Axipaapa
Muteko xeeni paapa orina awe?
Otu 6:6, 7; aEef 6:4; 1 Ti 5:8; aHe 12:9, 10
Soowiiraneya sa mbiibiliyani sa efaita yinceene:
Map 22:2; 24:1-4 — Abrahamu aanimphenta vanceene mwanawe aihaniwa Isakhi, nto aahipaka sootheene aawerya awe wiira mwanawe omuthele muthiyana aamukokhorela Yehova.
Mat 13:55; Mar 6:3 — Yesu aahiihaniwa okhala “mwaana a kalapinteero” ni “kalapinteero”; eyo enooniherya wiira Yosefe aahimwiixuttiha mwanawe ole muteko ole waarowa omukhaliherya vanceene.
Xeeni muteko paapa orina awe vatthokoni onireerela awe ottittimihiwa ni ovahiwa efaita?
Nave-tho munwehe Mat 6:9.
Soowiiraneya sa mbiibiliyani sa efaita yinceene:
Ho 11:1, 4 — Yehova onnooniherya wiira onnivaha efaita muteko axipaapa apinaatamu arina aya vatthokoni iilikanyihaka ni paapa. Yehova onniwiixuttiha arumeyi awe ni onnaakhapelela moophenta ntoko siisaale paapa pinaatamu onaakhapelela awe moophenta anaawe.
Luk 15:11-32 — Yesu aahooniherya wiira onnivaha efaita yinceene muteko axipaapa apinaatamu arina aya omulikanyihaka Yehova ni paapa onaamorela ikharari anaawe anittheka anattharuwa ni murima wootheene.