Yesaya
43 Etthu onihimya awe Yehova,
Mpattuxa a Yakobe, yoowo ompanke Isarayeli, tiila:+
“Muhoove, okhala wiira miyo koowoopolani.+
Koowiihanani kiromolaka nsina nanyu.
Nyuwo ti mwawaka.
2 Mwaaviraka mmaasini, kinrowa okhala ni nyuwo.+
Mwaaviraka mmuro, miro iyo khasinrowa woomiryani.+
Mweettaka vamooroni, khamunrowa ovya,
Nnakhala khamunrowa oreveya.
3 Miyo ka Yehova, Muluku anyu,
Muluku Oowaarya a Isarayeli, Moopoli anyu.
Miyo koovaha elapo ya wExiitu,
Elapo ya wEthiyopia ni oSeeba, wiira siliverye woopoliwa wanyu.
4 Nyuwo mookhalana efaita yinceene para miyo,+
Kinniwoonani okhala oottittimiheya ni kinnoophentani.+
Tivonto, kinimwaavaha atthu ni maloko,
Wiira woopoliwe okumi anyu.
5 Muhoove, okhala wiira miyo kiri ni nyuwo.+
Kinooruuha osuulu anyu, kikumihaka mpantta onikhuma nsuwa,
Kinooruha, kikumihaka mpantta onikela nsuwa.+
6 Kinoowiirela atthu a onorti wiira: ‘Mwaattikihe!’+
Nave kinoowiirela atthu a osuuli wiira: ‘Muhaakhoottihe.
Mwaaruuhe anaaka axilopwana, mwaakumihaka ottaiwene, nave-tho mwaaruuhe anaaka axithiyana, mwaakumihaka omalenle elapo.+
7 Mwaaruuhe ootheene yaale aniihaneliwa nsina naka,+
Yaawo kaapattunxe aka para ovuwa waka,
Yaawo kaapanke aka’.+
8 Mwaaruuhe atthu ahinoona, nnaamwi arina ene maitho,
Ni atthu ahiniiwa, nnaamwi arina ene maaru.+
9 Maloko ootheene athukumane nipuro nimosa,
Atthu awo, athukumanyiwe opuro omosa.+
Eriyari ya amuluku aya, ti pani ohimmye wiira itthu iya saamwiiraneya?
Aahiiso, awo anoowerya onisuweliha itthu sinrowa opacerya wiiraneya,*+
Yaakumihe anamoona aya wiira yooniherye wiira aakhalana erasau,
Aahiiso atthu akina yiiwe ni ahimye wiira: ‘Ela ekeekhai!’”+
10 Yehova onihimya wiira: “Nyuwo mwa anamoona aka,+
Aayo, mwa murumeyi aka, yoowo kimuthanlale aka,+
Wiira mukisuwele ni mukaamini,*
Ni musuwele oratteene wiira miyo nkinturukeya.+
Kihinatthi miyo, khuuvo Muluku mukina otonko okhala,
Nnakhala khuuvo Muluku mukina onrowa okhumelela.+
11 Miyo ka Yehova.+ Khuuvo moopoli mukina, kihikhanle miyo”.+
12 Yehova onihimya wiira: “Ti miyo kihimmye etthu kinrowa aka opaka,
Ti miyo kiwooponleni. Nave ti miyo kisuwelinhe etthu eyo okathi ahaakhanle awe Muluku mukina eriyari anyu.+
Nyuwo mwa anamoona aka, nave miyo ka Muluku.+
Okathi kinipakaka etthu, ti pani oniwerya okikhoottiherya?”+
14 Yehova, Moopoli anyu,+ Muluku Oowaarya a Isarayeli, onihimya wiira:+
“Mwaha wa nyuwo, kinimwaaruma anakhotto orowa oBabiloonia ni kinoomoroxa mikhora sootheene sa epooma eyo.+
Nave-tho, kinimwaaxintta akhaldeya, ari ene mpakitini mwaya.+
15 Miyo ka Yehova, Muluku anyu Oowaarya,+ Mpattuxa a Isarayeli,+ ni Mwene anyu”.+
16 Yehova, yoowo onikumiherya ephiro eriyari ya ephareya,
Ni onikumiherya ephiro eriyari ya maasi ootupa,+
17 Yoowo onikumiherya ekaaro ya ekhotto ni ekhavalo,+
Ni onaakumiherya atoropa vamosa ni anakhotto ootupa, onihimya wiira:
“Awo anoomora ni khanrowa ovenya.+
Awo anoomala-malihiwa, ni anoottipihiwa ntoko ntthampo”.
18 “Muliyale itthu sa khalai,
Muhimakeleke wuupuwela itthu sivinre.
19 Mooneke! Miyo kinnipaka etthu esya;+
Eyo enniiraneya nenla-va.
Niireke khamunoona?
20 Inama sa mutakhwani sinookittittimiha,
Aayo, alapwa a mutakhwani ni mipisa,*
Okhala wiira kinookumiherya maasi moothakoni,
Ni kinookumiherya miro moothakoni,+
Wiira atthu aka kaathanlale aka+ awuryeke.
21 Aayo, wiira atthu kaapattunxe aka,
Akittottopeleke.+
22 Masi nyuwo Yakobe, khamukivekenle nikhaliheryo,+
Okhala wiira nyuwo Isarayeli moophweeleya ni miyo.+
23 Nyuwo khamukiruuhenle ipwittipwitthi wiira sikhale soovaha para opahiwa,
Nnakhala khamukivuwinhe ni mikuttho sanyu.
Nkookhanyerenryeni okivaha etthu,
Nnakhala nkoovelinheni kookhanyereryakani okiruuhela nsenso nootteela.*+
24 Nyuwo khamukithumenle muhali* woonaya ni musurukhu anyu,
Nnakhala khamukivoninhe ni ekortuura ya mikuttho sanyu.+
Ohiya-vo, mookilemeliha ni itampi sanyu,
Nave mookiphweeliha ni soottheka sanyu.+
26 Nrowe nakumane omilattuni. Mukuupuxerye,
Aayo, muhimye mulattu anyu wiira mooniherye wiira khamutthenke.
28 Tivonto, kinimwaananariha makhulupale a nipuro noowaarya.
Kinonvahererya Yakobe wiira opwetexiwe,
Nave kinoomwiiriha Isarayeli oruwaniwa.+