Otumererya
32 “Ootheene muri wiirimu, nwiriyane etthu kinrowa aka ohimya,
Nave ootheene muri mulaponi, nwiriyane moolumo a mwaano mwaka.
2 Itthu siniixuttiha aka sinoomora ntoko epula;
Moolumo aka anookhuruwa ntoko okame,
Ntoko epula enrupa vakhaani-vakhaani enimorela munyepu,
Nave ntoko epula yoowaatta enimorela vamalaxini.
3 Kinrowa olaleya nsina na Yehova.+
Mulavule ovuwa wa Muluku ahu!+
5 Awo tapanke itthu sootakhala.+
Khahiyo anaaya, masi mulattu aya.+
Awo nloko noowoka ni nootakhala!+
6 Xeeni nlelo munipaka anyu itthu iya mmwiirelaka Yehova?+
Nyuwo mwa alolo ni atthu ahirina ankhili.+
Owo khahiyo Tiithi anyu oopattuxaleni,+
Yoowo oopankeni ni ookhalihaleni ntoko nloko?
7 Muupuwele itthu siiraneyale khalai,
Muthokorerye itthu siwiiranenle maloko avinre,
Mmukohe paapa anyu, owo onoowaakhulani;+
Mwaakohe makhulupale anyu, awo animooleelani.
8 Okathi Muluku Oowerya Sootheene aavahale awe maloko elapo aya,+
Okathi aakawannye awe anamwane a Adamu* mukina ni mukhwaawe,+
Owo aahaavaha mikano atthu,+
Ottharaka nummeru na anamwane a Isarayeli.+
11 Ntoko siisaale murumaasi oniwiixuttiha awe axaana awe ovava,
Ovavaka vasulu va axaana awe,
Ookololaka mapupha awe wiira aakhupaarele,
Aakuxaka mmapuphani mwawe,+
12 Yehova paahi taamweettiha;*+
Khuuvo muluku mukina aari naawo.+
Nave aahaavaha oravo waakhuma vamwala,
Ni makhura a vamwala,
14 Manteeka a ipooyi ni eleeti ya ipwittipwitthi,
Vamosa ni ipwittipwitthi sooloka,*
Ni ipwittipwitthi sa oBaxani, ni ipuri,
Vamosa ni etiriku yooreerexa;*+
Ni suumu a ewuuva mwaahiwurya eviinyu.
15 Okathi Yexuruni* aanenenve awe, aahivirikanya ni aahivaha ecampeya.
Nyuwo mwaahineneva, mwaahikhala oowerya, ni mwaahivona.+
Tivo, owo aamuhiyale awe Muluku ompattuxale,+
Ni oothanya Mwala a woopowa wawe.
17 Awo yaanivaha mikuttho malaikha ootakhala, ohiya onvaha Muluku,+
Yaanaavaha amuluku yahaasuwela aya,
Yaawo yaakhumelenle niinaano.
Amuluku yaawo amuhavinre anyu yahaasuwela aya.
18 Nyuwo moomuliyala Muluku anyu, paapa anyu, yoowo onlikana ni Mwala,+
Nave moomuliyala Muluku yoowo oovahaleni okumi.+
19 Okathi Yehova aawehale awe eyo, aahaakhootta,+
Okhala wiira aniinyu axilopwana ni axithiyana yaahinveeha.
20 Owo aahimmye wiira: “Kinoowiipithiha owiitho waka,+
Wiira koone etthu enrowa waakhumelela.
21 Awo aapaca onanariwa waka* yaakokhorelaka amuluku eethiru;+
Nave aakiiriha oviruwa mwaha woowi annaakokhorela amuluku oowootha.+
Kinimwaarumeela atthu ahirina efaita wiira kiwiirihe okhalana nrima;+
Kinrowa waaveeha kirumeelaka nloko na alolo.+
22 Okhala wiira onanariwa waka woopatta ntoko mooro,+
Yoowo onrowa ovarela mpakha Mmahiye*+ moowiixa,
Onrowa opaha etthaya ni itthu simenle,
Nave onrowa waapaha alisenso a miyaako.
23 Kinimuncererya mixankiho saya;
Eyo enrowa olikanaka ni waapwetexa ni mattheere manceene.
24 Awo anrowa okhulumuwa mwaha wa etala,+
Enimwaaphwanya efeepere yoowereya ni anoopwetexiwa moomalela.+
25 Ekatana enoowiiva anaaya ari ota;+
Ale ari muhina anrowa woova,+
Nave enimwiiraneya etthu emosa-ru ni amiravo, aximwali,
Anamwane ni atthu oowuuluvala.+
26 Miyo kaahihimya wiira: “Kinrowa waamwara-mwarya;
Wiira atthu ahiwuupuweleke-tho”.
Awo yaamuhimyaka wiira: “Hiyo nihaaxintta ni owerya wahu;+
Khahiyo Yehova iirale itthu iya sootheene”.
29 Vaakhanle wiira aakhalana ankhili!+ Yaamuupuwelela etthu ela.+
Nave yaamuupuwelela etthu miteko saya saarowa aya okumiherya.+
30 Vaniweryaneya sai mutthu mmosa owoomola atthu 1.000,
Nave atthu anli owiiriha atthu 10.000 otthyawa?+
Khivaniweryaneya ohikhanle wiira Mwala aya orimwaanyanyala,+
Nave Yehova orimwaavahererya awanani aya.
31 Okhala wiira mwala a awanani ahu khonlikana ni Mwala+ a Isarayeli,
Hata awanani ahu annisuwela ela.+
32 Okhala wiira anlikana ni miri sa ewuuva ya oSodoma,
Ni imatta sa oGomora.+
Ewuuva aya ti yoowiiva,
Nave iritta saya ti soowaawa.+
33 Eviinyu aya enlikana ni eveneno ya inowa,
Eveneno ya anamaryawe.
34 Mweettelo aya woowaleliwa,
Nave koosuka oratteene mwaarikiivuni mwaka.+
35 Ti miyo kininla ikuhu, nave kinimwaattikiherya,+
Okathi othanliwe, inawu saya satherekuwa,+
Okhala wiira ninnaattamela nihiku na ehasara aya,
Nave ehukhumu enaalipelela enoophiya moohipisa’.
36 Yehova onrowa waaphukela atthu awe,+
Nave onoowoonela othunku arumeyi awe,+
Okathi onrowa awe oweha wiira ikuru saya soovukuwa,
Ni aweha wiira khuuvo onaakhaliherya ni aakhulumuwa.
37 Nto owo onoohimya wiira: ‘Ari vai amuluku aya,+
Mwala otthyawenle aya,
38 Yaalya aya ekortuura ya mikuttho saya,*
Ni yaawurya aya eviinyu ya soovaha saya siniwuriwa?+
Nto orwe ookhaliheryeni.
Okhale ntthyawelo nanyu.
Kinniwerya opwetexa okumi ni kinniwerya osuka okumi.+
40 Kinnittukhulela ntata naka wiirimu,
Nave kinnilapha kiiraka: “Ntoko siisaale kinikhala aka mahiku ootheene”,+
41 Okathi kinrowa aka onona espaata* aka yoowaarya,
Ni olokiherya ntata naka wiira kiphukele,+
Kinrowa owunlela ikuhu awanani aka,+
Nave kinoowiirela etthu emosa-ru ale anikinyokha.
42 Kinoohapaliha mattheere aka ni ephome,
Nto espaata aka enookhuura enama,
Nave kinoowurya ephome ya atthu yiiviwe, ni ari weepotthani,
Ni kinookhuura miru sa ahooleli a awanani’.
43 Maloko ootheene, vamosa ni atthu a Muluku,+ ahakalaleke,
Okhala wiira owo onimunlela ikuhu ephome ya arumeyi awe,+
Nave onimwaahukhumu awanani awe,+
Ni onooreeriha elapo ya atthu awe”.
44 Siiso, Moise aahirwa onalavula moolumo ootheene a nsipo nna ohoolo wa atthu,+ owo ni Hoxeya*+ mwaana a Nuuni. 45 Nuumala Moise omaliha waaleela atthu ootheene a Isarayeli moolumo ala ootheene, 46 aahaaleela wiira: “Muupuwele oratteene moolumo ootheene anilopola, yaawo kinoorumaakani olelo,+ wiira mwaarumeke aniinyu wiira yeetteleke moolumo ootheene a Nlamulo nna.+ 47 Muhithanye moolumo ala, maana munookhala akumi+ vakhala wiira munimwiiwelela. Nave mwaha wa moolumo ala, munookhalana okumi munceene elapo munrowa anyu okhalaka mwalapuwa muro Yordani”.
48 Nihiku nenle, Yehova aahimuleela Moise, wiira: 49 Nwele mwaako ola wa muttetthe wa Abarimi,+ mwaako Nebo,+ yoowo onikhala elapo ya oMowabi, ohoolo wa oYeriko, mwawehe elapo ya oKanaani, yeeyo kinaavaha aka aisarayeli wiira yakhaleke.+ 50 Nto munrowa okhwela vamwaako munrowa anyu owela. Nave munoovithiwa* opuro oovithiwe atthu anyu, ntoko siisaale munninyu Aroni aakhwenle awe vamwaako Hori,+ ovithiwa ni atthu awe, 51 okhala wiira oowanli anyu khimwaaroromeleyale eriyari ya aisarayeli, vamaasini a oMeriba,+ oKadexi, moothakoni mwa oSini, mwaha woowi khimwaakivuwinhe* ohoolo wa atthu a Isarayeli.+ 52 Nyuwo munooweha elapo muri ene ottaiwene, masi khamunrowa okela mulaponi kinrowa aka waavaha atthu a Isarayeli”.+