NEHEMIYA

1 Moolumo a Nehemiya,*+ mwaana a Hakaliya: Mweeri wa Kisilevi,* eyaakha ya namuloko miili, miyo kaari opuro woolipihiwa* wa oSusa.+ 2 Nto okathi ene yoowo, aahiphiya munnaka Hanani+ vamosa ni alopwana yaakhuma oYuda, kaakoha ihaali sa ayuda yooponwe weepotthani+ ni ihaali sa oYerusalemu. 3 Awo yaahaakhula wiira: “Atthu ahanle anikhala oprovinsia yaawo yooponwe weepotthani, annihaawa vanceene ni annuuliwa muru.+ Ixiri sa oYerusalemu soopwexakasiwa,+ nave mikhora saya soopahiwa ni mooro”.+

4 Kiiwaka-ru moolumo awo, kaahikilaathi, kaahipacerya wunla ni kaahiviriha mahiku manceene kiripiwe ene murima. Kaahitthukwa+ ni kaahinvekela Muluku a wiirimu. 5 Nto kaahimulela wiira: “Yehova, Muluku a wiirimu, Muluku muulupale ni oowoopiha, onimaleliha nivarihano nawe ni oniwooniherya ophenta woororomeleya ale animphenta ni aneettela sooruma sawe.+ 6 Xontte, mutthukule maitho anyu, nave maaru anyu awiriyane nivekelo na murumeyi anyu, nenlo kimpaka aka olelo.+ Kinnoovekelani othana ni ohiyu, mwaha wa arumeyi anyu, aisarayeli, ni kinnihimya itampi atthu a Isarayeli yootthekenlaayani. Noottheka, miyo vamosa ni etthoko ya apaapa.+ 7 Tthiri hiyo noowiirelani itthu soohiloka,+ mwaha woohiiwelela sooruma sanyu, malamulo anyu, ni ikano sanyu seiyo mwanvanhe anyu murumeyi anyu, Moise.+

8 “Xontte, muupuwele moolumo* mwaamurumme anyu murumeyi anyu Moise, yaahimya wiira: ‘Mwapaka etthu yoohiroromeleya kinimoomwara-mwaryani eriyari ya atthu.+ 9 Masi, mwatthikela wa miyo, munaiwelela sooruma saka ni muneettela, hata atthu anyu amwarenle ene mpakha omalenle elapo, miyo kinimwaathukumanya,+ khula opuro ori aya, kaattikiherye opuro kithanlale aka para ovuwihiwa nsina naka’.+ 10 Awo arumeyi anyu ni atthu anyu, yaawo nwooponle anyu ni owerya wanyu wuulupale ni ntata nanyu noowerya.+ 11 Khoo Yehova, xontte, maaru anyu awiriyane ovekela wa murumeyi anyu ola ni ovekela wa arumeyi anyu anittittimiha vanceene nsina nanyu. Xontte, mwiirihe wiira olelo, itthu simweettele saana murumeyi anyu ola ni mulopwana* ola okoonele othunku”.+

Okathi ole, miyo kaari mulipa-oolawiha itthu mwene aawurya awe.+

2 Mweeri wa Nisani,* eyaakha ya namuloko miili+ ya mwene Artaxerxe,+ yaahipwehiwa eviinyu ohoolo wawe, nto miyo kaahikuxa eviinyu eyo kinvaha mwene ntoko kaamakela aka opaka.+ Masi, nkaatonko oriipiwa murima ohoolo wawe. 2 Vano mwene aahikihimeerya wiira: “Xeeni muriipiwe anyu murima muhiwereiwaka? Woonasa wene, iwo oriipiwa murima paahi”. Nto miyo kaahoova vanceene.

3 Vano miyo kaahimuhimeerya mwene wiira: “Mwene okhaleke mahiku ootheene! Kihinrowa oriipiwa sai murima, epooma evithiwe amuhavinre aka epwexakasiwe ene ni mikhora saya sipahiwe ene ni mooro?”+ 4 Mwene aahikikoha wiira: “Exeeni muniphavela anyu?” Nto miyo kaahinvekela Muluku a wiirimu.+ 5 Kaahimuhimeerya mwene wiira: “Mwene oona oreerela, nave mwamweemererya murumeyi anyu ola, mukihiye kirowe oYuda epooma aavithiwe aya amuhavinre aka, wiira katthikele oteka”.+ 6 Nuumala-vo, mwene okilanthi ene vakhiviru ni pwiyamwene, aahikikoha wiira: “Mukwaha anyu owo munrowa omaliha mahiku makavi? Nave munitthika silini?” Siiso, mwene aahikeemererya orowa,+ nave kaahimuleela okathi kahaarowa aka oviriha kiri ene wuuwu.+

7 Vano kaahimuleela mwene wiira: “Mwene oona oreerela okivahererye ikarta wiira kaavahererye makuvernatoro a mpantta onikela nsuwa wa muro Eufrate,+ wiira akeemiherye ovira ni murettele mpakha ophiya oYuda, 8 ni ekarta wiira kanvahererye Asafi, kwarta a Etakhwa ya Mwene, wiira okivahererye matera para iviika sa mikhora sa Opuro Woolipihiwa+ wa Etemplo, sa ixiri sa epooma+ ni sa empa kinrowa aka okhala”. Nto, mwene aahikivaha ikarta,+ okhala wiira Muluku aka ooreera murima aanikikhaliherya.+

9 Vano, kaahiphiya mpantta onikela nsuwa wa muro Eufrate, kaavahererya makuvernatoro ikarta sa mwene. Nave mwene aahaaruma maxeefi a anakhotto ni anakhavalo wiira arowe ni miyo. 10 Okathi Sanibalati+ a oHoroni, ni mukhulupale* Tobiya+ a wAmoni,+ yaasuwenle aya eyo, yaahinyoonyiwa vanceene mwaha woophiya mutthu aarowa owiirela etthu yooreera atthu a Isarayeli.

11 Wookiseryani waya, kaahiphiya oYerusalemu, kimumula weiwo mahiku mararu. 12 Kaahivenya nuuhiyu, miyo ni alopwana vakhaani yaari ni miyo, nave nkaamulenle mutthu ele Muluku aka aahenle awe vamurimani vaka kaarowa aka opaka oYerusalemu. Nkaamukunxe mwaamunama, ohikhanle paahi ole kanwenle aka. 13 Kaahivenya nuuhiyu kiviraka Vamukhora wa Omukotini,+ kivira ohoolo wa Opuro Oniphattuwa Maasi wa Enowa Yuulupale, kirowa mpakha Mukhora wa Osalani.+ Kaahiwehaweha ixiri sa oYerusalemu, seiyo saapwexakasiwe, ni mikhora seiyo saapahiwe ni mooro.+ 14 Kaahitthara ephiro mpakha mukhora wa Opuro Oniphattuwa Maasi,+ ni Ntthiya na Mwene, nto khiwaakhanle opuro waaphiyerya wiira ovire mwaamunama kanwenle aka. 15 Masi kaahithipelela weetta nuuhiyu kirowaka oxepani+ kiwehawehaka exiri. Nuumala-vo kaahitthika, kiviraka Mukhora wa Omukotini. Siiso kaahitthikela owaani.

16 Makuvernatoro makina+ khiyaasuwela opuro kaarowa aka ni etthu kaavara aka, okhala wiira kiira kihaaleelale ayuda, anamukuttho, atthu oovuwa, makuvernatoro makina nnakhala anamuteko akina. 17 Wookiseryani waya, kaahaaleela wiira: “Nkawehani moota makhalelo ahu ari aya ooxankiha. Yerusalemu oopwexakasiwa, nave mikhora saya soopahiwa ni mooro. Murwe, nitthikele oteka ixiri sa oYerusalemu wiira nimalihe wuuliwa muru nno”. 18 Moottharelana, kaahaaleela moota Muluku aka ooreera murima aakikhalihenrye awe+ ni ele mwene aakihimenrye awe.+ Nuumala wiiwa eyo, awo yaahihimya wiira: “Nrowe nipacerye oteka moowaakuveya!” Nto awo yaahilipihana mukina ni mukhwaawe,* wiira avare muteko owo wooreera.+

19 Okathi Sanibalati a oHoroni, mukhulupale Tobiya+ a wAmoni,+ ni Gexemi a wArabia+ yaiwale aya eyo, yaahipacerya oniveeha+ ni oninyohola ariki: “Exeeni ela enipaka anyu? Niireke muninvirikanya mwene?”+ 20 Masi kaahaakhula wiira: “Muluku a wiirimu tonrowa oniiriha ovara saana muteko ahu,+ nave hiyo, arumeyi awe, nnoopacerya oteka. Masi nyuwo khamurina etthu yoohiyeriwa, nnakhala itireitu, wala mpantta wa itthu siniiraneya oYerusalemu”.+

3 Mukhulupale a anamukuttho, Eliyaxibi,+ ni axinnawe, anamukuttho, yaahipacerya oteka Mukhora wa Ipwittipwitthi.+ Yaahiireeriha*+ ni yaahihela mikhora, yaahireeriha mikhora iyo mpakha Empa Yoorakamela Osulu ya oMeya+ ni mpakha Empa Yoorakamela Osulu ya oHananeli.+ 2 Moottharelana alopwana a oYeriko+ yaahiteka mpantta waattharelana; nave Zakuri, mwaana a Imiri, aahiteka mpantta waattharelana.

3 Anamwane a Hasena yaahiteka Mukhora wa Ihopa,+ yaahela aaro a matera,+ nuumala-vo ahela mikhora, ifexatura ni itaranka. 4 Moottharelana, Meremothi,+ mwaana a Uriya, mwaana a Hakosi, aahilokiherya mpantta waattharelana; Mexulami,+ mwaana a Berekiya, mwaana a Mexezayeli, aahilokiherya mpantta waattharelana; Sadoki, mwaana a Bayana, aahilokiherya mpantta waattharelana. 5 Nave atthu a oTekowa+ yaahilokiherya mpantta waattharelana, masi atthu aya oovuwa yaahikhootta ovara muteko ehooleliwaka ni atthu yaaweherya muteko.

6 Yoyada mwaana a Paseya, ni Mexulami, mwaana a Besodiya, yaahilokiherya Mukhora wa Epooma ya Khalai,+ yaahela aaro a matera, nuumala-vo ahela mikhora, ifexatura ni itaranka. 7 Melatiya a oXibeyoni,+ ni Yadoni a oMeronoti, alopwana a oXibeyoni ni a oMisipa,+ yaawo yaahooleliwa* ni kuvernatoro a mpantta onikela nsuwa wa muro Eufrate,+ yaahilokiherya mpantta waattharelana. 8 Uziyeli mwaana a Harihaya, yoowo aavara muteko ni eweero aahilokiherya mpantta waattharelana; Hananiya, yoowo aapaka makhura oowunkhela, aahilokiherya mpantta waattharelana; awo yaahaatala maluku oYerusalemu mpakha Exiri Yuulupale.+ 9 Refaya, mwaana a Huri, mukhulupale a nimeya na edistritu ya oYerusalemu, aahilokiherya mpantta waattharelana. 10 Yedaya mwaana a Harumafi, aahilokiherya mpantta waattharelana, ohoolo wa empa awe. Nave Hatuxi, mwaana a Haxabineya aahilokiherya mpantta waattharelana.

11 Malikiya, mwaana a Harimi+ ni Haxubi mwaana a Pahathi-Mowabi+ yaahilokiherya mpantta waattharelana vamosa ni Empa Yoorakamela Osulu ya Ifornu.+ 12 Xalumi, mwaana a Halohexi, mukhulupale a nimeya na edistritu ya oYerusalemu, aahilokiherya mpantta waattharelana, vamosa ni anaawe axithiyana.

13 Hanuni ni atthu a oZanowa+ yaahilokiherya Mukhora wa Omukotini;+ yaahilokiherya ni yaahihela mikhora, ifeexo ni itaranka. Nave yaahilokiherya imeeturu 445* sa exiri, mpakha Mukhora wa Omiyaakoni wa Osalani.+ 14 Malikiya, mwaana a Rekabi, mukhulupale a edistritu ya oBethi-Hakeremi,+ aahilokiherya Mukhora wa Osalani. Owo aahipaka mukhora owo ni masele aya, ifeexo ni itaranka saya.

15 Xaluni mwaana a Koloze, mukhulupale a edistritu ya oMisipa,+ aahilokiherya Opuro Oniphattuwa Maasi.+ Owo aahipaka mukhora ni mitthukulelo saya, ohela masele, ifeexo ni itaranka saya, nave aahilokiherya exiri ya Ntthiya+ na Muro waattamela Exarti ya Mwene,+ mpakha Eskatta+ yaakhuruwela Epooma ya Davidi.+

16 Nehemiya, mwaana a Azibuki ni mukhulupale a mpantta mmosa wa edistritu ya oBethi-Suri,+ aahilokiherya mpantta waattharelana, opaceryaka ohoolo wa Mahiye a Davidi+ yaavithiwa mamwene orowaka ntthiya+ naapakiwe mpakha Empa ya Atthu Oowerya.

17 Alevi yaahilokiherya mpantta waattharelana ahooleliwaka ni Rehumi, mwaana a Bani; Haxabiya, mukhulupale a nimeya na edistritu ya oKeila,+ aahilokiherya mpantta waattharelana, mwa nsina na edistritu awe. 18 Nave axinnawe yaahilokiherya mpantta waattharelana ahooleliwaka ni Bavayi, mwaana a Henadadi mukhulupale a nimeya na edistritu ya oKeila.

19 Eseri mwaana a Yeexuuwa,+ mukhulupale a oMisipa, aahilokiherya mpantta waattharelana ohoolo wa etturuuru ya empa ya Ikaruma sa Ekhotto, waattamela Vanlipiheryoni.+

20 Baruki, mwaana a Zabayi,+ aahivara muteko ni nthiti ni aahilokiherya mpantta waattharelana, okhuma Vanlipiheryoni mpakha mukhora wa empa ya mukhulupale a anamukuttho Eliyaxibi.+

21 Meremothi+ mwaana a Uriya, mwaana a Hakosi, aahilokiherya mpantta waattharelana, okhuma mukhora wa empa ya Eliyaxibi mpakha vaamalela aya empa ya Eliyaxibi.

22 Anamukuttho, alopwana a edistritu ya oYordani,*+ yaahilokiherya mpantta waattharelana. 23 Beniyamini ni Haxubi yaahilokiherya mpantta waattharelana waari ohoolo wa empa aya. Azariya, mwaana a Maaseya, mwaana a Ananiya, aahilokiherya mpantta waattharelana waattamela empa awe. 24 Binuwi, mwaana a Henadadi, aahilokiherya mpantta waattharelana, okhuma empa ya Azariya orowa Vanlipiheryoni+ mpakha vakantu va exiri.

25 Palali, mwaana a Uzayi, aahilokiherya mpantta waattharelana, waattamela Vanlipiheryoni ohoolo wa empa yoorakamela osulu yaawehana ni Empa ya Mwene,*+ mpantta wa osulu, eyo piiyo, Vanivateni va Makwarta.+ Nuumala-vo, Pedaya mwaana a Parewoxi,+ aahilokiherya mpantta waattharelana.

26 Ale yaavara muteko mutemplo*+ yaakhala wOfeli+ yaahilokiherya mpakha waattamela Mukhora wa Maasi,+ mpantta onikhuma nsuwa, ni empa yoorakamela osulu yaalupanyiwe ni exiri.

27 Atthu a oTekowa+ yaahilokiherya mpantta waattharelana, okhuma waattamela empa yuulupale yoorakamela osulu yaalupanyiwe ni exiri mpakha exiri ya wOfeli.

28 Anamukuttho yaahilokiherya osulu wa Mukhora wa Ikhavalo,+ khula mmosa ohoolo wa empa awe.

29 Sadoki+ mwaana a Imeri aahilokiherya mpantta waattharelana ohoolo wa empa awe.

Nave Xemaya mwaana a Xekaniya, kwarta a mukhora wa mpantta onikhuma nsuwa,+ aahilokiherya mpantta waattharelana.

30 Hananiya, mwaana a Xelemiya, ni Hanuni mwaana neethanu namosa a Salafi, yaahilokiherya mpantta waattharelana.

Moottharelana, Mexulami+ mwaana a Berekiya aahilokiherya mpantta waattharelana ohoolo wa empa awe.*

31 Malikiya, yoowo iirela mpantta atthu yaavara muteko ni eweero, aahilokiherya mpantta waattharelana, mpakha empa ya ale yaavara muteko mutemplo*+ ni alipa a nakoso, yaakhala waattamela Mukhora Waavareriwa Atthu, mpakha esaala yaakhala osulu wa ekantu ya ixiri.

32 Ale yaavara muteko ni eweero yaahilokiherya eriyari ya esaala yaakhala osulu wa ekantu ya exiri ni Mukhora wa Ipwittipwitthi.+

4 Nuumala Sanibalati+ osuwela wiira naahitthikela oteka exiri, aahinanariwa vanceene ni aahinyoonyiheya vanceene, nave aahipacerya waathanya ayuda. 2 Nave owo aahilavula ohoolo wa axinnawe ni anakhotto a oSamariya oriki: “Exeeni ela ayuda ala oolosowa anipaka aya? Anoona wiira anoowerya opaka etthu ela mekhaya? Niireke anoowerya ovaha mikuttho? Anuupuwela wiira anoomaliha muteko ola nihiku nimosa? Niireke anoowerya ottikiherya maluku oopahiwa ari omiyakoni ntoko ntthupi?”+

3 Tobiya,+ a wAmoni,+ yoowo aamwaattamenle aahihimya wiira: “Hata khwatte onoowerya omoroxa exiri ya maluku aniteka aya”.

4 Khoo Muluku ahu, muniwiriyane, okhala wiira ninnithanyiwa.+ Mwiirihe wiira oveeha waya waamorele yaawo,*+ nave mwaavahererye mmatatani mwa awanani aya ni nwiirihe okhala ipottha elapo ekina. 5 Muhikhuneele mulattu aya, aahiiso muhimalihe mulattu aya ohoolo wanyu,+ okhala wiira ahaaveeha alipa-ooteka.

6 Nto, naahitthikela oteka exiri. Naahittiyela mapuro ootheene yaapwexiwe, ni naahiteka-tho mpakha eriyari aya. Nave atthu khiyaahiyale ovara muteko ni murima aya wootheene.

7 Nuumala Sanibalati, Tobiya,+ atthu a wArabia,+ atthu a wAmoni ni atthu a wAxidodi+ wiiwa wiira muteko woolokiherya ixiri sa oYerusalemu waanirowa ohoolo ni yaanittiyeliwa mapuro yaapwexiwe, yaahinanariwa vanceene. 8 Awo yaahiiwanana orwa owana ni atthu a oYerusalemu ni okumiherya ohiiwanana. 9 Masi hiyo naahinvekela Muluku ahu, nave naahaapweha makwarta opuro aya, wiira anaakiheryeke atthu awo othana ni ohiyu.

10 Vano, atthu akina a oYuda yaahimya wiira: “Anamuteko aakhulumuwa, nave khoreere muteko, khaninwerya omaliha oteka exiri”.

11 Nave awanani ahu yaahimya wiira: “Ahinatthi osuwela ni ahinatthi oniweha, nnookela eriyari aya; niwiive ni neemexe muteko”.

12 Ayuda yaattamanne naawo okathi yaavolowa aya mpooma, khula okathi* yaahimya wiira: “Awo anontuphela ipantte sootheene”.

13 Nave kaahaapweha makwarta ipantta sa ohitto ni sahaakhapeleliwa, ottuli wa exiri. Kahaapweha moovarihana ni imusi saya, akunxe ene ispaata, mavaka ni miyuura. 14 Okathi koonale aka wiira yaanoova, moowaakuveya kaahaaleela atthu oovuwa,+ makuvernatoro makina ni atthu akina wiira: “Muhiwoove atthu awo.+ Mmuupuweleke Yehova, yoowo ori muulupale ni oowoopiha,+ nave nwaneke mwaha wa axinninyu, aniinyu axilopwana ni axithiyana, axaarinyu ni ipa sanyu”.

15 Nuumala awanani ahu wiiwa wiira naahisuwela etthu yaapaka aya, ni wiira Muluku eekeekhai aahimuhonona palano aya, ootheene ahu naahitthikela oteka exiri. 16 Okhuma nihiku nle orowa ohoolo, nimeya na alopwana aka yaanivara muteko wooteka,+ vano nimeya yakhala makwarta akunxe ene mavaka, iskuutu, miyuura ni ikuleti sa eyuuma. Nave makhulupale+ yaanaakhaliherya* atthu ootheene a etthoko ya Yuda 17 yaawo yaateka exiri. Ale yaateexa itthu, yaavara muteko ni ntata nimosa, ntata nikina akunxe ene ekaruma ya ekhotto. 18 Khula mulipa-ooteka aahikhalana espaata* muyuununi mwawe okathi aateka awe, nave aanikhala mulopwana mmosa vakhiviru vaka oopa nlope.+

19 Moottharelana, kaahaalela atthu oovuwa, makuvernatoro makina ni atthu akina wiira: “Muteko ola muulupale ni khoreere waatta, nave noomwara-mwareya exiri yootheene, nirakamelanaka mukina ni mukhwaawe. 20 Okathi munrowa anyu wiiwa oruma wa nlope, muthukumane vamosa ni hiyo opuro ori ahu. Muluku ahu onoowana onaakihaka”.+

21 Siiso khinaahiyale ovara muteko atthu akina akunxe ene mavaka, okhuma oxaka mpakha ohiyu okathi sinipacerya aya wooneya itheneeri. 22 Okathi ole kaahaaleela atthu wiira: “Alopwana ootheene ni anamakhaliherya aya avirihe ohiyu oYerusalemu. Ohiyu, anrowa okhala makwarta ahu, nave othana, anrowa ovaraka muteko wooteka”. 23 Tivo, nnakhala miyo, axinnaka, anamakhaliherya aka+ ni makwarta yaakitthara, khinaarula ikuwo sahu. Khula mmosa aanikuxa ekaruma awe ya ekhotto ntata nawe noolopwana.

5 Vano alopwana ni axaaraya yaaniikhupanyerya vanceene mwaha wa axinnaya, ayuda.+ 2 Atthu akina yaahimya wiira: “Hiyo, aniihu axilopwana ni aniihu axithiyana khanreere. Nihaana ophwanya yoolya wiira nilyeeke ni nikhaleke akumi”. 3 Atthu akina yaahimya wiira: “Mwaha woothowa yoolya, ninneemexerya imatta sahu, imatta sahu sa ewuuva ni ipa sahu wiira niphwanye yoolya”. 4 Akina yaahimya wiira: “Nookopha musurukhu wiira nimulive mpoosito mwene, neemexeryaka imatta sahu ni imatta sahu sa ewuuva.+ 5 Vano hiyo ni axinnihu, nirina erutthu emosa ni ephome emosa-ru,* nave aniihu anlikana ni anaaya, masi hata vari siiso, nihaana waavahererya aniihu axilopwana ni aniihu axithiyana ntoko ipottha, nave nenna-va, aniihu akina axithiyana, ari weepotthani.+ Khiivo etthu nikhanle ahu oopaka wiira naakhoottiherye, okhala wiira imatta sahu ni imatta sahu sa ewuuva ti sa atthu akina”.

6 Okathi kaiwale aka wiikhupanyerya waya ni moolumo ala, kaahinanariwa vanceene. 7 Nto kaahupuwelela itthu iya vamurimani vaka, kinapacerya waapwapwela atthu oovuwa ni makuvernatoro makina, kiiraka: “Ootheene anyu munnaaliviha exuuru axinninyu”.+

Nave kaahipaka muthukumano muulupale mwaha wa atthu awo. 8 Miyo kaahaalela wiira: “Khula okathi naawerya ahu, naaniwoopola axinnihu ayuda yaawo yaatumiheriwe maloko makina. Masi vano nyuwo munnaatumiha axinninyu.+ Nto niireke nnootthikela owoopola?” Awo yaahimaala ahinoona etthu yoohimya. 9 Moottharelana, miyo kaahaakoha wiira: “Etthu munipaka anyu khelonke. Khamunoona oreerela weetta nimoovaka Muluku ahu,+ wiira maloko makina, awanani ahu ahiniveehe? 10 Miyo, axinnaka ni arumeyi aka, nave-tho noowooliha musurukhu ni yoolya. Xontte, nihiye okophiha ni ixuuru.+ 11 Xontte mwaattikiherye olelo vaava, imatta saya,+ imatta saya sa ewuuva, sa olivera ni ipa saya, musurukhu aya wa yoolya, wa eviinyu ya niinaano, ni wa makhura yoowo munaaliviha anyu ixuuru”.

12 Vano awo yaahaakhula wiira: “Hiyo nnimwaattikiherya mireerelo saya nave khaninrowa waavekela etthu. Nnoopaka oratteene ntoko muhimmye anyu”. Nto kaahiwiihana anamukuttho, kiwiiriha alopwana awo olapha ohoolo waya ahimyaka wiira yaamwiira siiso ntoko yaaleihenrye aya. 13 Vano miyo kaahitatha ntthupi na nlaya naka, kihimyaka wiira: “Mwa enamuna ela, Muluku eekeekhai aatathele ota wa empa awe ni wa mireerelo sawe alopwana ootheene ahinrowa weettela yooleiherya ela, nave mwa enamuna emosa-ru atathiwe ni ahihalane etthu”. Nto muloko wootheene waahihimya wiira: “Amen!”* Nto awo yaahimuttottopela Yehova. Atthu ootheene yaahimaliherya ele yaaleihenrye aya.

14 Nave okhuma nihiku owo* okithanlale awe para okhala kuvernatoro+ a elapo ya oYuda, eyaakha ya namiloko miili+ mpakha eyaakha ya namiloko miraru ni piili+ ya mwene Artaxerxe,+ eyo piiyo, iyaakha 12, miyo ni axinnaka khinnalye yoolya yeeyo kuvernatoro orina awe etireitu.+ 15 Makuvernatoro yaakhanle khalai kihinatthi miyo, yanaahaaxa atthu mahiku ootheene, yaavekelaka ixeekele* 40 sa eparatha wiira athume ephaawu ni eviinyu. Nave arumeyi aya, yaanaahaaxa atthu. Masi miyo nkipanke eyo+ okhala wiira kinnimuttittimiha vanceene* Muluku.+

16 Ohiya-vo, miyo kaahivara muteko wooteka exiri ela, nave nkaakunxe ematta.+ Arumeyi aka ootheene yaahithukumana wiira avare muteko. 17 Yaahikhala ayuda 150 ni makuvernatoro makina yaalya vameesa vaka, ohaakontari atthu a maloko makina oowaattamela. 18 Khula nihiku kaaniiveliwa epooyi, ipwittipwitthi thanu na mosa sooloka ni axipalame. Nave khula mahiku 10, naanikhalana mithinto soovirikana sa eviinyu yoowaatta. Hata vaari siiso, miyo nkaavekenle ephaawu kuvernatoro orina awe etireitu, okhala wiira atthu yaahaatteliwa muteko. 19 Khoo Muluku aka, mukuupuwele ni mukireelihe mwaha wa itthu sootheene kipanke aka kiwiirelaka atthu ala.+

6 Okathi Sanibalti, Tobiya,+ Gexemi a wArabia+ ni awanani ahu akina yaaleeliwe aya wiira kaahitthikela oteka exiri,+ ni wiira khiyaahanle mapuro oophweeya (nnaamwi nlelo kahaahenle mikhora),+ 2 Sanibalati ni Gexemi, moowaakuveya yaahikiruuhela ihapari saahimya wiira: “Murwe, nikumane mittetthe saamukhaani sa opuro woowaataleya wa wOno”.+ Masi awo yaaphavela okiiriha etthu yootakhala. 3 Siiso, kaahaaruma atthu wiira yaaleele wiira: “Nkireere waatteliwa miteko, nkiwerya orowa. Karwa okumana ni nyuwo, muteko ola onimweemela”. 4 Awo yaahikiruhela ihapari simosa-ru ikwaha xexe, nto miyo kaaniwaakhula etthu emosa-ru.

5 Vano, Sanibalati aahimuruma murumeyi awe okiruuhela ihapari simosa-ru ekwaha ya neethanu, vamosa ni ekarta yahaatthukiwe. 6 Ekarta eyo yaahimya wiira: “Atthu ahiiwa wiira nyuwo ni ayuda muninvirikanya mwene,+ nave Gexemi+ onihimya etthu emosa-ru. Tivo muniteka anyu exiri eyo, nave moovarihana ni etthu enihimmwa, nyuwo munrowa okhala mwene aya. 7 Ohiya-vo, muhathanla maprofeta wiira alaleye oYerusalemu wootheene yoohimyakani nyuwo wiira: ‘Ookhala mwene oYuda!’ Itthu iya onooleeliwa mwene. Tivo murwe nivaanele mwaha owo”.

8 Masi miyo kaahiruma oleeliwa wiira: “Khiivo etthu ehimyale anyu yiiraneyale, itthu iyo sootheene nyuwo muroopakelela”.* 9 Ootheene aya yaaneererya onoopopiha ahimyaka wiira: “Awo animooceela muteko ola,* ni khonrowa omala”.+ Masi miyo kaahivekela kiiraka: “Khoo Muluku, mukivahe olipa murima”.+

10 Moottharelana, kaahirowa owannyawe Xemaya, mwaana a Delaya, mwaana a Mehetabeli okathi iipithale awe weiwo. Owo aahihimya wiira: “Nrowe nithanle okathi wiira nakumaane empa ya Muluku eekeekhai, muhina mwa etemplo, nave niwale mikhora okhala wiira awo annoorwa owiivani. Awo anrwa ohiyu, aphavelaka owiivani”. 11 Masi miyo kaahihimya wiira: “Niireke mulopwana ntoko miyo kihaana otthyawa? Niireke mulopwana ntoko miyo kihaana okela mutemplo wiira kikhale mukumi?+ Nnaari, nkinrowa!” 12 Vano miyo kaahisuwela wiira khaarummwale ni Muluku, masi Tobiya ni Sanibalati+ ti yaamuthumme wiira olavule eprofesia ela okihimyaka miyo. 13 Owo aaroothummwa wiira okoopopihe ni okiirihe ottheka. Siiso awo yanwerya ohonona mweettelo aka ni okuulihiha muru.

14 Xontte Muluku aka, mmuupuwele Tobiya ni Sanibalati,+ vamosa ni itthu anipaka aya, nave mmuupuwele profeta muthiyana Nowadiya, vamosa ni maprofeta makina, yaawo yeerenrye okoopopiha ikwaha sinceene.

15 Exiri eyo yaahimalihiwa muhina mwa mahiku 52, nihiku na 25 mweeri wa Eluli.*

16 Okathi awanani ahu ootheene yaasuwenle aya eyo, ni maloko ootheene yaanirukurenrye yaawehale aya eyo, yaahuuliwa muru vanceene,+ nave yaahisuwela wiira naahimaliha muteko owo nikhaliheriwaka ni Muluku ahu. 17 Mahiku ale, atthu oovuwa+ a oYuda yaanimuroihela Tobiya ikarta sinceene, vano Tobiya aaniwaakhula. 18 Yaahikhala atthu anceene a oYuda yaaleihenrye wiira yammukhaliherya, okhala wiira owo aari mutthepa a Xekaniya, mwaana a Arahi,+ ni Yehohanani mwaana a Tobiya, maana aamuthenle mwaana mwaamuthiyana a Mexulami,+ mwaana a Berekiya. 19 Ohiya-vo, khula okathi kaanileeliwa itthu sooloka simuhimyaka yena, nave owo aanileeliwa itthu kaahimya aka. Nto Tobiya aanikiruuhela ikarta wiira okoopopihe.+

7 Nuumala omalihiwa otekiwa exiri,+ kaahihela mikhora opuro aya;+ nuumala-vo makwarta a vamukhora,+ alipa-oowiipa+ ni alevi+ yaahithanleliwa miteko saya. 2 Moottharelana, kaahimuthanla munnaka Hanani,+ wiira oweheryeke myaha oYerusalemu, vamosa ni Hananiya xeefi a opuro woolipihiwa,+ okhala wiira aari mulopwana oororomeleya ni aamoova Muluku eekeekhai,+ waavikana atthu akina. 3 Nto kaahaalela wiira: “Mikhora sa oYerusalemu sihihuliweke nsuwa nihinatthi opatta, nave makwarta a vamukhora ahaana owala ni otthukwa okathi yoowo anvara aya muteko. Nave mwaathanle alopwana oYerusalemu wiira akhale makwarta, akina akhaleke opuro woolipelela, nave akina akhaleke ohoolo wa ipa saya”. 4 Epooma ele khiyaareere wunnuwa nave yaahikhalana opuro munceene, masi yaakhala atthu vakhaani,+ nave ipa khisaatthikeliwe otekiwa.

5 Masi Muluku aka, aahikivaha ankhili* oowaathukumanya atthu oovuwa ni makuvernatoro makina ni atthu wiira alempwe masina aya.+ Kaahiphwanya eliivuru yaalempwale masina a atthu yaapacenrye otthika, yeeyo yaalempwale wiira:

6 Ala yaari alopwana a eprovinsia yaakhumme weepotthani, yaawo mwene Nabukodonosori+ a oBabiloonia aaroihale awe weepotthani.+ Awo yaahitthikela oYerusalemu ni oYuda, khula mutthu epooma awe.+ 7 Awo yaatthinke vamosa ni Zorobabeli,+ Yeexuuwa,+ Nehemiya, Azariya, Raamiya, Nahamani, Mordekayi, Bilixani, Misiperethi, Bigivayi, Nehumi ni Bayanahi.

Nummeru na alopwana aisarayeli naahela muhina:+ 8 anamwane a Parewoxi, 2.172; 9 anamwane a Xefatiya, 372; 10 anamwane a Arahi,+ 652; 11 anamwane a Pahathi-Mowabi,+ a osuulu wa Yeexuuwa ni Yowabi,+ 2.818; 12 anamwane a Elami,+ 1.254; 13 anamwane a Zatu, 845; 14 anamwane a Zakayi, 760; 15 anamwane a Binuwi, 648; 16 anamwane a Bebayi, 628; 17 anamwane a Azigadi, 2.322; 18 anamwane a Adonikami, 667; 19 anamwane a Bigivayi, 2.067; 20 anamwane a Adini, 655; 21 anamwane a Ateri, a Ezekiya, 98; 22 anamwane a Haxumi, 328; 23 anamwane a Bezayi, 324; 24 anamwane a Harifi, 112; 25 anamwane a Xibeyoni,+ 95; 26 alopwana a oBetelehemu ni oNetofa, 188; 27 alopwana a wAnatothi,+ 128; 28 alopwana a oBethi-Azimavethi, 42; 29 alopwana a oKiriyathi-Yarimi,+ oKefira ni oBeerothi,+ 743; 30 alopwana a oRama ni oXeeba+ 621; 31 alopwana a oMikimaasi,+ 122; 32 alopwana a oBeteli+ ni wAyi,+ 123; 33 alopwana a oNebo okina, 52; 34 anamwane a Elami mukina, 1.254; 35 anamwane a Harimi, 320; 36 anamwane a Yeriko, 345; 37 anamwane a Lodi, Hadidi ni Ono,+ 721; 38 anamwane a Senaya, 3.930.

39 Anamukuttho:+ anamwane a Yedaya a etthoko ya Yeexuuwa, 973; 40 anamwane a Imeri, 1.052; 41 anamwane a Paxehuri,+ 1.247; 42 anamwane a Harimi,+ 1.017.

43 Alevi:+ Anamwane a Yeexuuwa ni Kadimiyeli,+ a anamwane a Hodeva, 74. 44 Alipa-oowiipa:+ Anamwane a Asafi,+ 148. 45 Makwarta a vamukhora:+ Anamwane a Xalumi, anamwane a Ateri, anamwane a Talimoni, anamwane a Akubi,+ anamwane a Hatita, anamwane a Xobayi, yaari 138.

46 Ale yaavara muteko mutemplo:*+ Anamwane a Siha, anamwane a Hasufa, anamwane a Tabawothi, 47 anamwane a Kerosi, anamwane a Siha, anamwane a Padoni, 48 anamwane a Lebana, anamwane a Hagaba, anamwane a Salimayi, 49 anamwane a Hanani, anamwane a Gideli, anamwane a Gahari, 50 anamwane a Reyaya, anamwane a Resini, anamwane a Nekoda, 51 anamwane a Gazami, anamwane a Uza, anamwane a Paseya, 52 anamwane a Besayi, anamwane a Mewoni, anamwane a Nefuxisimi, 53 anamwane a Bakibuki, anamwane a Hakufa, anamwane a Haruri, 54 anamwane a Basilithi, anamwane a Mehida, anamwane a Harixa, 55 anamwane a Barikosi, anamwane a Siisera, anamwane a Tamahi, 56 anamwane a Nesiya, anamwane a Hatifa.

57 Anamwane a arumeyi a Salomooni:+ Anamwane a Sotayi, anamwane a Soferethi, anamwane a Perida, 58 anamwane a Yayala, anamwane a Darikoni, anamwane a Gideli, 59 anamwane a Xefatiya, anamwane a Hatili, anamwane a Pokerethi-Hasebayimi, anamwane a Amoni. 60 Ootheene ale yaavara muteko mutemplo*+ ni anamwane ootheene a arumeyi a Salomooni yaari 392.

61 Ale yaalempwale yaakhuma oTeli-Melahi, oTeli-Harixa, oKerubi, wAdoni ni wImeri, yahaawerya osuwela imusi saya ni yahaawerya osuwela etthoko yaayariwe aya, vakhala wiira yaari aisarayeli wala nnaari,+ yaari ala: 62 Anamwane a Delaya, anamwane a Tobiya, anamwane a Nekoda, 642. 63 Anamukuttho: Anamwane a Habaya, anamwane a Hakosi,+ anamwane a Barizilayi, yoowo aamuthenle mwaana mmosa mwaamuthiyana a Barizilayi+ a oXileyaadi ni aavahiwe nsina na emusi eyo. 64 Ootheene ala yaahaavya opuro yaalempwale aya masina aya, wiira asuwele emusi aya, masi khiyaaphwannye. Tivo yaahihiihiwa muteko wa onamukuttho.*+ 65 Kuvernatoro*+ aahaaleela wiira ehilyeeke itthu soowaaryexa,+ mpakha okhumelela namukuttho aarowa okohererya Urimi ni Tumimi.+

66 Nummeru na muloko wootheene naari 42.360,+ 67 ohaakontari alopwana ni athiyana yaari ipottha,+ yaawo yaari 7.337. Nave yaahikhala alipa-oowiipa 245 alopwana ni athiyana.+ 68 Ikhavalo saya saari 736, inama saya siniihaniwa muula* saari 245, 69 ikamelo saya saari 435, apuuru aya yaari 6.720.

70 Ahooleli akina a imusi yaahivaha mireerelo saya wiira akhaliherye muteko.+ Kuvernatoro aahivaha musurukhu itraakima* 1.000 sa eweero, itixela 50 ni malaya 530 para anamukuttho.+ 71 Nave ahooleli akina a imusi saya yaahivaha musurukhu itraakima 20.000 sa eweero ni imiina* 2.200 sa eparatha. 72 Nave atthu akina yaahivaha itraakima 20.000 sa eweero, imiina 2.000 sa eparatha ni malaya 67 oorakama para anamukuttho.

73 Nave anamukuttho, alevi, makwarta a vamukhora, alipa-oowiipa,+ atthu akina, ale yaavara muteko mutemplo* ni aisarayeli ootheene yaakhala ipooma saya.+ Nuumala ophiya mweeri wa neethanu nenli,+ aisarayeli yiira akhalaka mpooma mwaya.+

8 Vano, atthu ootheene yaahiiwanana othukumana opuro woowaatta atthu ohoolo wa Mukhora wa Maasi,+ amuleela mulipa-oolepa Eezira,+ wiira oruuhe eliivuru ya Nlamulo na Moise,+ yeeyo Yehova aavanhe awe atthu a Isarayeli.+ 2 Siiso, nihiku noopacerya na mweeri wa neethanu nenli,+ namukuttho Eezira aahiruuha eliivuru ya Nlamulo ohoolo wa muloko wa atthu+ waari alopwana, athiyana ni atthu ootheene yaawerya wiiwexexa ele yaahimmwa. 3 Nto owo aahisoma voowiiwanyeya+ opuro woowaatta atthu, ohoolo wa Mukhora wa Maasi, okhuma voosiisu mpakha othana eriyari. Aahaasomela alopwana, athiyana ni atthu ootheene yaawerya wiiwexexa. Vano atthu yaahiiwa oratteene+ okathi yaasommwa aya eliivuru ya Nlamulo. 4 Mulipa-oolepa Eezira aaheemela vapaalkuni ya ethaapwa yaapakeliwe okathi ene yoole. Nave vamosa nuuwo, moono awe woolopwana aahikhala Matithiya, Xema, Anaya, Uriya, Hilikiya ni Maaseya. Moono awe woothiyana aahikhala Pedaya, Mixayeli, Malikiya,+ Haxumi, Haxi-Badana, Zakariya ni Mexulami.

5 Eezira aahihula eliivuru eyo ohoolo wa atthu ootheene, okhala wiira aari vasulu va atthu ootheene. Okathi aahunle awe eliivuru eyo, atthu ootheene yaaheemela. 6 Eezira aahimuxonttela Yehova Muluku eekeekhai, yoowo ori Muulupalexa. Nto atthu ootheene yaahaakhula ariki: “Amen!* Amen!”,+ nave yaahiteexerya matata aya osulu. Awo yaahikokhora ohoolo wa Yehova, nave yaahuurama mpakha vathi. 7 Vano Yeexuuwa, Bani, Xerebiya,+ Yamini, Akubi, Xabitayi, Hodiya, Maaseya, Kelita, Azariya, Yozabadi,+ Hanani ni Pelaya, yaawo yaari alevi, yaanaatthokiherya atthu Nlamulo,+ nlelo atthu awo yeemenle ene. 8 Awo yaanaasomela atthu voowiiwanyeya eliivuru eyo, eyo piiyo, Nlamulo na Muluku eekeekhai, yaatthokiheryaka oratteene ni yaaleelaka ele yaataphulela aya. Siiso yaanaakhaliherya atthu awo wiiwexexa oratteene ele yaasommwa.+

9 Nave kuvernatoro* Nehemiya, namukuttho ni mulipa-oolepa Eezira,+ ni alevi yaawo yaawiixuttiha atthu, yaahaaleela atthu ootheene wiira: “Nla nihiku noowaarya para Yehova Muluku anyu.+ Muhinleke aahiiso wiikhupanyerya”. Tthiri, atthu ootheene yaaninla okathi yiiwa aya moolumo a Nlamulo. 10 Nto owo aahaaleela atthu wiira: “Muroweke, mwalyeeke eyoolya yoosiva* ni mwawuryeke itthu soonaya, nave mwaaroiheleke yoolya+ ale ahilokihenrye etthu, okhala wiira nla nihiku noowaarya para Pwiya ahu, muhiriipiweke murima, okhala wiira otteeliwa murima onikhuma wa Yehova tori ikuru sanyu”. 11 Alevi yaanaamaaliha atthu ootheene, ariki: “Muhinleke, okhala wiira nla nihiku noowaarya. Muhiriipiweke murima”. 12 Vano atthu ootheene yaahirowa olya ni owurya ni yaahaaroihela yoolya atthu akina, nave yaahitteeliwa murima vanceene,+ okhala wiira yaahiiwexexa moolumo yaaleeliwe aya.+

13 Nihiku na nenli, ahooleli a imusi sootheene, anamukuttho ni alevi yaahithukumana ni mulipa-oolepa Eezira wiira yiiwexexe oratteene moolumo a Nlamulo. 14 Vano, yaahiphwanya opuro naalempwale aya Nlamulo na Yehova, omurumeelaka Moise, naaruma wiira atthu a Isarayeli yaahaana okhala mmaxaxani okathi wa efesta ya mweeri wa neethanu nenli,+ 15 ni yaahaana olaleya+ ipooma saya sootheene ni oYerusalemu wootheene wiira: “Murowe muttetthe wa omiyaakoni, mwaruuhe iritta sa miri sa olivera, miri sa pinyeero, iritta sa miri siniihaniwa murta, ni korooro ni iritta sa miri sikina simpakeliwa maxaxa moovarihana ni ele elempwale”.

16 Vano, atthu yaahirowa ni yaahiruuha iritta wiira apake maxaxa aya, khula mutthu otthunyele nxaxa nawe, vamosa ni mavate aya, mavate a empa ya Muluku eekeekhai,+ mavate a opuro woowaatta atthu wa Mukhora wa Maasi+ ni wa opuro woowaatta atthu wa Mukhora wa Efrayimi.+ 17 Siiso, atthu a muloko wootheene yaatthinke weepotthani yaahipaka maxaxa anakhala memmo. Aisarayeli khiyaatonko opaka efesta siisa, okhuma mahiku a Yooxuuwa,+ mwaana a Nuuni mpakha nihiku nle. Tivo atthu yaahitteeliwa murima vanceene.+ 18 Nihiku ti nihiku, yaanisommwa eliivuru ya Nlamulo na Muluku eekeekhai,+ okhuma nihiku noopacerya mpakha nihiku nookiserya. Nave yaahiviriha mahiku 7 atthapelaka efesta. Vano nihiku na neethanu neeraru, waahipakiwa muthukumano muulupale ntoko yaarummwale aya.+

9 Nihiku na namiloko miili neexexe na mweeri yoowo, aisarayeli yaahithukumana. Awo yaahitthukwa awanre ene isaakho ni asareyale ene ntthupi.+ 2 Atthu a osuulu wa Isarayeli yaahivalaana ni atthu ootheene a ilapo sikina,+ nto yeemenle ene yaahihimya itampi saya ni soovonya sa axipaapa aya.+ 3 Iwoora tthaaru saavinre yeemenle ene mapuro aya, yaahisommwa voowiiwanyeya eliivuru ya Nlamulo+ na Yehova, Muluku aya. Nave saahivira-tho iwoora tthaaru ahimyaka itampi saya ni akokhoraka ohoolo wa Yehova Muluku aya.

4 Yeexuuwa, Bani, Kadimiyeli, Xebaniya, Buuni, Xerebiya,+ Bani ni Kenani yaaheemela vapalkuni+ wa alevi ni yaahimukhuwelela Yehova, Muluku aya, ni nsu noowiiwanyeya. 5 Alevi, Yeexuuwa, Kadimiyeli, Bani, Haxabineya, Xerebiya, Hodiya, Xebaniya ni Petahiya yaahihimya wiira: “Mweemele, mmuttottopeleke Yehova Muluku anyu mahiku ootheene.+ Nittottopeliwe nsina nawe noovuwa, nenlo nri vasulu wa mareeliho ni ottottopela wootheene.

6 “Nyuwo paahi muri Yehova.+ Nyuwo moopaka erimu, aayo, erimu ya osuluxa, ni itthu sootheene siri weiwo, nave moopaka elapo ni itthu sootheene siri memmo, ni iphareya ni itthu sootheene siri memmo. Nyuwo munniiriha itthu iyo sootheene okhala sikumi, nave itthu sootheene siri wiirimu* sinnikokhora ohoolo wanyu. 7 Nyuwo mwa Yehova, Muluku eekeekhai yoowo omuthanlale Abramu,+ omukumiha elapo ya Uri+ ya atthu a oKhaldeya ni onvaha nsina noowi Abrahamu.+ 8 Nyuwo muhoona ororomeleya wawe wa nyuwo vamurimani vawe.+ Tivo, mwaahipaka nivarihano nuuwo, wiira mwaamunvaha owo ni osuulu awe elapo+ ya akanaani, ya ahiti, ya atthu a wAmori, ya aperizi, ya ayebusi ni ya axirigaxi. Nave moomaliherya itthu mwaamuleihenrye anyu okhala wiira mwa naxariya.

9 “Nyuwo mwaahoona oxanka wa amuhavinre ahu wExiitu,+ nave mwaahiiwa okhuwela waya waattamela Ephareya Yooxeerya. 10 Tivo, moopaka ithoonyeryo ni miiriirya wiira mmuhukhumu Farawo, arumeyi awe ootheene ni atthu ootheene a elapo awe,+ okhala wiira mwaahisuwela wiira yaanaahaaxa atthu anyu.+ Nave moosuweliha nsina nanyu, nenlo ninsuweliwa oratteene mpakha olelo-va.+ 11 Mwaahikawanya ephareya ohoolo waya, wiira alapuwe ephareya aviraka opuro woowuuma,+ nave ale yaalupattha mwaahaarihela opuro woowiixa, ntoko nluku ninriheliwa mmaasini ootupa.+ 12 Othana mwaaniweettiha murumeelaka neeku, nave ohiyu mwaaniweettiha murumeelaka mooro, wiira waamwaleeleke ephiro yaarowa aya oviraka.+ 13 Nave nyuwo mwaahikhuruwa omwaako Sinayi,+ mulavulana muri ene wiirimu,+ mwaavaha moolumo oophukela a xariya, malamulo eekeekhai,* ikano ni sooruma sooloka.+ 14 Nyuwo muhaasuweliha esaabadu anyu yoowaarya,+ nave muhaavaha sooruma sanyu, ikano sanyu ni malamulo anyu mmurumeelaka murumeyi anyu Moise. 15 Nyuwo mwaahaavaha ephaawu yaamora wiirimu okathi yaavoliwe aya etala,+ nave mwaahikumiha maasi vamwala okathi yaavoliwe aya ntthona,+ mwaahaaleela wiira akele ni akuxe elapo yeeyo mwalaihenrye* anyu wiira mwaamwaavaha.

16 “Masi, amuhavinre ahu, yaahiixinnuwiha+ ni yaahuumiha mirima saya,+ nave awo khiyaiwelenle sooruma sanyu. 17 Awo yaahikhootta owiriyana,+ nave khiyuupuwenle miteko sootikiniha mwaavanre anyu, masi awo yaahuumiha mirima saya ni yaahimuthanla muhooleli wiira aattikiherye weepotthani wExiitu.+ Masi nyuwo mwa Muluku onilevelela okathi wootheene, a othunku ni oomoriwa ikharari, oopixa murima* ni oosareya ophenta woororomeleya,+ nto khimwaanyanyanle.+ 18 Hata okathi yaipakenle aya elatarato ya epooyi ya eyuuma, ahimyaka wiira, ‘ola Muluku ahu onikuminhe elapo ya wExiitu’,+ awo khiyoonihenrye ottittimiha wuulupale. 19 Nave nyuwo mooniheryaka omoriwa ikharari wuulupale, khimwaanyanyanle woothakoni.+ Neeku naawooniherya ephiro othana, khinaahiyale, nnakhala mooro waamwaleela wiira owooniheryeke ephiro yaarowa aya oviraka ohiyu khiwaahiyale.+ 20 Mwaahaavaha ikuru sanyu soowaarya wiira avareke itthu ni ankhili,+ nave khimwaakhoottihenrye emana anyu+ ni mwaahaavaha maasi okathi yaavoliwe aya ntthona.+ 21 Iyaakha 40 mwaahaavaha yoolya woothakoni.+ Khiivo etthu yaahaleela. Malaya aya khiyaathaala,+ nave inawu saya khasaipale.

22 “Nyuwo mwaahaavaha mamwene ni atthu, mwaakawelaka ilapo;+ siiso yaahikuxa elapo ya Sihoni,+ eyo piiyo, elapo ya mwene a oHexeboni,+ ni elapo ya Oogi+ mwene a oBaxani. 23 Nave moowiiriha anaaya okhala oowaatta ntoko itheneeri sa wiirimu.+ Nto muhaaroiha anamwane awo elapo yeeyo mwaaleihenrye anyu amuhavinre aya wiira yaamukela ni yaamukuxa wiira ekhale yawaya.+ 24 Siiso awo aakela ni aakuxa elapo eyo,+ nave moowiiriha waawerya atthu a oKanaani,+ yaawo yaakhala mulaponi-mmo, akhale mamwene ni atthu yaakhala mulaponi-mmo, wiira ewiiriheke etthu yaaphavela aya. 25 Awo yaahikuxa ipooma soolipihiwa+ ni imatta sooruwerya,+ yaahikuxa ipa saasareyale itthu sootheene sooreera, ihime soothimpwa sene, imatta sa ewuuva, imatta sa olivera+ ni miri siima mihokorokho soowaatta. Siiso, awo yaahilya, avona, aneneva ni yaahittottela mureerelo oreera wanyu murima wuulupale.

26 “Masi, awo yaahikhala oohiiwelela, yaahoovirikanyani+ ni yaahihiya Nlamulo nanyu. Yaahiwiiva maprofeta anyu, yaawo yaalopola wiira yootthikeleni, nave yaahipaka itthu suulupale sooniherya ohittittimiha.+ 27 Mwaha wa yeeyo, nyuwo mwaahaavahererya mmatatani mwa awanani aya,+ yaawo yaahaaxa.+ Masi awo yaanookhuwelelani okathi yaahaaxiwa aya. Nto nyuwo mwaaniwiriyana muri ene wiirimu. Nave mwaha wa omoriwa wanyu ikharari wuulupale mwaahaavaha ahooleli wiira awoopole mmatatani mwa awanani aya.+

28 “Masi amalaka-ru woopowa yaanitthikela opaka itthu sootakhala ohoolo wanyu.+ Tivo nyuwo mwaanaavahererya mmatatani mwa awanani aya, yaawo yaawerya.*+ Vano awo yaanitthikela woovekelani wiira mwaakhaliherye,+ nto nyuwo mwaanaawiriyana muri ene wiirimu. Khula okathi mwaaniwoopola mwaha wa omoriwa wanyu ikharari wuulupale.+ 29 Nyuwo mwaanaalopola wiira mwaattikiherye Nlamulo nanyu, masi awo yaaniixinnuwiha ni khiyaaphavela owiriyana sooruma sanyu.+ Yaanitthekela ikano sanyu, seiyo sinrowa omwiiriha mutthu okhala mukumi akhala wiira onimweettela.+ Awo yaanithipelela woorukunuwelani, yaanuumiha mirima saya ni khiyaaphavela owiriyana. 30 Mwaahaapixerya murima+ iyaakha sinceene ni mwaahithipelela waalopola murumeelaka ikuru sanyu, mwaarumaka maprofeta anyu, masi awo khiyaaphavenle owiriyana. Wookiseryani waya mwaahaavahererya mmatatani mwa atthu a ilapo sikina.+ 31 Mwaha woomoriwa wanyu ikharari wuulupale, nyuwo khimwaamala-malinhe,+ aahiiso khimwaanyanyanle, okhala wiira nyuwo mwa Muluku a othunku ni oomoriwa ikharari.+

32 “Vano, Muluku ahu, Muluku muulupalexa oowerya ni oowoopiha, onimaleliha nivarihano nawe ni onooniherya ophenta woororomeleya,+ muhiliyale mixankiho sootheene sinikhumelenle hiyo, mamwene ahu, makhulupale ahu,+ anamukuttho ahu,+ maprofeta ahu,+ amuhavinre ahu ni atthu anyu ootheene, okhuma mahiku a mamwene a wAsiiria+ mpakha olelo-va. 33 Nyuwo muhooniherya okhala a xariya ni itthu sootheene siniiranenle, okhala wiira moopaka itthu voororomeleya. Hiyo nipanke itthu sootakhala.+ 34 Vano, mamwene ahu, makhulupale ahu, anamukuttho ni amuhavinre ahu, awo khiyaiwelenle Nlamulo nanyu, nnakhala khiyaawiriyanne malamulo anyu ni moolumo anyu oowuupuxerya yaawo mwaavanhe anyu. 35 Hata okathi yaari aya moomweneni mwaya atteeliwaka murima mwaha wa oreera wanyu murima wuulupale mwaawoonihenrye anyu, ematta yuulupale ni yooruwerya mwaavanhe anyu, awo khiyoorumenleni+ ni khiyaahiyale opaka itthu sootakhala. 36 Tivo, hiyo olelo-va na ipottha,+ aayo, ipottha elapo yeeyo mwaavanhe anyu amuhavinre ahu wiira elyeeke mihokorokho saya ni epuheke itthu sooreera sa elapo eyo. 37 Mwaha wa soottheka sahu, itthu sinceene siniruweriwa elapo ela sinikuxiwa ni mamwene yaawo munivanhe anyu wiira anihaaxeke.+ Awo annilamulela eniirihaka hiyo ni inama sahu etthu aniphavela aya, nave hiyo nooxanka vanceene.

38 “Tivo, mwaha wa itthu iya sootheene, noopaka nivarihano+ noolempwa, nenlo neemereriwe niheliwaka eseelu* ya makhulupale ahu, alevi ahu ni anamukuttho ahu”.+

10 Atthu yaahenle eseelu* nivarihano,+ yaari ala:

9 Vano alevi yaari ala: Yeexuuwa mwaana a Azaniya, Binuwi mwaana a Henadadi, Kadimiyeli,+ 10 ni axinnawe Xebaniya, Hodiya, Kelita, Pelaya, Hanani, 11 Mika, Rehobi, Haxabiya, 12 Zakuri, Xerebiya,+ Xebaniya, 13 Hodiya, Bani ni Beninu.

14 Ahooleli a atthu yaari ala: Parewoxi, Pahathi-Mowabi,+ Elami, Zatu, Bani, 15 Buuni, Azigadi, Bebayi, 16 Adoniya, Bigivayi, Adini, 17 Ateri, Ezekiya, Azuri, 18 Hodiya, Haxumi, Bezayi, 19 Harifi, Anatothi, Nebayi, 20 Magipiyaxi, Mexulami, Heziri, 21 Mexezayeli, Sadoki, Yaduwa, 22 Pelatiya, Hanani, Anaya, 23 Hoxeya, Hananiya, Haxubi, 24 Halohexi, Pileha, Xobeki, 25 Rehumi, Haxabina, Maaseya, 26 Ahiya, Hanani, Anani, 27 Maluki, Harimi ni Bayanahi.

28 Atthu akina, eyo piiyo, anamukuttho, alevi, makwarta a vamukhora, alipa-oowiipa, ale yaavara muteko mutemplo* ni atthu ootheene yaavalanne ni atthu a ilapo saarukurenrye wiira atthareke Nlamulo na Muluku eekeekhai,+ vamosa ni axaaraya, anaaya axilopwana ni anaaya axithiyana, ootheene yaarina osuwela ni wiiwexexa,* 29 Ootheene aya yaahitakaahana ni axinnaya, alopwana oottittimiheya ni yaahilapha wiira yaamweettelaka Nlamulo na Muluku eekeekhai, nenlo aavanhe awe omurumeelaka Moise murumeyi a Muluku eekeekhai, ni wiira yaamwiiwelelaka oratteene malamulo ootheene a Yehova, Pwiya ahu, ophukela wawe, ni ikano sawe. 30 Khaninrowa waatheliha aniihu axithiyana atthu a ilapo sinaattamenle, nave khaninrowa waakuxa anaaya axithiyana wiira atheliweke ni aniihu axilopwana.+

31 Vakhala wiira atthu a ilapo sinaattamenle, animoorwa otumiha mireerelo saya ni ipyo saya nihiku na saabadu, khaninrowa othuma etthu, nnakhala nihiku na saabadu+ aahiiso nihiku noowaarya.+ Nave-tho, khula eyaakha ya neethanu nenli,+ khaninrowa olima imatta sahu, nave nnimwaalevelela atthu ootheene anikophenle.+

32 Nave khula mutthu ooweha wiira ohaana ovaha nimeya na exeekele emosa khula mwaakha, empa ya Muluku ahu:+ 33 Para iphaawu sinivahiwa Muluku,+ yoovaha ya ipyo enivahiwa khula okathi,+ yoovaha para opahiwa enivahiwa khula esaabadu+ ni khula mweeri musya,+ ifesta sithanliwe,+ itthu sikhalihiwe soowaarya, soovaha para oleveleliwa itampi,+ wiira aleveleliwe itampi atthu a Isarayeli, ni soovaha para muteko wootheene onivariwa empa ya Muluku ahu.

34 Nave-tho, naahivonya isoorti wiira nisuwele mwaattelo wa ikhuni khula emusi ya anamukuttho, alevi ni atthu yaarowa aya oruuhaka empa ya Muluku ahu, khula mwaakha, wiira sipahiweke valtaari a Yehova, Muluku ahu, moovarihana ni ele elempwale Munlamuloni.+ 35 Nave khula mwaakha, nnooroiha empa ya Yehova, mihokorokho soopacerya ottokottha sa mmatta mwahu ni mihokorokho soopacerya ottokottha sa khula muthinto wa mwiri,+ 36 vamosa ni aniihu oopacerya oyariwa ni inama sahu soopacerya ototholiwa,+ moovarihana ni ele elempwale Munlamuloni. Nave nnooroiha inama sahu soopacerya ototholiwa munikotoni mwahu. Nnooroiha itthu iyo empa ya Muluku ahu, nave nnimwaaroihela anamukuttho anivara muteko empa ya Muluku ahu.+ 37 Nave-tho, nihaana waaroihela anamukuttho, opuro onisukiwa mireerelo sa empa ya Muluku ahu,+ otthu wa ipyo soopacerya ohemphwa,+ soovaha sahu, mihokorokho sa miri sa khula muthinto,+ eviinyu ya niinaano ni makhura,+ vamosa ni epantta ya namuloko ya itthu siniruwerya ahu mmatta mwahu wiira naavahe alevi,+ okhala wiira alevi tanaakhela epantta ya namuloko ya itthu nnaala ahu imatta sa ipooma sahu.

38 Vano, namukuttho mwaana a Aroni, ohaana okhala ni alevi okathi alevi anrowa aya okuxaka ipantta sa namuloko. Nave ipantta iyo sa namuloko, alevi ahaana ovaha epantta ya namuloko ya itthu iyo empa ya Muluku ahu,+ isaala sinisukiwa mireerelo. 39 Tthiri, aisarayeli ni anamwane a alevi, ahaana oroiha soovaha+ sa ipyo, eviinyu ya niinaano ni makhura+ opuro sinisukiwa mireerelo, weiwo siri aya mireerelo sa opuro woowaarya, ni ari aya anamukuttho anivara muteko, makwarta a vamukhora ni alipa-oowiipa. Siiso khaninrowa onyanyala empa ya Muluku ahu.+

11 Makhulupale a atthu yaakhala oYerusalemu,+ nave atthu akina yaanivonya isoorti+ wiira eriyari ya alopwana 10, mmosa orooke akhaleke oYerusalemu, epooma yoowaarya, vano akina 9 yaahala, yakhaleke ipooma sikina. 2 Nave-tho, atthu yaanaareeliha alopwana ootheene yaivahererya orowa okhala oYerusalemu.

3 Ela elista enittharelana ya ahooleli a eprovinsia yaakhala oYerusalemu. (Atthu a Isarayeli akina, anamukuttho, alevi, ale yaavara muteko mutemplo,*+ anamwane a arumeyi a Salomooni,+ yaakhala ipooma sikina sa oYuda, khula mmosa epooma aavahiwe awe ntoko etthu yoohiyeriwa.+

4 Nave-tho, atthu akina a nihimo na Yuda ni na Beniyamini yaakhala oYerusalemu.) Atthu a nihimo na Yuda aari Ataya mwaana a Oziya, mwaana a Zakariya, mwaana a Amariya, mwaana a Xefatiya, mwaana a Mahalaleli a osuulu wa Peresi,+ 5 ni Maaseya mwaana a Baruki, mwaana a Koloze, mwaana a Hazaya, mwaana a Adaya, mwaana a Yoyaribi, mwaana a Zakariya, mwaana a Xela. 6 Anamwane ootheene a Peresi yaakhala oYerusalemu, yaari 468 alopwana oowerya.

7 Atthu a nihimo na Beniyamini yaari ala: Salu+ mwaana a Mexulami, mwaana a Yowedi, mwaana a Pedaya, mwaana a Kolaya, mwaana a Maaseya, mwaana a Itiyeli, mwaana a Yexaya, 8 nuumala yena aamutthara aari Gabayi ni Salayi, 928; 9 nto Yoweli mwaana a Ziikiri, taari muhooleli aya, ni Yuda mwaana a Hasenuwa aari muhooleli a nenli a epooma eyo.

10 Anamukuttho yaari ala: Yedaya, mwaana a Yoyaribi, Yakini,+ 11 Seraya mwaana a Hilikiya, mwaana a Mexulami, mwaana a Sadoki, mwaana a Merayothi, mwaana a Ahitubi,+ muhooleli a etemplo* ya Muluku eekeekhai, 12 vamosa ni axinnaya yaawo yaavara muteko mutemplo, 822; ni Adaya mwaana a Yerohami, mwaana a Pelaliya, mwaana a Amisi, mwaana a Zakariya, mwaana a Paxehuri,+ mwaana a Malikiya, 13 vamosa ni axinnawe, ahooleli a imusi saya, 242; Amaxisayi, mwaana a Azareli, mwaana a Ahizayi, mwaana a Mexilemothi, mwaana a Imeri, 14 vamosa ni axinnaya yaawo yaari oowerya, alopwana oolipa murima, 128. Muhooleli aya aari Zabidiyeli, yoowo iirela mpantta imusi soovuwa.

15 Alevi yaari ala: Xemaya+ mwaana a Haxubi, mwaana a Azirikami, mwaana a Haxabiya, mwaana a Buuni, 16 vamosa ni Xabitayi+ ni Yozabadi,+ ahooleli a alevi, yaawo yaaweherya myaha sa ota wa empa ya Muluku eekeekhai, 17 ni Mataniyahi+ mwaana a Mika, mwaana a Zabidi, mwaana a Asafi,+ muhooleli a masipo, yoowo aahoolela masipo okathi wa mavekelo,+ ni Bakibukiya, yoowo aari a nenli eriyari ya axinnawe, ni Aabida mwaana a Xamuwa, mwaana a Galali, mwaana a Yedutuni.+ 18 Alevi ootheene yaari epooma yoowaarya, yaari 284.

19 Makwarta a vamukhora, yaari Akubi, Talimoni+ ni axinnaya, yaawo yaaweherya mikhora, 172.

20 Aisarayeli akina, anamukuttho ni alevi, yaahanle ipooma sikina sa oYuda, khula mutthu opuro aavahiwe awe ntoko etthu yoohiyeriwa. 21 Ale yaavara muteko mutemplo*+ yaakhala wOfeli.+ Vano Siha ni Giixipa ti yaaweherya ale yaavara muteko mutemplo.

22 Muhooleli a alevi a oYerusalemu aari Uzi mwaana a Bani, mwaana a Haxabiya, mwaana a Mataniyahi,+ mwaana a Mika, a osuulu wa Asafi, alipa-oowiipa. Owo taaweherya muteko waavariwa empa ya Muluku eekeekhai. 23 Mwene aahiruma+ wiira alipa-oowiipa, khula nihiku yaahaana ovahiwa itthu yaaphavela aya. 24 Nave, Petahiya mwaana a Mexezayeli, a osuulu wa Zerahi, mwaana a Yuda, tanvaha miruku mwene, myaha sootheene saavarihana ni atthu.

25 Nlavulaka sa mittetthe ni imatta saya, atthu akina a oYuda yaahirowa okhala oKiriyathi-Araba+ ni mittetthe saya saamukhaani,* oDiboni ni mittetthe saya saamukhaani, oYekabiseyeli+ ni mittetthe saya, 26 oYexuwa, oMolada,+ oBethi-Pelethi,+ 27 oHasari-Xuwali,+ oBeri-Xeba ni mittetthe saya saamukhaani,* 28 oSikilaki,+ oMekona ni mittetthe saya saamukhaani,* 29 wEni-Rimoni,+ oSoreya,+ oYarimuthi, 30 oZanowa,+ wAdulami ni mittetthe saya, oLakixi+ ni imatta saya, ni wAzeka+ ni mittetthe saya saamukhaani. Awo yaakhala okhuma oBeri-Xeba mpakha oxepani wa Hinomi.+

31 Atthu a nihimo na Beniyamini yaahanle oXeeba,+ oMikimaaxi, wAyi, oBeteli+ ni mittetthe saya saamukhaani, 32 wAnatothi,+ oNobi,+ wAnaniya, 33 oHasori, oRama,+ oXitayimi, 34 oHadidi, oSeboyimi, oNebalati, 35 oLodi ni wOno,+ opuro woowaataleya wa atthu yaavara muteko ni matera. 36 Nave ikurupu sikina sa alevi a oYuda, yaahithanleliwa okhala oBeniyamini.

12 Ala yaari anamukuttho ni alevi, yaawo yaatthinke ni Zorobabeli+ mwaana a Salathiyeli+ ni Yeexuuwa:+ Seraya, Yeremiya, Eezira, 2 Amariya, Maluki, Hatuxi, 3 Xekaniya, Rehumi, Meremothi, 4 Ido, Ginetoyi, Abiya, 5 Miyamini, Maadiya, Biiliga, 6 Xemaya, Yoyaribi, Yedaya, 7 Salu, Amoki, Hilikiya ni Yedaya. Ala yaari ahooleli a anamukuttho vamosa ni axinnaya, mahiku a Yeexuuwa.

8 Alevi aari Yeexuuwa, Binuwi, Kadimiyeli,+ Xerebiya, Yuda ni Mataniyahi+ yoowo aahoolela isipo sa oxukhurela vamosa ni axinnawe. 9 Nave Bakibukiya, Uni ni axinnaya, yaaneemela ohoolo waya, avaraka ntoko makwarta a vamukhora.* 10 Yeexuuwa aahimuyara Yoyakiimi, Yoyakiimi aahimuyara Eliyaxibi,+ nave Eliyaxibi aahimuyara Yoyada.+ 11 Yoyada aahimuyara Yonathani, vano Yonathani aahimuyara Yaduwa.

12 Mahiku a Yoyakiimi, anamukuttho yaawo yaari ahooleli a imusi saya, taala: Meraya a etthoko ya Seraya;+ Hananiya a etthoko ya Yeremiya; 13 Mexulami a etthoko ya Eezira;+ Yehohanani a etthoko ya Amariya; 14 Yonathani a etthoko ya Maluki; Yosefe a etthoko ya Xebaniya; 15 Aadina a etthoko ya Harimi;+ Helikayi a etthoko ya Merayothi; 16 Zakariya a etthoko ya Ido; Mexulami a etthoko ya Ginetoni; 17 Ziikiri a etthoko ya Abiya;+ . . .* a etthoko ya Miniyamini; Pilitayi a etthoko ya Mowadiya; 18 Xamuwa a etthoko ya Biiliga;+ Yehonathani a etthoko ya Xemaya; 19 Matenayi a etthoko ya Yoyaribi; Uzi a etthoko ya Yedaya;+ 20 Kalayi a etthoko ya Salayi; Heeberi a etthoko ya Amoki; 21 Haxabiya a etthoko ya Hilikiya; ni Netaneli a etthoko ya Yedaya.

22 Ahooleli a imusi sa alevi vamosa ni anamukuttho, yaahilempwa mahiku a Eliyaxibi, Yoyada, Yohanani ni Yaduwa,+ mpakha okathi wa omwene wa Dario a oPersia.

23 Alevi yaawo yaari ahooleli a imusi saya, yaahilempwa muliivuruni ya itthu siiraneyale okathi ole, mpakha mahiku a Yohanani, mwaana a Eliyaxibi. 24 Ahooleli a alevi aari Haxabiya, Xerebiya ni Yeexuuwa,+ mwaana a Kadimiyeli.+ Nave axinnaya yaaneemela ohoolo waya, ekurupu emosa ya makwarta mpantta wa ekurupu ekina ya makwarta, wiira amuttottopeleke ni omuxukhurela Muluku attharaka malakiheryo a Davidi,+ mulopwana a Muluku eekeekhai. 25 Mataniyahi,+ Bakibukiya, Obadiya, Mexulami, Talimoni ni Akubi,+ yaakhala makwarta a vamukhora,+ awehawehaka mapuro yaasukiwa mireerelo, waattamela vamukhora. 26 Atthu ala yaavara muteko mahiku a Yoyakiimi mwaana a Yeexuuwa+ mwaana a Yosadaki ni mahiku a kuvernatoro Nehemiya ni namukuttho ni mulipa-oolepa Eezira.+

27 Okathi sainakurariwa aya ixiri sa oYerusalemu, awo yaahiwaavya alevi mapuro ootheene yaakhala aya, yaaroiha oYerusalemu wiira yatthapele ovahereriwa ixiri iyo atteeliwe ene murima, yiipaka masipo ooxukhurela,+ arumihaka isimbalo,* aviola acikhaani ni aviola aalupale. 28 Alipa-oowiipa saana, yaahithukumana akhumaka odistritu,* oYerusalemu wootheene, mittetthe saamukhaani sa atthu a oNetofa,+ 29 oBethi-Xiligali,+ ni imatta sa oXeeba+ ni wAzimavethi,+ okhala wiira alipa-oowiipa yaahipaka mittetthe saamukhaani oYerusalemu wootheene. 30 Nave anamukuttho ni alevi yaahiireeriha, yaahaareeriha atthu,+ yaahireeriha mikhora+ ni exiri.+

31 Nuumala-vo, kaahaaruuha makhulupale a oYuda, kaakhaliha vasulu va exiri. Nave kaahithanla ikurupu piili suulupale sa atthu yaawiipa akooru ooxukhurela ni ikurupu piili sa atthu wiira yaatthareke. Ekurupu emosa yaaneetta erowaka moono woolopwana wa exiri, weiwo ori Mukhora wa Osalani.+ 32 Hoxaya ni nimeya na makhulupale a oYuda, yaanitthara ekurupu ele, 33 vamosa ni Azariya, Eezira, Mexulami, 34 Yuda, Beniyamini, Xemaya ni Yeremiya. 35 Nave-tho yaahikhala naawo anamwane akina a anamukuttho yoopa malope:+ Zakariya mwaana a Yonathani, mwaana a Xemaya, mwaana a Mataniyahi, mwaana a Mikaya, mwaana a Zakuri, mwaana a Asafi,+ 36 ni axinnawe Xemaya, Azareli, Milalayi, Gilalayi, Maayi, Netaneli, Yuda ni Hanani. Awo yaarumiha ikaruma sa masipo sa Davidi,+ mulopwana a Muluku eekeekhai. Nave mulipa-oolepa Eezira+ aari ohoolo waya. 37 Yaaphiyale aya Mukhora wa Ehime,+ yaahirowa vasulu va exiri, ewelaka eskatta+ yaaroiha epooma ya Davidi.+ Exiri eyo, yaari vasulu va Empa ya Davidi, ni yaaroiha Mukhora wa Maasi,+ mpantta onikhuma nsuwa.

38 Ekurupu ekina yaawiipa akooru ooxukhurela yaahirowa moono woothiyana. Nto miyo kaahitthara ekurupu eyo ni nimeya na atthu, neettaka vasulu va exiri, niviraka Empa Yoorakamela Osulu ya Efornu,+ mpakha Exiri Yuulupale.+ 39 Naahivira vasulu va Mukhora wa Efrayimi,+ nirowa Mukhora wa Epooma ya Khalai,+ Mukhora wa Ihopa,+ Empa Yoorakamela Osulu ya Hananeli,+ Empa Yoorakamela Osulu ya Meya, ni Mukhora wa Ipwittipwitthi,+ neemela Mukhora wa Makwarta.

40 Wookiseryani waya, ikurupu soopiili sa atthu yaawiipa akooru ooxukhurela saaheemela ohoolo wa empa ya Muluku eekeekhai. Nave miyo ni nimeya na makhulupale naaheemela vaavo. 41 Vano anamukuttho Eliyakiimi, Maaseya, Miniyamini, Mikaya, Eliyowenayi, Zakariya, ni Hananiya, yaahikuxa malope aya. 42 Awo yaari vamosa ni Maaseya, Xemaya, Eleyazari, Uzi, Yehohanani, Malikiya, Elami ni Eseri. Nto alipa-oowiipa, yaaniipa vanceene, ahooleliwaka ni Izihari.

43 Nihiku nle, saahivahiwa mikuttho sinceene ni atthu yaahitteeliwa murima,+ okhala wiira Muluku eekeekhai aahiwiiriha otteeliwa murima vanceene.+ Nave athiyana ni anamwane yaahitteeliwa murima. Siiso, otteeliwa murima wa atthu a oYerusalemu, waaniiwanyeya ottaiwene.+

44 Nihiku nle, yaahithanliwa alopwana wiira aweheryeke opuro waasukiwa aya+ soovaha,+ mihokorokho soopacerya,+ ni ipantta sa namuloko.+ Yaahaana waakhela weiwo itthu saaruuhiwa imatta sa ipooma iye ntoko soovaha saavekeliwa ni Nlamulo+ para anamukuttho ni alevi,+ okhala wiira atthu a oYuda yaahitteeliwa murima, maana anamukuttho ni alevi yaanivara muteko. 45 Awo yaahipacerya onvarela muteko Muluku ni otthara yooruma ya wiireeriha, nave alipa-oowiipa ni makwarta a vamukhora yaanipaka etthu emosa-ru, attharaka malakiheryo a Davidi ni mwanawe, Salomooni. 46 Okhuma khalai, mahiku a Davidi ni a Asafi, yaahikhala atthu yaahoolela alipa-oowiipa ni yaahoolela masipo a omuttottopela ni omuxukhurela Muluku.+ 47 Mahiku a Zorobabeli+ ni mahiku a Nehemiya, atthu ootheene a Isarayeli yaanaavaha itthu alipa-oowiipa+ ni makwarta a vamukhora,+ moovarihana ni itthu saaphavela aya khula nihiku. Nave-tho, yaanaavaha alevi mpantta wa namuloko wa soovaha iyo,+ nto alevi yaanivaha osuulu wa Aroni mpantta wa namuloko wa itthu yaakhela aya.

13 Nihiku nle yaahisommwa eliivuru ya Moise ohoolo wa atthu.+ Vaahiphwanyiwa opuro waalempwale wiira atthu a wAmoni aahiiso a oMowabi+ khiyaarowa wiirela mpantta muloko wa Muluku eekeekhai,+ 2 okhala wiira khiyaakunxe ephaawu ni maasi okathi yaaronwe aya okumana ni aisarayeli, ohiya-vo yaahimuthuma Balaamu wiira aatakhalihe.+ Masi, Muluku ahu aahiiriha otakhaliha iwo okhala mareeliho.+ 3 Amalaka-ru wiiwa Nlamulo nlo, atthu ootheene a ilapo sikina yaahipacerya ovalaanyiwa ni atthu a Isarayeli.+

4 Ehinatthi wiiraneya eyo, namukuttho aaweherya mapuro yaasukiwa mireerelo* empa* ya Muluku ahu+ aari Eliyaxibi,+ mmusi awe Tobiya.+ 5 Owo aahinvaha Tobiya opuro muulupale yoowo khalai waasukiwa aya yoovaha ya ipyo, oliibano, mireerelo, epantta ya namuloko ya ipyo, eviinyu ya niinaano ni makhura,+ yaarina aya etireitu alevi,+ alipa-oowiipa ni makwarta a vamukhora, vamosa ni soovaha para anamukuttho.+

6 Okathi owo wootheene, miyo nkaakhanle oYerusalemu, okhala wiira kaahitthikela wa mwene eyaakha ya namiloko miraru ni piili+ ya mwene Artaxerxe+ a oBabiloonia. Nuuvira okathi vakhaani, kaahinvekela mwene wiira kikhume. 7 Nuumala ophiya oYerusalemu kaahiweha etthu yootepexa otakhala Eliyaxibi+ aapanke awe. Owo aahimureerela murima Tobiya,+ onvahaka opuro vate wa empa ya Muluku eekeekhai. 8 Kaahinanariwa vanceene ni etthu ele, tivo kaahiruma oriheliwa ota mireerelo sootheene sa Tobiya saari opuro ole. 9 Nuumala-vo, kaahiruma oreerihiwa opuro waasukiwa mireerelo, kittikiherya memmo mireerelo sa empa ya Muluku eekeekhai,+ ni yoovaha ya ipyo ni oliibano.+

10 Nave-tho, kaahisuwela wiira alevi+ khiyaavahiwa itthu yaaphwanela aya,+ mpakha alevi awo ni alipa-oowiipa yaavara muteko okhuma, khula mmosa otthikelaka mmatta mwawe.+ 11 Nto, kaahipacerya waapwapwela makuvernatoro makina,+ kiiraka: “Xeeni empa ya Muluku eekeekhai eninyanyaliwa aya?”+ Vano kaahaathukumanya alevi ni kaahaathanlela-tho mapuro aya. 12 Nave atthu ootheene a oYuda yaahiruuha opuro waasukiwa mireerelo+ epantta ya namuloko+ ya ipyo, eviinyu ya niinaano ni makhura. 13 Nto kaahimuthanla namukuttho Xelemiya, mulipa-oolepa Sadoki ni Pedaya, mulevi mmosa, wiira aweheryeke mapuro yaasukiwa mireerelo. Nave kaahimuthanla Hanani mwaana a Zakuri, mwaana a Mataniyahi, wiira aakhaliheryeke, okhala wiira yaanooniwa okhala alopwana oororomeleya. Awo yaahikhalana muritti woowaakawela mireerelo axinnaya.

14 Muluku aka, mukuupuwele,+ mwaha wa etthu kipanke aka, nave muhittipihe miteko saka sa ophenta woororomeleya kiirenle aka empa ya Muluku aka, ni miteko sinivariwa memmo.+

15 Mahiku ale, kaahiwoona atthu a oYuda anyakelaka ewuuva opuro waanyakattiwa ewuuva nihiku na saabadu,+ ahephaka ipyo soowaatta ni yaateexihaka apuuru ipyo. Awo yaaniruuha eviinyu, ewuuva, ifiiku ni mithinto sootheene sa miritti oYerusalemu nihiku na saabadu.+ Nto kaahaalopola wiira ahitumihike itthu iyo nihiku nle.* 16 Nave atthu a oTiiro yaakhala mpooma yaaniruuha ihopa ni inamuna sootheene sa marotta anaatumiherya atthu a oYuda ni a oYerusalemu nihiku na saabadu.+ 17 Nto miyo kaahaapwapwela atthu oovuwa a oYuda kihimyaka wiira: “Otakhala xeeni nno muniira anyu, muhononaka nihiku na saabadu? 18 Kiira ti yeeyo amuhavinre anyu yaapaka aya, amwiirihaka Muluku ahu onikumiherya hiyo ni epooma ela ihasara iya sootheene? Vano munninanariha nihiku na saabadu, mmwiirihaka Muluku onanariwa vanceene ni atthu a Isarayeli”.+

19 Nto okathi muuttutthi waapacenrye aya okhuneela mikhora sa oYerusalemu nihinatthi nihiku na saabadu, kaahiruma owaliwa mikhora. Nave kaahiruma wiira sihihuliwe mpakha ovira nihiku na saabadu, ni khula mukhora kaahaaruma arumeyi aka wiira ahihiye miritti sivolowaka nihiku na saabadu. 20 Siiso alipa a nakoso ni alipa-ootumiha inamuna sootheene sa marotta, yaahiviriha ohiyu omosa wala miili ari ene ota wa oYerusalemu. 21 Vano kaahaalopola kiiraka: “Xeeni muniviriha anyu ohiyu muri ene ohoolo wa exiri? Mwatthikela opaka ela, kinoowoomolani ni ikuru”. Okhuma nihiku nle orowa ohoolo, khiyaatthinke-tho nihiku na saabadu.

22 Nave kaahaaleela alevi wiira yiireeriheke mahiku ootheene ni wiira arweeke owehererya mikhora, wiira nihiku na saabadu nooniweke okhala noowaarya.+ Muluku aka, mukuupuwele, nave mukimorele ikharari mwaha wa ophenta wanyu woororomeleya wuulupale.+

23 Mahiku ale, kaahiweha wiira ayuda yaahaathela* athiyana+ a wAxidodi,+ a wAmoni ni a oMowabi.+ 24 Nimeya na anaaya yaalavula nttaava na atthu a wAxidodi, nave nimeya nikina yaalavula mattaava a atthu a ilapo sikina, masi khuuvo a yaawo aasuwela olavula nttaava na ayuda. 25 Vano kaahaapwapwela ni kaahaatakhaliha, nave kaahaamana alopwana akina+ ni kaahiwaasula ikharari saya. Kaahaatumererya olapha ni nsina na Muluku kiiraka: “Aniinyu axithiyana ahitheliwe ni anaaya axilopwana, nnakhala aniinyu axilopwana ehaathele anaaya axithiyana, aahiiso nyuwo mmansinyu muhaathele.+ 26 Salomooni, mwene a wIsarayeli, khaatthenke mwaha wa athiyana? Eriyari ya maloko manceene, khaakhanle mwene mukina aalikana nuuwo.+ Owo aaniphentiwa ni Muluku awe,+ tivo Muluku aamukhalinhe awe mwene a atthu ootheene a Isarayeli. Masi owo aahittheka mwaha wa athiyana awo a ilapo sikina.+ 27 Nwenrye sai opaka etthu ela yootakhala, muhiroromeleyaka wa Muluku ahu mpakha waathela athiyana a ilapo sikina?”+

28 Mwaana mmosa a Yoyada,+ mwaana a Eliyaxibi,+ muulupale a anamukuttho, aahikhala mutthepa a Sanibalati+ a oBethi-Horoni. Tivo kaahimoomolela ottaiwene wa miyo.

29 Muluku aka, nwuupuwele mwaha woohonona muteko wa onamukuttho ni nivarihano mpanke anyu ni anamukuttho+ ni alevi.+

30 Siiso kaahaareeriha mwaha wa itthu sootheene soohiloka sa ilapo sikina, nave kaahaathanlela anamukuttho ni alevi miteko saya, khula mmosa muteko awe.+ 31 Nave kaahilokiherya wiira sikhaleke ikhuni+ okathi aya woothanliwa ni okathi wa mihokorokho soopacerya ottokottha.

Muluku aka, mukuupuwele ni mukireelihe.+