Mikeya
2 “Aatakhaliwa ale aniphavela opaka itthu sootakhala,
Yaawo anipaka itthu sootakhala okathi animpaathi aya vakhaamani vaya!
Vaxa vale awo annipaka ele yuupuwenle aya,
Okhala wiira aakhalana owerya woopaka eyo.+
2 Okathi awo aniphavela aya imatta, annikuxa imatta iyo,+
Okathi aniphavela aya ipa, annikuxa ipa iyo.
Awo anninwoka mulopwana wiira akuxe empa awe,+
Nave annimwaakha itthu ovahiwe awe ntoko yoohiyeriwa.
3 Nto, etthu onihimya awe Yehova, tiila:
‘Kinnilokiherya ehasara para nyuwo,+ nave khamunrowa woopowa.+
Khamuntthikela-tho wiixinnuwiha,+ okhala wiira okathi owo onrowa okhala wa maxaakha.+
4 Nihiku nno, atthu anoolavula muhapo yoohimyakani nyuwo,
Nave animookhupanyeryani vanceene.+
Anoohimya wiira: “Noopwetexiwa voomalela!+
Owo ookuxa mireerelo sa atthu ahu aavaha atthu akina, oonaakha.+
Owo onaakawela imatta sahu atthu oohiroromeleya!”
5 Tivo, khonrowa okhala mutthu wiira ookole mukhoyi woophima,
Wiira aakawele elapo atthu a Yehova.*
6 Masi awo annihimya wiira: “Muhiye olaleerya!
Muhitthikele-tho olaleya itthu iya,
Hiyo khaninrowa wuuliwa muru!”
7 Nyuwo atthu a etthoko ya Yakobe, etthu munikoha anyu tiila:
“Niireke Yehova oroohiya opixa murima?
Miteko sawe ti seiya?”
Kiireke moolumo aka khanaakumiherya mureerelo ale aneetta voororomeleya?
8 Masi, okathi vakhaani ovinre, atthu aka aakirukunuwela ntoko nwanani.
Nyuwo munniwaakha ikuwo sootepa oreera,
Atthu ale aneetta yiiroromelaka, ntoko atthu anikhuma okhottoni.
9 Munniwoomola athiyana a atthu aka mpaani mwaya mooreera.
Munniwaakha anaaya ovuwa waka mahiku ootheene.
10 Nvenye, muroweke, okhala wiira ola khahiyo opuro woomumula.
Mwaha wa ohiloka wawe,+ owo onoopwetexiwa, opwetexiwa vootakhala.+
11 Akhala mulopwana onitthimakela epheyo ni onitthimakela owoka, onootha oriki:
“Kinrowa woolaleeryani ihapari sa eviinyu ni soowurya sinihapala”,
Nto, owo tori namalaleya ooloka para atthu ala!+
12 Nyuwo Yakobe, kinrowa woothukumanyani ootheene anyu;
Mweekeekhai, kinimwaathukumanya atthu anrowa ohala a Isarayeli.+
Kinoowiiraaniha ntoko ipwittipwitthi siri munsisini,*
Ntoko ipwittipwitthi siri opuro sinilya inama.+
Weiwo onookhala onyakula wa atthu anceene’.+
13 Ole onihula ephiro onoorowa ohoolo waya;
Awo anoohula ephiro, anoovira vamukhora ni anookhuma vamukhora vaavo.+
Mwene aya onoovira ohoolo waya,
Yehova onrowa okhala ohoolo waya”.+