Aphuki
5 Nihiku nle, Deebora+ ni Baraki,+ mwaana a Abinowami, yaahiipa nsipo nla:+
2 “Ottottopeliwe Yehova!
Mwaha woowi atthu a Isarayeli yaahitaphula ikharari saya,
Ni mwaha woowi yaahiivahererya+ wiira yawane ekhotto.
3 Nwiriyane, nyuwo mamwene! Mwiiwe, nyuwo anamalamulela!
Kinoomwiipela Yehova.
Kinoomwiipela isipo Yehova,+ Muluku a Isarayeli.+
4 Yehova, okathi mwaakhuma anyu oSeyiri,+
Okathi mweettale anyu okhuma muttetthe wa wEdomi,
Elapo yaahitetereya, ni yaahimora epula ekhumaka wiirimu,
Meeku yaahimoroxa maasi.
6 Mahiku a Xamigari,+ mwaana a Anathi,
Ni mahiku a Yayeli,+ istaraata khisaaviriwa;
Alipa-ooweetta mukwaha, yaavira istaraata sikina.
7 Alimi yaahimala-mala wIsarayeli;
Yaahimala-mala, mpakha miyo Deebora,+ okhumelela,
Mpakha miyo okhumelela ntoko maama a wIsarayeli.+
Nikula na wiixaakihana,* nnakhala nivaka, khinooneya,
Eriyari ya alopwana 40.000 a Isarayeli.
Ottottopeliwe Yehova!
10 Nyuwo munaawela apuuru a ekoore yoowaarya,
Nyuwo munkilaathela itapeti soorika,
Nave nyuwo muneetta mustaraatani,
Muupuwelele itthu iya!
11 Mapuro aniwuriwa maasi, ahiiwanyeya masu a atthu anrika maasi;
Miteko sa xariya sa Yehova soolavuliwa opuro owo,
Soolavuliwa-tho miteko sa xariya sa alimi anikhala wIsarayeli.
Nto, atthu a Yehova aakhuruwela vamikhora sa ipooma.
12 Nvenye, nvenye, nyuwo Deebora!+
Nvenye, nvenye, mwiipe nsipo!+
Mweemele, nyuwo Baraki!+ Mukuxe ipottha sanyu, nyuwo mwaana a Abinowami!
13 Ale yooponwe yaahirowa wa atthu oovuwa.
Atthu a Yehova yaahikirweela, wiira ewane ni atthu ootupa.
14 Alopwana yaari oxepani,* yaakhuma nihimo na Efrayimi;
Awo yaari ni nyuwo, Beniyamini, eriyari ya anakhotto anyu.
Muttetthe wa Makiri,+ yaahikhuma makumantanti,
Nave alopwana yaakeliha etoropa atthu,* yaakhuma nihimo na Zabuloni.
15 Makhulupale a Isakari, yaari ni Deebora,
Siisaale Isakari, aari awe ni Baraki.+
Owo aahirummwa orowa mwentto oxepani.*+
Eriyari ya atthu a nihimo na Rubeni, mirima saya saanihoverya.
16 Xeeni mukilanthe anyu eriyari ya miritti mili,*
Mwaawiriyanaka amakampusi anoopa iphivi,* yiipelaka ipwittipwitthi* saya?+
Tthiri eriyari ya atthu a nihimo na Rubeni mirima saya saanihoverya.
17 Atthu a oXileyaadi, yaahithipelela okhala mpantta mukina wa muro Yordani.+
Vano nyuwo Dani, mwaahalenle-ni ni apakiti?+
Atthu a nihimo na Axeri, yaahanle yiikhuranne ene okerekhere wa ephareya,
18 Atthu a nihimo na Zabuloni, yaahileva ikumi saya mpakha anahala okhwa.
Nave atthu a nihimo na Nefetali,+ yaahiira siiso, mapuro oottukhuwa.+
19 Mamwene yaahirwa, ni yaahiwana;
Nave, mamwene a oKanaani, yaahiwana,+
OTaanaki, opuro oniphattuwa maasi a oMegido.+
Awo khiyaawenrye okuxa eparatha.+
20 Wiirimu, itheneeri saahiwana ekhotto;
Siri ene mphironi mwaya, saahiwana ekhotto ni Siisera.
Miyo kaahaanyakelasa atthu ootupa.
22 Vano, inawu sa ikhavalo, saahithukumeliha etthaya,
Okathi yoowo, ikhavalo saya sa ekhotto saatthimaka aya moowaakuveya wiira soopowe.+
23 Nlaikha na Yehova naahihimya wiira: ‘Mmutakhalihe Merozi,
Tthiri mwaatakhalihe atthu a muttetthe owo,
Okhala wiira khiyaamukhalihenrye Yehova,
Khiyaamukhalihenrye Yehova, ni anakhotto aya’.
Muthiyana owo, tootepa oreelihiwa, eriyari ya axithiyana anikhala mutentani.*
25 Siisera aahiveka maasi; Yayeli aahinvaha eleeti.
Muthiyana owo, aahinvaha eleeti yootikana, muhasa wooreera.+
26 Muthiyana owo, aahookola ntata ni aahikuxa ekhomo ya etenta,
Aahimukuxa maritelo oolemela ni ntata nawe noolopwana.
Omurumeelaka maritelo owo, aahimukhomela vamuru Siisera,
Nave aahithorola ni aahikawanya muru wa Siisera.+
27 Owo aahimora vakhiviru vawe; khaavennye opuro aamorenle awe;
Aahimora vakhiviru vawe, ni khaavennye opuro aamorenle awe;
Opuro aamorenle awe aaxinttiwe vaavo.
28 Muthiyana mmosa aaniweha vaxanelani,
Maama awe Siisera, aanithurumela vaxanelani ohimyaka wiira:
‘Xeeni ekaaro awe enipisa aya?
Xeeni oruma wa inawu sa ikhavalo sawe onipisa aya?’+
29 Axithiyana a miruku eriyari ya axithiyana awe oottittimiheya, yaanimwaakhula;
Tthiri, owo aaniilavulela ikwaha sinceene oriki:
30 ‘Kinoona wiira ankawana itthu aphwanye aya:
Mwali mmosa,* aximwali anli,* wa khula nakhotto,
Ikuwo sa ikoore sinceene wiira owareke Siisera, ikuwo sa ikoore sinceene wiira owareke,
Nlaya nimosa nootthaviwa,* ekuwo ya ikoore sinceene, malaya manli ootthaviwa,
Wiira yiiphwaneliheke muxikoni, alopwana akunxe itthu iyo’.
31 Nto, nyuwo Yehova mwaapwetexe awanani anyu,+
Masi ale anoophentani yaaryeke ntoko nsuwa”.