Habakuuki
1 Moolumo profeta Habakuuki* aasuwelihiwe awe ni Muluku taala:
2 Khoo Yehova, mpakha liini kinrowa aka woovekelani wiira mukikhaliherye, masi nyuwo muhikiiwaka?+
Mpakha liini kinrowa aka wookhuwelelani wiira mukoopole otakhala nno, masi nyuwo muhinapaka etthu?*+
3 Xeeni munikooniherya anyu otakhala?
Xeeni munaahiya anyu atthu ehaaxanaka?
Xeeni kinoona aka opwetexiwa ni otakhala?
Xeeni ohireere aya owana-wana ni onyakulihana?
4 Nlamulo khanrina owerya,
Nave khaavo oneettela exariya,
Okhala wiira atakhali ahaarukurerya anaxariya.
Tivo, exariya yoohononeya.+
5 “Nwehe maloko ni nvahe ephoole!
Muhule eyano mutikinihiwe ene,
Okhala wiira mahiku anyu enimwiiraneya etthu ehinrowa anyu okupali,
Hata muleeliwaka.+
Awo anootuphela mittetthe sinceene sa valaponi
Wiira akuxe ipa sihikhanle sawaya.+
7 Nloko nlo ti nowoopiha, nave atthu annoova.
Awo annikumiherya exariya aya ni okhulupale aya.+
8 Ikhavalo saya ti soowaakuva otthimaka waavikana ahavara,
Ohiyu, iyo ti soowali ovikana miici.+
Ikhavalo saya sa ekhotto sinnitthimaka,
Iyo sinikhuma ottaiwene.
Iyo sinnituphela ntoko murumaasi onivavela etthu yookhuura.+
9 Ootheene aya anrwa oolikana ene wiira akumiherye otakhala.+
Okathi anithukumana aya, anlikana ni epheyo ya mpantta onikhuma nsuwa.+
Annaathukumanya atthu yaavanre aya ntoko mihaava.
10 Awo annaatheya mamwene,
Annaatheya makhulupale.+
Awo annitheya mapuro ootheene oolipihiwa,+
Nave annipaka etturuuru wiira akuxe mapuro awo.
11 Awo anneetta ntoko epheyo arowaka ohoolo,
Masi anookhalana mulattu,+
Maana anihimya wiira owerya waya ti wa muluku aya”.+
12 Yehova, kiira nyuwo munikhala mahiku ootheene?+
Muluku aka, Muluku aka Oowaarya, nyuwo khamunikhwa.*+
Yehova, nyuwo muhaathanla atthu awo wiira aphukeleke.
Nyuwo Mwala aka,+ muhaakhaliha atthu awo wiira munihukhumu.+
13 Maitho anyu aatepa okhala ooloka vahimphwanela aya oweha etthu yootakhala,
Nave nyuwo khamunwerya ovilela otakhala.+
Nto xeeni munaavilela anyu ale anaavariha akhwaaya,+
Nave xeeni munimaala anyu okathi mutakhali oninwerya awe mutthu ootepa okhala a xariya onvikana owo?+
14 Xeeni munimwiiriha anyu mutthu olikanaka ni ihopa sa mphareya,
Ni olikanaka ni inama siniipurula, seiyo sihirina muhooleli aya?
15 Awo* annaavara atthu ni coolo,
Nave annaavara atthu muntthavini mwaya.
Awo annaathukumanya atthu muntthavini mwaya mwa ihopa.
Tivo anitteeliwa aya murima vanceene.+
16 Tivo awo annivaha mikuttho para matthavi aya,
Nave annivaha mwiixi wa mikuttho soopahiwa para matthavi aya a ihopa,
Okhala wiira mwaha wa matthavi awo annithaaciri,
Nave yoolya aya ti yoolokexa.
17 Niireke anrowa omakelaka otatha ntthavi naya?
Niireke awo anrowa othipelelaka owiiva atthu ahiwoonelaka othunku?+