Samuweli Oopacerya
2 Vano, Ana aahivekela ohimyaka so:
Kinniwaakhula awanani aka ni olipa murima,
Kinnitteeliwa murima mwaha wa woopola wanyu.
2 Khuuvo ori oowaarya onlikana ni nyuwo, Yehova;
Khuuvo mukinaku onlikana ni nyuwo,+
Muluku ahu, nyuwo paahi muri oolipa ntoko mwala.+
3 Muhiye olavula moowiittottopa;
Mwaano mwanyu ahikhume moolumo oowiisoona,
Okhala wiira Yehova, Muluku oosuwela.+
Owo onnitokosa oratteene miteko sootheene.
5 Ale yaalimalenle ovona, ahaana ovara muteko wiira aphwanye ephaawu,
Masi ale yaavoliwa etala, khanivoliwa-tho.+
Muthiyana ahaayara, ohaayara anamwane 7.+
Masi ole aarina anamwane anceene, oohala mekhawe.
6 Yehova onniwerya opwetexa okumi ni onniwerya osuka okumi;
Owo onniwerya omuroiha mutthu Mmahiye* ni onniwerya omuhihimuxa.+
7 Yehova onnimwiiriha mutthu okhala oohaawa ni onniwerya omuthaaciriha;+
Owo onniwerya omuyeviha mutthu, ni onniwerya omunnuwiha.+
8 Owo onninvenxa vantthupini masikhini;
Owo onninvenxa mulipa-oohaawa vattuurwani,*+
Wiira aakilaathihe eriyari ya makhulupale,
Aavahaka opuro woottittimiheya.
Yehova tori mwaneene alisenso a elapo,+
Owo toniiriha etthaya oruwerya mulaponi.
Tthiri mutthu khonwerya oxintta orumeelaka ikuru sawe.+
11 Nto, Elikana aahirowa owannyawe oRama, masi mwaana ole aaninvarela muteko Yehova,+ eettihiwaka ni namukuttho Eli.
12 Vano, anamwane a Eli, yaari ootakhala murima.+ Awo khiyaamuttittimiha Yehova. 13 Ohiya okuxa epantte ya mukuttho yaavahiwa aya ni atthu, etthu yaapaka aya tiila:+ Okathi mutthu aavaha awe mukuttho, namakhaliherya a namukuttho aanirwa okunxe ene ekarfu yuulupale, yaarina maino mararu. Nto okathi yaapeiwa aya enama, 14 aanihoma mmwaapuni, munikhalakoni, mpanelani,* wala munikapuni. Enama yootheene yaakumihiwa ni ekarfu, yaakhala ya namukuttho. Eyo ti etthu yaawiirela aya aisarayeli ootheene yaarowa oSilo. 15 Nave-tho, okathi mutthu aavaha awe mukuttho, ohinatthi opaha ekortuura,+ namakhaliherya a namukuttho, aanirwa, onamuhimeerya wiira: “Munvahe namukuttho enama wiira ooxe. Owo khoniphavela enama yoowaapeiwa, oniphavela ekithi paahi”. 16 Okathi mutthu owo aamwaakhula awe wiira: “Muhiye toko epahiwe ekortuura,+ nuumala-vo munookuxa ele eniphavela anyu”, namakhaliherya a namukuttho aanihimya wiira: “Nnaari, mukivahe niinaano-va. Mwaahiire siiso, kinookuxa ni ikuru!” 17 Siiso, yoottheka ya anamakhaliherya khiyaareere wunnuwa vamaithoni va Yehova,+ okhala wiira alopwana awo khiyaattittimiha itthu saavahiwa awe Yehova.
18 Vano Samuweli aaninvarela muteko+ Yehova, owanre ene eefodi* ya eliinyu,+ nnaamwi aari mmiravo mwaamukhaani. 19 Ohiya-vo, khula mwaakha, maama awe aanimuttotthela nlaya naamukhaani noohikhalana miyoono, onamuroihela okathi aarowa awe ni iyawe ovaha mukuttho wa vamwaakhani.+ 20 Eli aahimureeliha Elikana ni mwaarawe onahimya wiira: “Yehova oovaheeni mwaana mukina ni amwaarinyu ala, nipuro na mwaana onvanhe anyu Yehova”.+ Nuumala-vo, yaahitthikela owaani. 21 Yehova aahimuupuwela Ana. Nto Ana aahirupala.+ Nave aahaayara anamwane araru axilopwana ni anamwane anli axithiyana. Mmiravo Samuweli aaninnuwa vamaithoni va Yehova.+
22 Eli khaareere wuuluvala, nave aaniiwa itthu sootheene anaawe axilopwana yaawiirela aya atthu+ ootheene a Isarayeli. Aahiiwa-tho wiira anaawe awo, yaanirupa ni axithiyana yaavara muteko vamukhora wa etenta* ya muthukumano.+ 23 Owo aanaaleela anaawe wiira: “Xeeni munithipelela anyu opaka itthu iya? Itthu kiniwiiwa aka atthu ootheene yoohimyakani nyuwo, ti sootakhala. 24 Nnaari, anaaka, itthu kiniiwa aka eriyari ya atthu a Yehova, khasilonke. 25 Akhala mutthu onimutthekela mukhwaawe, mutthu mukina onoowerya onvekela Yehova wiira omukhaliherye. Masi akhala wiira mutthu owo onoomutthekela Yehova,+ tani oniwerya onvekelela?” Vano, anamwane awo yaahikhootta onwiriyana paapa aya, okhala wiira Yehova aahaalamula okhwa.+ 26 Nto, mmiravo Samuweli aaninnuwa mweerutthuni, ni aanimusiveliha Yehova, vamosa ni atthu.+
27 Mulopwana a Muluku aahirowa wa Eli, onamuhimeerya wiira: “Etthu onihimya awe Yehova tiila: ‘Kiireke miyo kaahikhootta wiixooniherya etthoko ya tiithi anyu okathi yaari aya wExiitu ntoko ipottha vatthokoni wa Farawo?+ 28 Owo aahithanliwa eriyari ya mahimo ootheene a Isarayeli+ wiira okirumeeleke ntoko namukuttho, oweleke valtaari vaka+ wiira ovaheke mikuttho, opaheke erupani ni onwareke eefodi* ohoolo waka. Nave kihaavaha atthu a etthoko ya amuhavinre anyu soovaha sootheene sinipahiwa vaikho ni aisarayeli.*+ 29 Xeeni muhinttittimiha anyu mikuttho ni soovaha saka, kirumme aka wiira sihaana ovahiwa opuro kinikhala aka?+ Xeeni munaattittimiha anyu aniinyu okivikana miyo? Nyuwo munnoolya epantte yooreerexa ya soovaha kiniruuheliwa aka ni atthu aka, aisarayeli.+
30 “‘Tivo, etthu onihimya awe Yehova, Muluku a Isarayeli, tiila: “Tthiri, miyo kaahihimya wiira etthoko anyu ni etthoko ya amuhavinre anyu yaarowa okhalaka ohoolo waka”.+ Masi vano Yehova onihimya wiira: “Eyo kheniiraneya, okhala wiira kinrowa waattittimihaka ale ankittittimiha,+ masi ale ahinkittittimiha khanrowa ottittimihiwaka”. 31 Mwiiwe! Anoophiya mahiku kinrowa aka omaliha owerya wanyu ni owerya wa atthu a etthoko ya tiithi anyu, wiira ohikhale nnakhala mutthu a etthoko anyu onrowa wuuluvala.+ 32 Vano eriyari ya itthu sootheene sooreera kiwiirenle aka atthu a Isarayeli,+ munimwaaweha awanani anyu akhalaka opuro onkhala aka, nave khuuvo onrowa wuuluvala etthoko anyu. 33 Mutthu mmosa a osuulu anyu kihinrowa aka omuhiiha okivarela muteko valtaari vaka, onimwiiriha maitho anyu ohoona, nave onimooriipihani murima. Masi atthu anceene a etthoko anyu, animwiiviwa ni espaata.*+ 34 Ele enrowa owiiraneela aniinyu anli axilopwana, Hoofini ni Pineha, enrowa okhala esinaale anyu: Oowanli aya anrowa okhwa nihiku nimosa-ru.+ 35 Nuumala-vo, kinimwiithanlela namukuttho oororomeleya.+ Owo onrowa opakaka ele eniphavela murima aka. Nave kinoomutekela empa enrowa okhalaka mahiku ootheene, nave-tho okathi wootheene onrowa weettaka ohoolo wa ole kimuthanlale aka. 36 Mutthu onrowa ohala a etthoko anyu onimoorwa, ni onimuurama ohoolo wawe ovekelaka muteko wiira oliviwe musurukhu ni ephaawu. Owo onoohimya wiira: “Xontte, mukivahe muteko wa onamukuttho, wiira kiphwanyeke ephaawu”’”.+