Atesaloonika Oopacerya
3 Vano, okathi nahaawerya ahu ovilela-tho wunkheliwa wahu ni nyuwo, naahoona oreerela ohala mekhihu wAthena.+ 2 Nave, noomuruma Timootheyo,+ munnihu ni murumeyi a Muluku,* yoowo onilaleya ihapari sooreera sa Kristu, wiira oolipiheni ni oomaaliheni, nave-tho olipihe waamini wanyu, 3 wiira ohikhale mutthu aarowa otteettheya* mwaha wa mixankiho iya. Nyuwo munnisuwela wiira hiyo khanikhanle oosyaka mixankiho iya.+ 4 Okathi naari ahu ni nyuwo, naanooleelani wiira saamuniphwanya mixankiho. Nto eyo ti etthu eniiraneya, ntoko munisuwela anyu.+ 5 Tivo, okathi kahaaweryaaka-tho olipelela, kaahiruma wiira kiruuheliwe ihapari sa ororomeleya wanyu.+ Tthiri, kaanoova wiira Diabo+ aarowa oweehereryani. Siiso, muteko ahu waarowa okhala wa mahala.
6 Timootheyo onoophiya-ru nno okhumaka weiwo,+ nto ooniruuhela ihapari sooreera sa ororomeleya ni ophenta wanyu. Nave oonileela wiira okathi wootheene munninuupuwela mutteeliwe ene murima ni munniphavela oniweha, ntoko hiyo nimphavela ahu woowehani. 7 Tivonto axinnaka, okathi wootheene naaxanka ahu* ni naahaawa ahu, naahilipihiwa mwaha wa nyuwo ni mwaha wa ororomeleya munooniherya anyu.+ 8 Vano nisuwenle ahu wiira waataana wanyu ni Apwiya ti woolipa, hiyo noolipa.* 9 Tthiri, ninnimuxukhuru Muluku mwaha wa nyuwo, okhala wiira munniniiriha otteeliwa murima vanceene. 10 Othana ni ohiyu hiyo ninnivekela vanceene, wiira nooweheeni ni nookhaliheryeni ni etthu enoothowani wiira mulipihe waamini wanyu.+
11 Muluku Tiithi ihu, vamosa ni Pwiya ahu Yesu, anikhaliherye orwa wa nyuwo. 12 Nave, Apwiya etepeke wuncererya ophentana wanyu ni waaphenta wanyu atthu ootheene,+ ntoko hiyo nnoophentaahuni, 13 wiira alipihe mirima sanyu, akhalihaka soohittheka ni soowaarya ohoolo wa Muluku+ Tiithi ihu, okathi Pwiya Yesu onitthika* awe+ ni arumeyi awe ootheene oororomeleya.*