Yesaya
48 Nyuwo osuulu wa Yakobe, nwiriyane etthu ela,
Nyuwo muniixiihanela nsina na Isarayeli,+
Nyuwo mukhumme nloko na Yuda,*
Nyuwo munilapha mwa nsina na Yehova,+
Ni muninvekela Muluku a Isarayeli,
Masi khamunipaka eyo ni murima wootheene ni mwa xariya.+
2 Nyuwo munniixiihanela nsina na epooma yoowaarya,+
Nave, munnimwaavya Muluku a Isarayeli wiira ookhaliheryeni,+
Yoowo nsina nawe nri Yehova a anakhotto.
3 “Kaahooleelani khalai ene, itthu siiraneyale.*
Itthu iyo ti miyo kaalavunle,
Nave miyo kaahoosuwelihani.+
Niinaano-ru kaahipaka etthu, nto itthu iyo sahiiraneya.+
4 Miyo kaahisuwela wiira mwa mutthu oowuumiha murima,
Ni wiira mutika wa exiko anyu ti woolipa ntoko eyuuma, ni wiira eyuuci anyu ti yoolipa ntoko ekoopiri,+
5 Miyo kaahooleelani khalai ene.
Itthu iyo sihinatthi wiiraneya, miyo kaahoosuwelihani,
Wiira muhihimye so: ‘Ilatarato sahu ti sipanke etthu ela;
Elatarato aka ni elatarato aka ya yuuma* ti sirumme itthu iya’.
6 Nyuwo muhiiwa ni muhoona itthu sootheene.
Niireke khamunrowa waaleela atthu akina?+
Okhuma vano orowa ohoolo, kinnooleelani itthu isya,+
Seiyo siipithihiwe, nyuwo mwahaasuwela anyu.
7 Itthu iyo sinipattuxiwa niinaano-va, khasipattuxiwe khalai.
Mpakha olelo-va, nyuwo khimwaatonko wiiwa silavuliwaka itthu iya,
Tivonto, nyuwo muhikhanle anyu oohimya wiira: ‘Moone! Miyo kaanisuwela itthu iya’.
8 Nyuwo khamwaiwale,+ nnakhala khimwaasuwela,
Nave khalai, nyuwo khamwaaphavenle wiiwa.
Miyo koosuwela wiira nyuwo mwa nloko noohiroromeleya,+
Nave munniihaniwa okhala anatampi, okhuma okathi muyariwe anyu.+
9 Masi mwaha wa nsina naka, kinimoopixeryani murima.+
Mwaha wa ottottopeliwa waka, kinimoopixeryani murima,
Nave nkinrowa woopwetexani.+
10 Mwiiwe! Miyo kihooreerihani, masi ohiya ntoko enireerihiwa aya eparatha.+
Kooweemereryani ohaawa* wiira kooreeriheni, ntoko siisaale eyuuma eniheliwa aya vaikho wiira ereerihiwe.+
11 Mweekeekhai, mwaha wa nsina naka kinoopaka etthu.+
Nto kinrowa ohiya sai nsina naka niveehiwaka?+
Ovuwa waka nkininvaha mutthu mukina.*
12 Nyuwo Yakobe, mukiwiriyane ni nyuwo Isarayeli, koothanlalyaakani.
Miyo nkiniturukeya.+ Miyo ka oopacerya, nave-tho miyo ka ookiserya.+
Okathi kiniitthana aka itthu iyo, sinneemela.
14 Muthukumane ootheene anyu, ni nwiriyane.
Niireke ookhala muluku olaleyale itthu iya?
Nave onoorumeela moono awe wiira aatuphele akhaldeya.+
15 Miyo mmansaka koolavula ni koomwiihana.+
Miyo koomuruuha, nave itthu sinoomweettela saana.+
16 Mukaattamele, mwiiwe etthu ela.
Okhuma woopaceryani, miyo nkilavunle kiipithihaka.+
Okathi itthu iya siiraneya aya, miyo kaahikhala”.
Nto vano, Pwiya Muulupalexa Yehova ookiruma ni ookivaha ikuru sawe.
17 Etthu enihimya awe Moopoli anyu Yehova, Muluku Oowaarya a Isarayeli, tiila:+
“Miyo Yehova, ka Muluku anyu,
Ti miyo kiniwiixuttihani etthu enoophwanyihani mureerelo,+
Ti miyo kiniweettihani ephiro munireerela anyu weettaka.+
18 Kaaniphavela mwaawiriyanne sooruma saka!+
Murettele anyu, waarowa okhalaka ntoko muro,+
Nave exariya anyu, yaarowa okhalaka ntoko mawimpi a mphareya.+
19 Aniinyu ni osuulu anyu, waarowa waatta ntoko mihaava.
Nsina naya khinaarowa ottipihiwa,+
Nnakhala omala-malihiwa ohoolo waka”.
20 Mukhume oBabiloonia!+
Mwaatthyawe akhaldeya!
Mulaleye mutteeliwe ene murima! Mulaleye!+
Mwaasuwelihe atthu mpakha omalenle elapo.+
Muhimye wiira: “Yehova oomoopola murumeyi awe, Yakobe.+
21 Awo khiyaavoliwe ntthona okathi aaweettiha awe moothakoni.+
Owo aahikumiha maasi vamwala, aavaha.
Aahipwexa mwala ni aahiiriha okhuma maasi”.+
22 Yehova onihimya wiira: “Atakhali kharina murettele”.+