Yesaya
29 “Yootakhaliwa epooma ya wAriyeli!*
Yootakhaliwa epooma ya wAriyeli, yeeyo Davidi aamaka awe!+
Khuta mwaakha, sipakiweke ifesta sinimakela wiiriwa.+
2 Masi miyo kinookumiherya mixankiho wAriyeli,+
Atthu anrowa wiikhupanyeryaka ni oriipiwa murima,+
Nave epooma eyo enrowa olikanaka ni nipuro nimpahiwa itthu valtaari a Muluku.+
3 Kinimweemexa itenta* saka koorukureryakani ipantte sootheene,
Kinimoorukureryani, kithipelaka miri soothokoliwa,
Kinooteka ipa soolipa, wiira kootupheleni.+
4 Nyuwo munoomoroxiwa;
Munrowa olavulaka muri ene vathi,
Nave moolumo anyu khanrowa okhumaka saana mwaha wa ntthupi.
Nsu nanyu ninrowa wiiwanyeyaka nikhumaka vathi,+
Ntoko nsu na nahako.
Nave moolumo anyu anrowa wiiwanyeyaka vakhaani-vakhaani, okhalaka ntoko anikhuma vantthupini.
5 Muttitthi wa awanani* anyu onrowa okhalaka ntoko ntthupi ninvavihiwa,+
Muttitthi wa atthu oohaaxa onrowa olikanaka ni ikavava sinivavihiwa.+
Eyo enimwiiraneya niinaano-ru, mootutuxerya.+
6 Yehova a anakhotto onimoorwa wookhaliheryani,
Ni etari, etetere, onyakula wuulupale,
Ni epheyo yuulupale, munamukhaya ni mooro muulupale”.+
7 Muttitthi wa atthu a ilapo sootheene oniwana ni epooma ya wAriyeli,+
Aayo, ootheene yaale aniwana ni epooma eyo,
Ootheene yaale aniteka ipa soorakamela osulu wiira atuphele epooma eyo,
Ni ale anikumiherya mixankiho epooma eyo,
Anrowa okhalaka ntoko oloha ohiyu.
8 Siisaale mutthu ovoliwe etala oniloha awe olyaaka,
Masi onavenya ovoliwe ene etala,
Nave siisaale mutthu ovoliwe ntthona oniloha awe owuryaka,
Masi onavenya okhulumunwe ene ni ovoliwe ene ntthona,
Siiso-tho, enimwiiraneya ni muttitthi wa atthu a ilapo sootheene,
Siniwana ekhotto ni mwaako Siyoni.+
Awo aahapaliwa, masi khahapaliwe eviinyu;
Annittikinyeya, masi ohiya mwaha wa soowurya soohapala.
10 Yehova ohooruuhelani ikhove sinceene;+
Owo ookhuneela maitho anyu, yaawo ari maprofeta anyu,+
Ni ookhuneela miru sanyu, eyo piiyo, atthu aniwerya oweha itthu sa ohoolo.+
11 Para nyuwo, itthu sootheene soonihiwe, sinlikana ni moolumo ari muliivuruni yootthukiwa.+ Okathi eliivuru eyo onivahereriwa awe mutthu onisuwela osoma, onavekeliwa wiira: “Xontte, musome eliivuru ela ni nsu noowiiwanyeya”, owo onnaakhula oriki: “Nkiniwerya osoma, okhala wiira ti yoowaliwa”. 12 Nave okathi eliivuru eyo onivahereriwa awe mutthu ohinisuwela osoma, onavekeliwa wiira: “Xontte, musome”, owo onnihimya wiira: “Nkinisuwela osoma”.
13 Yehova onihimya wiira: “Atthu ala anikikokhorela ni moolumo paahi,
Anikittittimiha ni eyano paahi,+
Masi murima aya ori ottaiwene ni miyo;
Nave anikikokhorela attharaka malamulo a apinaatamu, yaawo yiixuttihiwe aya.+
14 Tivonto, miyo kinoopaka itthu sinrowa waatikiniha atthu ala,+
Ni kinoopaka miiriirya sinceene.
Nave miruku sa asuweli aya sinoomala-mala,
Nave-tho osuwela wa atthu aya a miruku, onoomala”.+
15 Aatakhaliwa atthu yaale aniimananiha vanceene owiipithiha apalano aya wiira Yehova ohaawehe.+
Awo annivara miteko saya wiiphiini,
Annihimya wiira: “Ti pani onniweha?
Ti pani onisuwela itthu ninvara ahu?”+
16 Nyuwo munnivirikanya itthu!*
Niireke mulipa-onuupa miyaapu, onnilikana ni oloko?+
Niireke wiira etthu epakiwe ennimuhimya ole opanke yiiraka:
“Ola khokipanke”?+
Nave-tho niireke mwaapu wa oloko, onnimuhimya ole opanke mwaapu owo wiira:
“Ola khonisuwela etthu”?+
17 Wavira okathi vakhaani paahi, oLiibano onrowa okhala ematta ya miri sooruwerya,+
Ematta eyo ya miri enrowa okhala yoowunttelana ntoko ntakhwa.+
18 Okathi owo, ale ahiniiwa animwiiwa moolumo a muliivuruni,
Nave ale ahinoona, animoopoliwa mweepiphini wiira yooneke.+
19 Atthu oowiiyeviha, anootteeliwa murima vanceene mwaha wa Yehova,
Nave atthu oohaawa, anootteeliwa murima mwaha wa Muluku Oowaarya a wIsarayeli.+
20 Mutthu onimuhaaxa mukhwaawe, khonrowa-tho okhala,
Ole oowiittottopa, onimookhwa,
Nave ootheene yaale ari oolikana ene para owiirela itthu sootakhala akina, anoopwetexiwa.+
21 Ootheene yaale aniwootherya akhwaaya vahikhanle mulattu,
Ni ale animureya ntapha mutthu oniixaakiha mulattu awe vamukhora va epooma,+
Ni ale anikhootta omwiirela exariya mutthu ohitthenke, anoopwetexiwa.+
22 Etthu Yehova, yoowo aamooponle Abrahamu,+ onihimeerya awe osuulu wa Yakobe, tiila:
23 Okathi onaaweha awe anaawe,
Ari ene nuuwo, yaawo kaapanke aka ni matata aka,+
Awo anoottittimiha nsina naka;
Aayo, anoomuttittimiha Muluku Oowaarya a Yakobe,
Ni animweemela atikinihiwe ene mwaha wa Muluku a Isarayeli.+
24 Ale arina muupuwelo woohireera, animwaaphwanya ankhili,
Nave ale ookhupanya, animweemererya wiixuttihiwa”.