Samuweli Oopacerya

29 Afilisti+ yaahaathukumanya atoropa aya ootheene wAfeki. Vano aisarayeli yaamanke oYezireyeli waattamela opuro oniphattuwa maasi.+ 2 Anamalamulela a afilisti yaahihoola ni ekurupu ya anakhotto 100, ni ekurupu ekina ya anakhotto 1.000. Nto Davidi ni alopwana awe yaanaatthara ottuli vamosa ni Akixi.+ 3 Masi, makhulupale a afilisti yaahikoha wiira: “Aheeperi ala aniirani-va?” Akixi aahiwaakhula mukhulupale a afilisti wiira: “Ola Davidi murumeyi a mwene Sawuli a wIsarayeli. Onikhala ni miyo ovikana eyaakha emosa,+ nave nkimphwanyanne mulattu okhuma nihiku omuhiyale awe Sawuli mpakha olelo-va”. 4 Vano makhulupale a afilisti yaahitikinihiwa ni Akixi, amuhimeerya wiira: “Mmuttikihe.+ Mmurume wiira otthikele opuro munvanhe anyu. Muhimuhiye orowaka okhottoni ni hiyo, wiira ohinirukunuwele okathi wa ekhotto.+ Woonasa wene, wiira omusivelihe Sawuli owo onoowiiva anakhotto ahu. 5 Ola khahiyo Davidi, yoowo athiyana yaamwiipela aya ni omwiinela, ariki:

6 Nto Akixi+ aahimwiihana Davidi omuhimeerya wiira: “Kinnimulaphela Yehova wiira nyuwo mwa mutthu ooloka. Nave kaaniphavela mwaaronwe ni miyo okhottoni,+ maana okhuma nihiku mphiyale anyu nno mpakha olelo-va, nkoophwanyanneni mulattu.+ Masi makhulupale ale khanoororomelani.+ 7 Vano mutthike ni murettele, nave muhipake etthu enrowa waanyoonyiha makhulupale a afilisti”. 8 Masi, Davidi aahimukoha Akixi oriki: “Mwaha wa xeeni? Kipanke-ni? Etthu xeeni yoohiloka mukiphwanyanne anyu okhuma nihiku kiphinye aka nno mpakha olelo? Xeeni kihikhanle aka oorowa owana ni awanani a pwiya aka, mwene?” 9 Akixi aahimwaakhula Davidi oriki: “Miyo kinoona wiira nyuwo mwa mutthu ooloka ntoko nlaikha na Muluku.+ Masi makhulupale a afilisti aahimya wiira: ‘Muhimuhiye orowaka okhottoni ni hiyo’. 10 Nvenye meelo voosiisu, nyuwo ni arumeyi a pwiya anyu arwiiye ni nyuwo; nsuwa nikhumaka-ru muroweke”.

11 Davidi ni atthu awe yaahivenya voosiisu ene atthikela elapo ya afilisti. Nto afilisti yaahirowa oYezireyeli.+