Yesaya
26 Mahiku awo, oYuda+ nnimwiipiwa nsipo nla:+
“Nookhalana epooma yoolipa.+
Woopola wawe onlikana ni exiri ni etthu enilipiha exiri eyo.+
2 Muhule mikhora+ wiira nloko na xariya nivolowe,
Nenno nimmwiiwelela Muluku.
3 Munimwaakhapelela ale anlipa ni nyuwo;*
Okathi wootheene munimwaavahaka murettele,+
Okhala wiira anoororomelani nyuwo.+
5 Owo ohaayeviha ale oowiittottopa, eyo piiyo, epooma yoowiixinnuwiha.*
Owo oomoroxa,
Oomoroxela vathi;
Oomoroxela vantthupini.
6 Eyo enoonyakeliwa,
Enoonyakeliwa ni inawu sa atthu oopuheriwa, ni inawu sa atthu oohaawa”.
7 Ephiro ya anaxariya, ti yoowookololowa.
Okhala wiira nyuwo mwa naxariya,
Munrowa oreeriha ephiro ya anaxariya.
8 Okathi oneetta ahu ephiro anyu ya xariya, nyuwo Yehova,
Hiyo ninnoororomelani nyuwo.
Hiyo onisivela vanceene nsina nanyu, nave nimphavela wiira nuupuweleliweke.*
9 Ohiyu, miyo kinnoophavelani ni murima aka wootheene,
Aayo, kinnoophavelani ni murima aka wootheene.+
Okathi muniphukela anyu elapo,
Atthu anikhala mulaponi-mmo anniixutta exariya.+
10 Hata mutakhali oreereliwaka murima,
Owo khonrowa wiixutta exariya.+
Hata mulaponi mwa anaxariya, owo onrowa ovaraka itthu sootakhala,+
Nave khonrowa oweha ovuwa wa Yehova.+
11 Nyuwo Yehova, muheemexa ntata nanyu, masi awo khanoona.+
Awo animoona wiira munnaaphenta vanceene atthu anyu, nto animuuliwa muru.
Aayo, munimwaapaha awanani inyu ni mooro mwaasukenrye anyu.
12 Nyuwo Yehova, munoonivaha murettele,+
Okhala wiira itthu sootheene nimpaka ahu,
Ti nyuwo munnireeliha.
13 Nyuwo Yehova, Muluku ahu, hiyo noolamuleliwa ni mapwiya makina,+
Masi hiyo ninttottopela nsina nanyu paahi.+
14 Awo ahookhwa. Khanrowa otthikela-tho okhala akumi.
Awo kharina ikuru, khanrowa-tho ovenya.+
Muhaavaha ehukhumu,
Muhaapwetexa ni moomala-maliha nsina naya.
Muhincererya vanceene mikano sootheene sa elapo.+
16 Nyuwo Yehova, okathi onixanka aya awo annoophavelani;
Okathi munaavaha anyu ehukhumu, awo annoovekelani vathi-vathi ni murima aya wootheene.+
17 Ntoko siisaale muthiyana oorupala ni onihala oyara,
Onikhuwela awe mwaha wa woona owereya,
Hiyo-tho nnoona siiso, mwaha wa nyuwo Yehova.
18 Hiyo naahirupala ni naahoona owereya,
Masi naakhala ntoko naayanre epheyo.
Khaniruuhale woopowa elapo ela,
Nnakhala khuuvo omuyanre mwaana wiira okhaleke mulaponi-mu.
19 “Atthu anyu akhwiiye anookhala akumi.
Mirutthu sa atthu aka* sinoovenya.+
Nvenye ni mutthapeke,
Nyuwo mukhwiiye vatthayani!+
Okame onoonaanihani, onlikana ni okame wa voosiisu,*
Etthaya enimwaakumiha atthu akhwiiye ari mmahiye, wiira akhale akumi.
Mwiipithe okathi vakhaani,
Mpakha ovira onanariwa wa Muluku.+
21 Mwiiwe! Yehova onnoorwa okhumaka nipuro nawe,
Wiira aakumiherye ehukhumu atthu anikhala mulaponi, mwaha wa itampi saya.
Elapo enimooniherya ephome ehiiyale aya,
Nave khenrowa-tho owiipithiha atthu ewiivale aya”.