Yesaya

4 Mahiku awo, athiyana 7 anonvara mulopwana mmosa,+ amuhimeeryeke wiira:

2 Mahiku awo, Yehova onimwiiriha omela malaxi ooreera oweha. Atthu anrowa woopowa wIsarayeli,+ anrowa wittottopaka ni anootteeliwa murima mwaha wa mihokorokho sa mulaponi. 3 Atthu ootheene ahanle oSiyoni ni oYerusalemu, anrowa ohimmwaka okhala oowaarya, eyo piiyo, atthu ootheene a oYerusalemu alempwale wiira akhaleke akumi.+

4 Yehova onoomooniherya Yerusalemu onanariwa wawe vanceene ni onomphukela.+ Apaka eyo, onoovenxa itthu soonanara sa atthu anikhala oSiyoni+ ni onoorapiha ephome yaamwarexiwe oYerusalemu. 5 Mapuro ootheene a mwaako Siyoni ni mapuro anaapaka aya akonkereesu aya, Yehova onookumiherya neeku ni mwiixi othana. Nave ohiyu,+ onookumiherya mooro onivarela. Itthu sootheene soowaarya sinookhapeleliwa. 6 Nave-tho, onookhala muxaxa onrowa okumiheryaka muuttutthi mwaha wa oviha othana,+ ni wiira otthyaweliweke mwaha wa munamukhaya ni epula.+