Yesaya
13 Muhupi waalavula sa ophukeliwa wa oBabiloonia,+ yoowo ooniheriwe awe Yesaya+ mwaana a Amozi, tuula:
2 “Mweemexe esinaale+ vasulu va mwaako ohikhanle miri.
Nwiitthane, mwaavahe esinaale ni ntata,
Wiira arwe avire vamikhora sa makhulupale.
3 Kihaaruma ale kaathanlale aka.+
Kihaathukumanya anakhotto aka, yaawo aniixinnuwiha atteeliwe ene murima,
Wiira kooniherye onanariwa waka.
4 Mwiiwe! Wookhala muttitthi wa atthu ori omiyaakoni;
Owo oniruma ntoko atthu anceene anikhuwela!
Nwiriyane okhuwela wa maloko,
Okhuwela wa maloko athukumanne!+
Yehova a anakhotto, onnaathukumanya anakhotto awe wiira yawane ekhotto.+
5 Awo anikhuma elapo ya ottaiwene,+
Anikhuma omalenle elapo,*
Yehova onnoorwa ni ikaruma sa ekhotto sa onanariwa wawe,
Wiira ohonone elapo yootheene.+
6 Nyuwo atthu, mwiikhupanyeryeke, okhala wiira nihiku na Yehova nri vakhiviru!
Nihiku nlo, Muluku Oowerya Sootheene onrowa opwetexa itthu sootheene mulaponi mwanyu.+
7 Tivonto, atthu ootheene anrowa woovaka,
Nave miyoono saya sinootteettheya.+
8 Atthu annoova.+
Onimwaaphwanya ohaawa ni owereya,
Ntoko muthiyana onihala oyara.
Awo anniwehana yoovaka vanceene,
Oriipiwa waya murima onnooneya owiitho waya.
9 Mwiiwe! Nihiku na Yehova nri vakhiviru,
Owo oonanariwa vanceene ni ooviruwa,
Wiira iirihe elapo ela okhala etthu yoowoopiha,+
Ni wiira aamala-malihe anatampi mulaponi.
10 Itheneeri ni ikurupu sa itheneeri,*+
Khasinrowa waaryaka;
Nsuwa nnooriipa okathi ninkhuma aya,
Nave mweeri khonrowa waaryaka.
11 Kinoowiiriha atthu a elapo eyo waakhula, mwaha wa otakhala waya murima,+
Nave atakhali animwaakhula mwaha wa itampi saya.
Kinoomaliha wiixinnuwiha wa atthu oowiittottopa,
Nave kinoomaliha wiixinnuwiha wa atthu oohaaxa.+
12 Kinoomwiiriha pinaatamu othowa, ovikana eweero yooreerihiwa,+
Nave kinoowiiriha apinaatamu othowa, ovikana eweero ya wOfiri.+
13 Miyo Yehova a anakhotto, kinimwiiriha erimu ottikinyeya,
Nave nihiku kinrowa aka onanariwa vanceene,
Kinimwiiriha elapo okhuma mmapuroni mwaya.+
14 Ntoko naahe onixaiwa, nave ntoko nikoto na inama nihirina mutthu onithukumanya,
Khula mmosa onootthikela nloko nawe;
Nave khula mmosa onootthyawela elapo awe.+
15 Mutthu yoole onrowa ophwanyiwa, onoohommwa,
18 Miyuura saya, sinimwaanyaanya amiravo;+
Awo khanrowa woonela othunku osuulu aya,
Nnakhala khanrowa waamorela ikharari anamwane.
19 Babiloonia, yoowo ori omwene wootepexa ovuwa,*+
Wooreera ni waawiiriha atthu a oKhaldeya wiixinnuwiha,+
Onrowa olikanaka ni oSodoma ni oGomora, okathi Muluku aapwetenxe awe.+
20 OBabiloonia, khonrowa okhaliwaka,
Nnakhala maloko anrowa okhumelela ohoolo, khanrowa okhalaka weiwo.+
Atthu a wArabia, khanrowa weemexaka etenta* aya weiwo,
Nave amakampusi, khanrowa omumulihaka inama saya weiwo.
21 Inama sa moothakoni, sinrowa wummaathiki memmo;
Ipa sa muttetthe owo, sinoosareya isiisi.
22 Inama sa mutakhwani, sinrowa okhuwelaka vasulu va ipa soorakama sa elapo eyo,
Nave alapwa a mutakhwani, anrowa wiipaka mpaani mwa ipa sooreera sa elapo eyo.
Okathi aya ohanle ophiya, nave mahiku aya aakontariwa”.+