Miruku
Ovahiwa miruku
Xeeni ninreerela ahu waavya miruku sa mbiibiliyani?
Esa 32:8; Mir 15:22; 19:20; 20:18
Nave-tho nwehe Mir 11:14; Yes 28:29; Yer 32:19.
Xeeni vari ya vooloka owiriyana miruku ohiya wiixaakiha?
Nave-tho nwehe Mir 1:23-31; 15:31.
Soowiiraneya sa mbiibiliyani sa efaita yinceene:
1 Sa 15:3, 9-23 — Okathi aattaruxiwe awe ni profeta Samuweli, mwene Sawuli aaheererya wiixaakiha ni aahikhootta miruku aavahiwe awe; nto Yehova aahimukhootta Sawuli.
2 Wa 25:14-16, 27 — Okathi mwene Amaziya aapanke awe itampi ni okhootta miruku aavahiwe awe ni profeta a Yehova, ahipweteiwa waataana wooloka aarina awe ni Yehova ni khakhapeleliwa ni Muluku.
Xeeni ninreerela ahu waattittimiha axitokweene ni miruku annivaha aya?
1 aTe 5:12; 1 Ti 5:17; aHe 13:7, 17
Yoowiiraneya ya mbiibiliyani ya efaita yinceene:
3 Yoh 9, 10 — Hata uuluvanle murummwa Yohani aahimpwapwela Diotrefe mwaha woowi khaattittimiha anna yaahoolela mmulokoni mwa ekristau.
Xeeni vari aya vooloka waawiriyana atthu oowuuluvala?
Nave-tho munwehe Yoob 12:12; 32:7; Tit 2:3-5.
Soowiiraneya sa mbiibiliyani sa efaita yinceene:
1 Sa 23:16-18 — Mwene Davidi ahilipihiwa ni miruku aavahiwe awe ni Yonathani, yoowo aarina iyaakha 30 onvikana Davidi.
1 Ma 12:1-17 — Mwene Robowamu aahikhootta miruku sooloka sa axitokweene oowuuluvala, masi aatthanre miruku sa amiravo, nto eyo yaahimukumiherya mixankiho.
Etthu xeeni enooniherya wiira athiyana oororomeleya, aximwali ni amiravo anoowerya ovaha miruku sooloka?
Yoob 32:6, 9, 10; Mir 31:1, 10, 26; Mu 4:13
Nave-tho nwehe Esa 119:100.
Soowiiraneya sa mbiibiliyani sa efaita yinceene:
1 Sa 25:14-35 — Miruku Abigayili anvanhe awe mwene Davidi saahiwoopola atthu anceene ni saahimukhaliherya Davidi ohikhalana mulattu mwaha wa owiiva atthu ahitthenke.
2 Sa 20:15-22 — Muthiyana mmosa a ankhili a esidade ya wAbeli aahoopola esidade ele mwaha wa miruku sooloka avanhe awe.
2 Ma 5:1-14 — Malakiheryo a mwaaruusi mwisarayeli yaahimukhaliherya nakhotto ootupa osuwela etthu aakhanle awe oopaka wiira openuxiwe makokho awe.
Xeeni ninreerela ahu okhalana ephoole ni miruku sa atthu ale ahinimuttittimiha Yehova ni Biibiliya?
Nave-tho munwehe Luk 6:39.
Soowiiraneya sa mbiibiliyani sa efaita yinceene:
1 Wa 10:13, 14 — Ohiya omukoha Yehova, mwene Sawuli aahimukoha muthiyana aaxerya ehako, nto Sawuli aahikhwa mwaha wa ohiroromeleya.
2 Wa 22:2-5, 9 — Mwene Akhaziya aahitthara miruku soohiloka, nto eyo yaahimwiiriha okhwa.
Yoob 21:7, 14-16 — Yoobi aanikhootta miruku sa atthu ale ahinimuttittimiha Yehova.
Ovaha miruku
Nihinatthi ovaha miruku, xeeni vari aya vooloka owiriyana oratteene, osuwela itthu sootheene ni waawiriyana atthu ootheene aniheliwa muhina mwa mwaha owo?
Nave-tho nwehe Mir 25:8.
Soowiiraneya sa mbiibiliyani sa efaita yinceene:
1 Sa 1:9-16 — Uupuwelaka wiira muthiyana oororomeleya aihaniwa Ana aaroohapaliwa, muulupale a anamukuttho Eli aahimpwapwela ni onvaha miruku ohinatthi osuwela itthu sootheene sa mwaha ole.
Mat 16:21-23 — Okhala wiira murummwa Pedru khaasuwela itthu sootheene, owo aahimuleela Yesu opaka ele Satana aaphavela awe ohiya opaka ele Yehova aaphavela awe.
Xeeni vari aya vooloka onvekela Yehova malakiheryo nihinatthi ovaha miruku?
Esa 32:8; 73:23, 24; Mir 3:5, 6
Soowiiraneya sa mbiibiliyani sa efaita yinceene:
Okh 3:13-18 — Profeta Moise aahimukoha Yehova enamuna yooloka ya waakhula makoho aisarayeli yaarowa aya opaka.
1 Ma 3:5-12 — Ohiya wiiroromela mmensawe, mwene Salomoni aahinvekela Yehova wiira onvahe ankhili, nto eyo yaahimwiiriha Yehova omureeliha.
Xeeni okathi wootheene miruku sahu ni waakhula wahu onireerela ya ovarihana ni Nuulumo na Muluku?
Esa 119:24, 105; Mir 19:21; 2 Ti 3:16, 17
Nave-tho munwehe Otu 17:18-20.
Soowiiraneya sa mbiibiliyani sa efaita yinceene:
Mat 4:1-11 — Okathi eehereriwa awe ni Satana, Yesu khaarumenle osuwela wawe wiira omwaakhule, masi aarumenle Nuulumo na Muluku.
Yoh 12:49, 50 — Yesu aahooniherya wiira iixuttiha itthu iixuttihiwe awe ni Tiithi awe, nto owo oonivaha ntakiheryo nooloka ninreerela ahu otthara.
Okathi ninvaha ahu miruku, xeeni ninreerela ahu wiimananiha olavula mooreerela murima ni vaaweryaneyaka omuttottopela ni murima wootheene?
Nave-tho munwehe Yes 9:6; 42:1-3; Mat 11:28, 29.
Soowiiraneya sa mbiibiliyani sa efaita yinceene:
2 Wa 19:2, 3 — Omurumaka profeta mmosa, Yehova aahimukhaliherya mwene Yosafati, nuumala-vo aahimuttottopela mwaha wa itthu sooloka aapanke awe.
Wiis 2:1-4, 8, 9, 12-14, 18-20 — Ohinatthi ovaha miruku miloko sinceene, Yesu aapacenrye ottottopela miloko iyo.
Pooti wiira munna aahiiso murokora onninleela muxankiho orina awe ni munna aahiiso murokora mukina woonasa wene mwaha woowi orimwiiyeriwa aahiiso wootheriwa. Xeeni vari aya vooloka omutumererya orowa toko ovaanela ni munna aahiiso murokora owo?
Nave-tho munwehe Ona 19:17.
Akhala wiira munna aahiiso murokora oopakeliwa etthu yoohixariya, ninrowa omukhaliherya sai okhala mutthu oomoriwa ikharari, opixa murima ni olevelela?
Mat 18:21, 22; Mar 11:25; Luk 6:36; aEef 4:32; aKol 3:13
Nave-tho munwehe Mat 6:14; 1 aKo 6:1-8; 1 Pe 3:8, 9.
Yoowiiraneya ya mbiibiliyani ya efaita yinceene:
Mat 18:23-35 — Yesu aahipaka nlikanyiho noovara murima ophavelaka onooniherya efaita erina aya olevelela.
Okathi ninvaha ahu miruku, xeeni vari aya vooloka waakiherya ele eri yooloka vamaithoni va Yehova?
Esa 141:5; Mir 17:10; 2 aKo 7:8-11
Soowiiraneya sa mbiibiliyani sa efaita yinceene:
1 Sa 15:23-29 — Profeta Samuweli khaamoovale mwene Sawuli.
1 Ma 22:19-28 — Hata oopopihiwa ni ohaaxiwa, profeta Mikaya aahikhootta oturuka muhupi woophukela wa Yehova aarummwale awe omuleela mwene Akhabi.
Ninrowa onvaha sai miruku mutthu nihimukhulumunle nnakhala ovukula waamini wawe?
Soowiiraneya sa mbiibiliyani sa efaita yinceene:
Luk 22:31-34 — Hata murummwa Pedru aavonya, Yesu aanikupali wiira Pedru aamulokiherya soovonya sawe ni khaarowa ohiya omurumeela Yehova ni waakhaliherya atthu akina.
Fil 21 — Murummwa Paulo aanikupali wiira Fileemoni aamutthara miruku anvanhe awe.
Okathi nnaavaha ahu miruku atthu axankale ni akhulumunwe, ninrowa waareerela sai murima?
Ninrowa omooniherya sai mutthu opanke etampi wiira nimphavela omukhaliherya otthikela okhalana waataana wooloka ni Yehova?
Ninrowa waathokorerya sai mwa nttittimiho atthu ale nnaavaha ahu miruku moohicikha iyaakha aahiiso akhala wiira mulopwana aahiiso muthiyana?
Xeeni axitokweene anireerela aya olipa murima okathi mutthu onikhootta awe miruku sa mbiibiliyani aninvaha aya?
1 aKo 5:9, 11, 13; 1 Ti 5:20; Tit 3:10
Nave-tho nwehe mpantta oni: “Okumihiwa Mmulokoni”.