Aalepenle Awe Aefeso
2 Mwaha wa itampi sanyu, mwaari ookhwa ene, masi Muluku ohookhalihani akumi.+ 2 Okathi owo mwaanitthara mweettelo wa olumwenku*+ ni mwaanipaka itthu aaphavela awe namalamulela a olumwenku ola. Owo onneettiha muupuwelo+ wa atthu oohiiwelela,+ yoowo osareyale moolumwenkuni ntoko epheyo. 3 Khalai, ootheene ahu neetta ntoko atthu awo, maana naavara itthu saavarihana ni soophavela sahu soohiloka+ ni naavara itthu nuupuwela ahu. Okhuma okathi oyariwe ahu,+ naaphwanela oviruweliwa ni Muluku+ ntoko atthu awo akina. 4 Masi Muluku toomoriwa ikharari vanceene,+ nave mwaha wa oniphenta wawe wuulupale,+ 5 oonikhaliha akumi vamosa ni Kristu, nnaamwi naari ookhwa ene mwaha wa itampi sahu.+ Nto, nyuwo muhoopoliwa mwaha wa oreera wawe murima wuulupale. 6 Masi, Muluku oonikhaliha akumi ni oonivaha opuro wookilaathi wiirimu, mwaha woowi ooniiraaniha ni Kristu Yesu.+ 7 Muluku onniira siiso ophavelaka wiira elapo esya enrwa, onooniherye oreera wawe murima wuulupale, okathi onrowa awe oniirela itthu sooreera, hiyo niiraanale ni Kristu Yesu.
8 Tthiri oreera murima wuulupale wa Muluku, towooponleni mwaha wa waamini.+ Woopowa iwo nivahiwe ni Muluku, khahiyo mwaha wa miteko sanyu. 9 Nnaari, khahiyo mwaha wa miteko,+ wiira ohikhale mutthu onrowa okhalana mathowa oowiittottopa. 10 Tthiri, hiyo nipattuxiwe ni yoowo, nave nipattuxiwe wiira nivareke miteko sooreera+ mwaha woowi na awiixutti a Kristu Yesu.+ Muluku oolakela khalai ene wiira nivareke miteko iyo.
11 Nto nyuwo munnuupuwela wiira khahiyo mwa ayuda ni wiira ale yinnuwihiwe ni apinaatamu, annoohimyani okhala atthu oohinnuwihiwa. 12 Okathi owo, nyuwo khimwaamusuwela Kristu, mwaahimwalana ni nloko na Isarayeli, khimwiirela mpantta nivarihano naahela muhina yooleiherya ya Muluku.+ Mwaakhala mulaponi-mu muhirina nlipelelo ni muhimusuwelaka Muluku.+ 13 Nto, mwaha wa wiiraana ni Kristu Yesu, nyuwo mwahaamusuwela Muluku, vano munnimusuwela mwaha wa ephome ya Kristu. 14 Mweekeekhai, owo ti murettele ahu.+ Yoowo oolupanyiha ikurupu piili+ ni oopwexa* exiri yaavalaanya ikurupu iyo.+ 15 Mwaha woovaha erutthu awe, oomaliha ikano ni sooruma sa Nlamulo na Moise, nenlo naakumiherya ohiiwanana eriyari ya ikurupu iyo piili. Nuumala-vo, aahiiraaniha ikurupu iyo, khukhala ekurupu esya. Tthiri ikurupu iyo ti awiixutti awe,+ nto Kristu ohaakumiherya murettele. 16 Nave, mwaha wa okhwa wawe vamwirini wa nihaaxeryo,*+ oomaliha ohiiwanana, ohiiraaniha moomalela ikurupu iyo khukhala emosa,+ ohaataaniha ni Muluku. 17 Owo aahirwa ni aahoolaleeryani ihapari sooreera sa murettele, nyuwo mwahaamusuwela Muluku, vamosa ni ale yaamusuwela. 18 Mukuttho awe, woonikhaliherya hiyo nniirela mpantta ikurupu iyo piili, owerya onvekelaka Tiithi, maana noovahiwa ikuru soowaarya simosa-ru.
19 Vano, nyuwo khahiyo atthu a elapo yoovirikana,+ masi muri vamosa+ ni ale oororomeleya* ni munniirela mpantta emusi ya Muluku.+ 20 Nyuwo moolipihiwa ni alisenso, eyo piiyo, arummwa ni maprofeta,+ nto Kristu Yesu, tori nluku nuulupale na alisenso awo.+ 21 Mwa yoowo, empa yootheene yookhalihiwa etemplo yoowaarya vamaithoni va Yehova,+ okhala wiira ipantta sootheene soolupanyiwa* oratteene.+ 22 Mwaha wa wiiraana ni Kristu, Muluku ohookhalihani vamosa ni akina empa awe, maana ikuru sawe siri vaavo.+