Zakariya
2 Kaahitthukula maitho, nto kaahimoona mulopwana okunxe ene mukhoyi woophimana.+ 2 Tivo, kaahimukoha wiira: “Munrowa woowi?”
Owo aahikaakhula wiira: “Kinrowa ophima oYerusalemu wiira kisuwele okhuveya waya ni orakama waya”.+
3 Vano, nlaikha naalavula ni miyo naahikhuma, nto naahirwa nlaikha nikina wiira nakumane ni nle. 4 Nlaikha nle nikina naahihimeerya nne noopacerya wiira: “Mutthimakele weiwo mwaamuleele mmiravo ole wiira: ‘“OYerusalemu onootthikela okhaliwa+ ntoko epooma ehirina exiri, mwaha wa atthu ootheene ni inama siri weiwo.+ 5 Vano miyo, kinrowa okhala exiri ya mooro yaarukurenrye,+ ni kinrowa okhala ovuwa ori eriyari aya”.+ Yehova tonihimya’”.
6 Yehova onihimya wiira: “Murwe! Murwe! Mutthyawe elapo ya onorti.+
Tthiri, miyo kihoomwara-mwaryani ipantta sootheene sa mulaponi”.*+ Yehova tonihimya.
7 “Nyuwo Siyoni, murwe! Mutthyawe, nyuwo munikhala ni mwaana mwaamuthiyana a oBabiloonia.+ 8 Etthu onihimya awe Yehova a anakhotto, yoowo nuumala ovuwihiwa aakirumme orowa wa maloko yookunxeni, tiila:+ ‘Ole onookwatani, onnikwata muhina mwa niitho naka.+ 9 Kinimweemexa ntata naka kaavirikanyaka, nto ale yaari ipottha saya anookuxa mireerelo saya’.+ Vano, nyuwo munoosuwela wiira mweekeekhai Yehova a anakhotto tokirumme.
10 “Nyuwo mwaana mwaamuthiyana a oSiyoni+ mutthapeke voohakalala, okhala wiira kinnoorwa+ wiira kikhaleke ni nyuwo”.+ Yehova tonihimya. 11 “Nihiku nlo, maloko manceene anoothukumana wiira amukokhorele Yehova,+ nto anrowa okhala atthu aka. Miyo kinrowa okhalaka ni nyuwo”. Siiso, nyuwo munoosuwela wiira Yehova a anakhotto tokirumme. 12 Yehova onookuxa oYuda ntoko elapo awe yoowaarya, nave onootthikela othanla oYerusalemu.+ 13 Apinaatamu ootheene amaaleke ohoolo wa Yehova, okhala wiira owo onnivara muteko awe ori ene nipuro nawe noowaarya.