowiiriha atthu a ipooma sanyu sootheene ovoliwa etala, ni ophavela yoolya.
Nave kihiiriha othowa yoolya mmaitthokoni mwanyu mootheene.+
Masi nyuwo khamutthikenle wa miyo’.+
7 ‘Nave-tho nkoovanheni epula miyeeri miraru ohinatthi ophiya okathi woohepha.+
Kaanirupiha epula epooma ekina, masi epooma ekina ehinaphiya.
Ematta ekina yaanirupa epula,
Masi ematta yahaarupa epula yaanuuma.
8 Atthu a ipooma piili aahiiso tthaaru, yaanirowa atuthunyaka epooma ekina wiira yawurye maasi,+
Hata vari siiso khiyaaphiyerya.
Masi nyuwo khamutthikenle wa miyo’.+ Yehova tonihimya.
9 ‘Kaahihonona ipyo sanyu ni oviha ni eyuutte.+
Mwaahincererya ixarti sanyu ni imatta sa ewuuva
Masi nasope aahikhuura miri sanyu sa efiiku ni sa olivera.+
Masi hata vari siiso, khamutthikenle wa miyo’.+ Yehova tonihimya .
10 ‘Kaahookumiheryani eretta ntoko kaakumihenrye aka wExiitu.+
Kaahiwiiva amiravo anyu ni espaata+ ni kaahikuxa ikhavalo sanyu.+
Kaahiiriha wunkha wa mirutthu osareya opuro waamanke anyu,+
Masi, khamutthikenle wa miyo’. Yehova tonihimya.
11 ‘Kaahikumiherya ehasara eriyari anyu,
Ntoko ehasara kaakumihenrye aka oSodoma ni oGomora.+
Nyuwo mwaalikana ni niwuni nikumihiwe vamooroni,
Masi khamutthikenle wa miyo’.+ Yehova tonihimya.
12 Tivo, nyuwo atthu a Isarayeli kinootthikela woohukhumuni .
Nyuwo atthu a Isarayeli, mwiilokiherye wiira mukumane ni Muluku anyu,
Okhala wiira kinrowa woohukhumuni.
13 Owo topanke miyaako+ ni epheyo,+
Onnaaleela atthu miyuupuwelo sawe,
Onniiriha waarya wa nsuwa okhala epiphi,+
Nave onninyakela mapuro oorakamela osulu a elapo.+
Nsina nawe ti Yehova, Muluku a anakhotto”.