Maihaneliwo a Nttittimiho
Niireke makristau aahaana waavuwiha apinaatamu akina awitthanaka ni maihaneliwo a itiini?
Yoowiiraneya ya mbiibiliyani ya efaita yinceene:
Luk 18:18, 19 — Nnaamwi aari ooloka, Yesu aahikhootta wiitthaniwa okhala “Mwiixuttihi ooloka”, ohimyaka wiira Yehova paahi tori ooloka.
Xeeni makristau eekeekhai ahinirumeela aya maihaneliwo a nttittimiho a itiini ntoko “Paapa” aahiiso “Paatiri”, nnakhala owiihana makhulupale a itiini okhala ahooleli?
Soowiiraneya sa mbiibiliyani sa efaita yinceene:
Mat 23:9-12 — Yesu aahikhoottiha orumeeliwa maihaneliwo a nttittimiho ntoko “Paapa” aahiiso “Muhooleli”.
1 aKo 4:14-17 — Nnaamwi murummwa Paulo aari ntoko paapa para atthu anceene, khinivo nipuro mbiibiliyani oniihaniwa awe okhala “Paatiri” (nuulumo nintaphulela paapa).
Xeeni vari aya vooloka makristau eekeekhai wiihanana okhala anna ni arokora?
Nave-tho nwehe Mit 12:17; 18:18; aRo 16:1.
Yoowiiraneya ya mbiibiliyani ya efaita yinceene:
Mat 12:46-50 — Yesu aanaathokorerya atthu ale yaamukokhorela Yehova okhala axinnawe ni axirokorawe.
Ninsuwela sai wiira khahiyo vootakhala orumeela maihaneliwo a nttittimiho para anamalamulela, maxuwiixi ni makhulupale makina?
Yoowiiraneya ya mbiibiliyani ya efaita yinceene:
Mit 26:1, 2, 25 — Okathi murummwa Paulo aarowa awe olavula ni makhulupale a kuvernu ntoko Agripa ni Festo, owo aahirumeela maihaneliwo a nttittimiho.