Yesaya
25 Khoo Yehova, nyuwo mwa Muluku aka.
Kinnovuwihani ni kinnittottopela nsina nanyu,
Okhala wiira moopaka itthu sootikiniha,+
Seiyo mwaalakenle anyu opaka okhuma khalai.+
Nyuwo moopaka itthu mulavunle anyu, nave munnooniherya wiira mwa Muluku oororomeleya.+
2 Muhiiriha epooma okhala ntoko maluku oowuukeliwa,
Nave muhiiriha epooma yoolipihiwa, okhala milepe.*
Epooma yoolipihiwa ya anamurwa, khahiyo-tho epooma;
Eyo khentthikela-tho otekiwa.
3 Tivonto, nloko na ikuru ninrowa woovuwihani;
Epooma ya atthu a maloko ootakhala, enoowoovani.+
4 Nyuwo mwa nipuro noolipihiwa para atthu oowiiyeviha,
Mwa nipuro noolipihiwa para atthu oohaawa axankale;+
Mwa nipuro nootthyawela okathi enirupa aya epula yinceene,
Ni mwa muuttutthi okathi wooviha.+
Nyuwo mwa nipuro noolipihiwa okathi onanariwa wa atthu oohaaxa, onlikana aya ni epula yinceene enimana exiri.
5 Ntoko elapo yoowuuma eniviha aya,
Nyuwo munnimaaliha onyakula wa awanani.
Ntoko oviha onivukuliwa aya ni muuttutthi wa meeku,
Siiso-tho, nsipo na atthu oohaaxa ninnimaalihiwa.
6 Vamwaako vaava,+ Yehova a anakhotto onimwaapakela atthu ootheene efesta,
Efesta erina yoolya yoosiva saana,+
Efesta erina eviinyu yoosiva saana,
Efesta erina yoolya yoosiva saana ni enama yinceene yoosivexa,
Erina eviinyu yootepa osiva.
7 Vamwaako vaava, miyo kinookumiha eveewu enaakhuneela atthu ootheene,
Eveewu enikhuneela maloko ootheene.
Owo onoomaliha oveehiwa wa atthu awe, mulaponi mootheene,
Okhala wiira mwaneene Yehova, tolavunle.
9 Mahiku awo, atthu anoohimya wiira:
“Mooneke! Muluku ahu ti yoola!+
Ola ti Yehova!
Hiyo noomuroromela yoowo.
Nitthapeke ni nitteeliweke murima mwaha woowi owo onninoopola”.+
10 Ntata na Yehova nnookhapelela mwaako ola,+
Nave muttetthe wa oMowabi onoonyakeliwa opuro ori awe,+
Ntoko annyakeliwa aya malaxi oowuntta yuukeliwe.
11 Owo onimookola ntata nawe, ommane Mowabi,
Siisaale mulipa-ookata onimana awe maasi ni matata awe,
Okathi onikata awe.
Onoomaliha wiittottopa waya,+ aamanaka ni matata awe.
12 Nave, onoomoroxa epooma aya yoolipihiwa,
Ni ixiri saya soorakamela osulu;
Onoomoroxela vathi, vantthupini.