Masu Ookiserya

Niireke ikwaha sikina munnuupuwelela okathi woohakalaliha mwaari anyu ni atthu a Yehova? Woonasa wene munnuupuwela muthukumano mmulokoni woolipinheni, kongresu oohakalaliha, yowiiraneya yooreera mmuteko woolaleerya, aahiiso ovaanela ni munna wala murokora mmulokoni? Nyuwo khammuliyanle Yehova; nnakhala owo khooliyanleni. Owo onnuupuwela ni onninkheliwa ni muteko mwanvarela anyu moororomeleya. Nave-tho, Yehova onniphavela vanceene wookhaliheryani wira mmuhokolowele.

Yehova onihimya wira: “Miyo mmansaka kinrowa okuxa ipwittipwitthi saka, kisukeke. Ntoko makampusi òloka onvelavelawe okathi onimwareyaya ipwittipwitthi sawe, siso-tho miyo kinosuka ipwittipwitthi saka. Kinokumiha seiyo mmapuroni mothene mwamwarenlyaya”.​—Ezekiyeli 34:11, 12.