Silempwale ni Marko
16 Vaavirale aya esaabadu,+ Maria Madalena, Maria+ maama awe Yakobo ni Salome, yaahithuma makhura oowunkhela wiira yattikitthele murutthu wa Yesu.+ 2 Siiso, nihiku noopacerya na esumana,* voosiisu ene, nsuwa nikhumme ene, awo yaahirowa omahiye.+ 3 Yaanikohana yiiraka: “Ti pani onrowa opirikixa nluku nle nittiyelaniwe mahiye?” 4 Okathi yaawehale aya vamukhora wa mahiye, yaahoona wiira nluku nle naahipirikixiwa, nnaamwi naari nuulupale.+ 5 Nuumala okela mmahiye, yaahimoona mmiravo okilanthi ene moono woolopwana, owanre ene ekuwo yootteela. Nto awo yaahituthuwa vanceene. 6 Mmiravo ole aahaahimeerya athiyana ale wiira: “Muhituthuwe.+ Koosuwela wiira munimphavelasa Yesu munazarethi, yoowo aiviwe vamwirini. Owo khokhanle vaava, oohihimuxiwa.+ Mooneke, ola opuro aavithiwe awe.+ 7 Nto muroweke, mwaaleele awiixutti awe vamosa ni Pedru, wiira: ‘Owo onoohoola orowaka oGalileya.+ Weiwo tonrowa anyu onweha’”.+ 8 Tivo, athiyana awo yaahikhuma atthyawaka omahiye iwe, yoovaka ni atikinihiwe ene vanceene. Nave khuuvo yaamulenle aya etthu, maana yaanoova.*+