Wahala Oopacerya
27 Iya saari ikurupu sa atthu a Isarayeli yaawo yaari anakhotto a mwene.+ Ikurupu iya yaahikhala ahooleli a imusi saya, maxeefi a atthu 1.000, maxeefi a atthu 100,+ ni maxeefi yaaweherya ikurupu iyo. Ikurupu iya saaniranttelana khula mweeri vamwaakhani, nave khula ekurupu yaakhala alopwana 24.000.
2 Kumantanti a ekurupu yoopacerya ya mweeri woopacerya, aari Yaxobeyami,+ mwaana a Zabidiyeli, ekurupu awe yaahikhala alopwana 24.000. 3 Yaxobeyami aari a osuulu wa Peresi.+ Owo taahoolela maxeefi ootheene a ekurupu yaathanleliwe ovara muteko mweeri woopacerya. 4 Kumantanti a ekurupu ya nenli wa mweeri wa nenli aari Dodayi+ a wAhohi,+ ni ekurupu awe. Mikilothi aari muhooleli, nave ekurupu awe yaahikhala alopwana 24.000. 5 Kumantanti a ekurupu ya neeraru, yaathanleliwe ovara muteko mweeri wa neeraru, aari Benaya,+ mwaana a Yehoyada,+ mukhulupale a anamukuttho, nave ekurupu awe yaahikhala alopwana 24.000. 6 Benaya owo aari mmosa a anakhotto ootupa 30, nave aari xeefi a anakhotto awo 30. Mwanawe, Amizabadi, taaweherya ekurupu eyo. 7 Kumantanti a neexexe, a mweeri wa neexexe, aari Asaheli,+ munnawe Yowabi.+ Vano mwanawe, Zebadiya, taamuranttenle, nave ekurupu awe yaahikhala alopwana 24.000. 8 Kumantanti a neethanu, a mweeri wa neethanu aari Xamihuthi a wIzihari, nave ekurupu awe yaahikhala alopwana 24.000. 9 Kumantanti a neethanu namosa a mweeri wa neethanu namosa aari Ira,+ mwaana a Ikexi a oTekowa,+ nave ekurupu awe yaahikhala alopwana 24.000. 10 Kumantanti a neethanu nenli a mweeri wa neethanu nenli aari Helesi+ a oPeloni, a osuulu wa Efrayimi, nave ekurupu awe yaahikhala alopwana 24.000. 11 Kumantanti a neethanu neeraru a mweeri wa neethanu neeraru aari Sibekayi+ a oHuxati, a osuulu wa Zerahi,+ nave ekurupu awe yaahikhala alopwana 24.000. 12 Kumantanti a neethanu neexexe a mweeri wa neethanu neexexe aari Abiyezeri+ a wAnatothi,+ a osuulu wa Beniyamini, nave ekurupu awe yaahikhala alopwana 24.000. 13 Kumantanti namuloko a mweeri wa namuloko aari Mahirayi+ a oNetofa, a osuulu wa Zerahi,+ nave ekurupu awe yaahikhala alopwana 24.000. 14 Kumantanti a namuloko ni emosa a mweeri wa namuloko ni mmosa aari Benaya+ a oPiratoni, a osuulu wa Efrayimi, nave ekurupu awe yaahikhala alopwana 24.000. 15 Kumantanti a namuloko ni piili a mweeri wa namuloko ni miili aari Helidayi a oNetofa, a osuulu wa Otiniyeli, nave ekurupu awe yaahikhala alopwana 24.000.
16 Ahooleli a mahimo a Isarayeli yaari ala: Nihimo na Rubeni, muhooleli aya aari Eliyeezeri, mwaana a Ziikiri; nihimo na Simeyoni, muhooleli aya aari Xefatiya, mwaana a Maaka; 17 nihimo na Levi, muhooleli aya aari Haxabiya, mwaana a Kemuweli; osuulu wa Aroni, muhooleli aya aari Sadoki; 18 nihimo na Yuda, muhooleli aya aari Elihu,+ mmosa a axinnawe Davidi; nihimo na Isakari muhooleli aya Omiri, mwaana a Mikhayeli; 19 nihimo na Zabuloni, muhooleli aya aari Iximaya, mwaana a Obadiya; nihimo na Nefetali, muhooleli aya Yerimothi, mwaana a Aziriyeli; 20 nihimo na Efrayimi, muhooleli aya aari Hoxeya, mwaana a Azaziya; nimeya na nihimo na Manase, muhooleli aya aari Yoweli, mwaana a Pedaya; 21 nimeya na nihimo na Manase, oXileyaadi, muhooleli aya aari Ido, mwaana a Zakariya; nihimo na Beniyamini, muhooleli aya aari Yaasiyeli, mwaana a Abineri;+ 22 nihimo na Dani, muhooleli aya aari Azareli, mwaana a Yerohami. Ala yaari makhulupale a mahimo a Isarayeli.
23 Davidi khaakontanri ale yahaaphiyerinhe iyaakha 20, okhala wiira Yehova aahaalaiherya atthu a Isarayeli wiira yaarowa okhala oowaatta ntoko itheneeri sa wiirimu.+ 24 Yowabi mwaana a Seruwiya aahipacerya waakontari atthu, masi khaamalinhe. Mwaha wookontariwa atthu, Muluku aahinanariwa vanceene ni atthu a Isarayeli.+ Nave, nummeru na atthu khinaalempwale muliivuruni mwa soowiiraneya sa okathi wa mwene Davidi.
25 Azimavethi, mwaana a Adiyeli, taaweherya mihakhu sa mwene.+ Vano Yonathani mwaana a Oziya, taaweherya arumasiya yaari mmatta, mpooma, mmawaani ni ipa soorakamela osulu. 26 Eziri, mwaana a Kelubi, taaweherya anamuteko yaalima mmatta. 27 Ximeyi a oRama, taaweherya imatta sa ewuuva. Nave Zabidi a oSifemothi, taaweherya opuro waasukiwa eviinyu. 28 Bayaali-Hanani a oXefela,+ taaweherya miri sa olivera+ ni sa efiiku seiyo saari oXederi. Vano Yowaxi, taaweherya opuro waasukiwa makhura. 29 Xitirayi a oSaroni,+ taaweherya ipooyi saakukhuliwa oSaroni. Vano Xafati mwaana a Adilayi, taaweherya ipooyi saari opuro woowaataleya. 30 Obili a wIximayeli taaweherya ikamelo. Vano Yehedeya a oMeronoti taaweherya apuuru. 31 Yazizi a oHagari, taaweherya ipwittipwitthi. Ootheene ala tiyaaweherya mireerelo sa mwene Davidi.
32 Yonathani+ musulwaawe Davidi, aari mulopwana oosuwela, aavaha miruku ni aari sekretaario. Vano Yehiyeli mwaana a Hakimoni, taakhapelela anamwane a mwene.+ 33 Ahitofeli+ tanvaha miruku mwene, vano Huxayi+ a wAriki aari mpatthani awe mwene. 34 Ahitofeli aarantteliwe ni Yehoyada mwaana a Benaya+ vamosa ni Abiyatari;+ vano Yowabi+ aari xeefi a anakhotto a mwene.