Yesaya
66 Etthu onihimya awe Yehova, tiila:
“Erimu ti ehice aka, nave elapo ti opuro kinipweherya aka inawu saka.+
Vano, empa xeeni mwaakhanle anyu ookitekela?+
Nave opuro xeeni kinrowa aka okhalaka?”+
2 Yehova onihimya wiira:+ “Miyo koopaka itthu iya sootheene ni matata aka,
Ti siisa sootheene sikhumelenle aya.
Masi, mutthu kinrowa aka omuthokoreryaka,
Tuule oowiiyeviha, ni oriipiwe murima mweekeekhai, yoowo onittettemela* mwaha wa nuulumo naka.+
3 Mutthu onihita epooyi, Muluku onimoona mutthu owo ntoko mutthu onimwiiva pinaatamu.+
Ole onivaha mukuttho wa epwittipwitthi, onimoona ntoko mutthu oninta exiko ya mwalapwa.+
Ole oninvaha etthu, onimoona ntoko mutthu onivaha ephome ya ekuluwe!+
Ole onivaha mukuttho wa nsenso nootteela,*+ onimoona ntoko mutthu onittottopela elatarato.+
Awo aathanla iphiro saya,
Ni sinnaasivela itthu soonanara.
4 Tivo, kinoothanla inamuna sa waahukhumu.+
Nave itthu seiye anoova aya, miyo kinimwaakumiherya,
Okhala wiira okathi kaihana aka, khuuvo aakhunle;
Okathi kaalavula aka, khuuvo aawiriyanne.+
Awo yaahithipelela ovara itthu sootakhala vamaithoni vaka,
Ni yaahithanla opaka itthu sihinikisivela”.+
5 Nyuwo munittettemela* mwaha wa nuulumo na Yehova, mwiiwe etthu onihimya awe:
“Axinninyu, yaawo anoonyokhani ni ahinoophavelani mwaha wa nsina naka, anninyoholela ahimyaka wiira: ‘Yehova ovuwihiwe!’+
Masi Muluku onimoorwa ootteeliheni murima,
Vano awo tanrowa wuuliwa muru”.+
6 Onniiwanyeya onyakula onikhuma opooma, onyakula onikhuma mutemplo!
Iwo onyakula wa Yehova, yoowo onaaliva awanani awe itthu aniphwanela aya.
7 Muthiyana ohinatthi woona owereya, aahiyara.+
Aahimuyara mwaana mwaamulopwana, ohinatthi opacerya woona owereya onimphwanya muthiyana onihala oyara.
8 Ti pani otonko wiiwa etthu siisa?
Ti pani otonko woona itthu siisa?
Niireke wiira elapo ennikumiheriwa nihiku nimosa?
Aahiiso nloko nimosa nnoowerya oyariwa nihiku nimosa-ru?
Hata vari siiso, okathi Siyoni aahala awe oyara, aahaayara anaawe axilopwana.
9 Yehova onnikoha iiraka: “Kiireke kinniiriha ophiya okathi wooyara, masi khuhiyariwa etthu?”
Muluku anyu onnikoha wiira: “Kiireke wiira miyo kiniiriha oyara, kinniwala erukulu?”
10 Ootheene nyuwo munimphenta Yerusalemu, mutteeliweke murima+ ni mutthapeke nuuwo.+
Ootheene nyuwo munimunlela yoowo, muhakalaleke vanceene nuuwo.
11 Ntoko siisaale maama onimwaamwiha awe mwanawe mpakha ovona, siiso-tho Yerusalemu onimookhapelelani.
Aayo, nyuwo munoovona ni munoohakalala vanceene, okhala wiira owo oovuwihiwa.
12 Etthu Yehova onihimya awe, tiila:
“Kinonvaha murettele onrowa olikanaka ni muro osanrye maasi,+
Nave kinimwiiriha ovuwa wa maloko omurweela, ntoko muro orina maasi manceene.+
Nyuwo munimwaamwa ni munookuxiwa vamettoni.
Nave munimweepesiwa vamettoni.
13 Ntoko siisaale maama onimmaaliha awe mwanawe,
Siiso, miyo nkinihiya woomaalihani;+
Nave, mwaha wa Yerusalemu, nyuwo munrowa omaalihiwa.+
14 Nyuwo munooweha etthu ela, nave munootteeliwa murima,
Makhuva anyu anoophwanya ikuru, ntoko malaxi makithi.
Owo onimoorwa aalive onanariwe ene vanceene,
Wiira aavahe ehukhumu ni malumi a mooro.+
16 Yehova onoophukela ni mooro,
Aayo, onimwaaphukela atthu ootheene ni espaata* awe;
Ale anrowa wiiviwa ni Yehova, anrowa okhala anceene.
17 Yehova onihimya wiira: “Ale aniilokiherya ni aniireeriha wiira akele muxarti,*+ amuttharaka ole ori eriyari, ale anikhuura enama ya ikuluwe+ ni itthu soonanara ni makhule,+ ootheene aya anoomala-mala”. 18 “Okhala wiira miyo kinnisuwela miteko saya ni miyuupuwelo saya, kinnoorwa wiira kaathukumanye atthu a maloko ootheene ni a mattaava ootheene. Awo animoorwa awehe ovuwa waka”.
19 “Eriyari aya, kinimweemexa esinaale. Ale akina yooponwe, kinimwaaroiha maloko makina, maloko a atthu anisuwela orumeela saana muura, eyo piiyo, oTaarisi,+ oPuli ni oLudi.+ Nave-tho, kinimwaaroiha oTubali ni oYavani,+ ni isisiro* siri ottaiwene. Maloko awo khatonko wiiwa kilavuliwaka, nnakhala khatonko woona ovuwa waka. Awo anoolaleya ovuwa waka, eriyari ya maloko.+ 20 Animwaaruuha axinninyu ootheene, akhumaka maloko ootheene+ wiira anvahe Yehova. Awo animwaakuxa awenle ene ikhavalo, ikaaro saamukhaani ni suulupale sinipuruliwa ni inama, axinama aniihaniwa muula, ni ikamelo soowaakuva weetta, yaaroihaka mwaako aka woowaarya, oYerusalemu. Eyo enimwiiraneya ntoko siisaale atthu a wIsarayeli aniroiha aya soovaha saya mpaani mwa Yehova, ahenle ene mmihasani sooreera”. Yehova tonihimya siiso.
21 Yehova onihimya-tho wiira: “Nave-tho kinimwaathanla akina wiira akhale anamukuttho ni alevi”.
22 Yehova onihimya so: “Ntoko siisaale erimu esya ni elapo esya+ kinrowa aka opattuxa, sinrowa aya okhalaka ohoolo waka mahiku ootheene, siiso-tho, osuulu anyu ni nsina nanyu, sinrowa okhalaka mahiku ootheene”.+
23 Yehova onnihimya-tho wiira: “Khula mweeri musya onooneya ni khula esaabadu,
24 “Awo anookhuma, aweheke mirutthu sa atthu yahaakiiwelela;
Miyunku sinrowa okhuuraka mirutthu sa atthu awo, khasinrowa okhwaaka,
Mooro onrowa waapahaka, khonrowa ottiphaka,+
Awo anrowa okhala etthu enaananara atthu ootheene”.