Ottharuwa
Xeeni apinaatamu anireerela aya ottharuwa itampi saya ni onvekela Yehova Muluku wiira aalevelele?
Nave-tho nwehe Mit 26:20.
Soowiiraneya sa mbiibiliyani sa efaita yinceene:
Luk 18:9-14 — Yesu aahipaka nlikanyiho ophavelaka wooniherya wiira nihaana ohimya itampi sahu ni onvekela Muluku wiira onikhaliherye.
aRo 7:15-25 — Hata aari murummwa ni mutthu aarina waamini woolipa, Paulo aanixanka mwaha woowi erutthu awe yaaniphavela omwiiriha opaka itthu soohiloka.
Yehova oniwoonela sai atthu ale anittharuwa ni murima wootheene?
Soowiiraneya sa mbiibiliyani sa efaita yinceene:
Luk 15:1-10 — Yesu aahipaka nlikanyiho ophavelaka wooniherya wiira Yehova ni malaikha annihakalala vanceene okathi mutthu onittharuwa awe ni murima wootheene.
Luk 19:1-10 — Zakeyo aari xeefi aahiiso mukhulupale mmosa a alipa-ooliviha mpoosito, yoowo aawiiyerya atthu musurukhu aya. Okathi aattharunwe awe ni orukunuxa mweettelo awe, Yesu aahimulevelela.
Nnooniherya sai wiira noottharuwa ni murima wootheene?
Eze 18:21-23; Mit 3:19; aEef 4:17, 22-24; aKol 3:5-10
Nave-tho munwehe 1 Pe 4:1-3.
Osuwela wekeekhai onimukhaliherya sai mutthu ottharunwe ni murima wootheene?
aRo 12:2; aKol 3:9, 10; 2 Ti 2:25
Soowiiraneya sa mbiibiliyani sa efaita yinceene:
Mit 17:29-31 — Murummwa Paulo aahaatthokiherya atthu a wAthena wiira waakokhorela amuluku eethiru wooniherya ohisuwela, nto yaahaana ottharuwa.
1 Ti 1:12-15 — Ohinatthi omusuwela oratteene Yesu Kristu, murummwa Paulo aahipaka itthu sootakhala ni itampi suulupale mwaha woohisuwela.
Xeeni vari aya vooloka ottharuwa?
Akhala wiira nnoottharuwa, etthu xeeni ennikupaliha wiira Yehova onoonilevelela hata nitthekaka ikwaha sinceene?
Yehova onaathokorerya sai atthu ale anihimya itampi saya, anarukunuxa mweettelo aya?
Esa 32:5; Mir 28:13; 1 Yoh 1:9
Nave-tho nwehe mpantta oni: “Omoriwa Ikhaari”.
Ninsuwela sai wiira ottharuwa khahiyo paahi oriipiwa murima aahiiso othanana mwaha wa etthu yoohiloka nipanke ahu?
2 Wa 7:14; Mir 28:13; Eze 18:30, 31; 33:14-16; Mat 3:8; Mit 3:19; 26:20
Soowiiraneya sa mbiibiliyani sa efaita yinceene:
2 Wa 33:1-6, 10-16 — Hata aavirinhe okathi munceene opakaka itthu soohiloka, mwene Manase aahooniherya wiira aahittharuwa ni murima wootheene, maana aahiiyeviha ni aahinvekela Muluku ikwaha sinceene wiira omulevelele ni aahittharuwa moonelo ni mweettelo awe.
Esa 32:1-6; 51:3-6, 19 — Mwene Davidi aahooniherya wiira aahittharuwa okathi aahimmye awe itampi sawe ni anvekenle awe Yehova wiira omulevelele. Nave aaniriipiwa murima ni oxanka mwaha woosuwela wiira aahimutthekela Yehova.
Okathi atthu ale annitthekela anittharuwa aya, xeeni ninreerela ahu waalevelela?
Mat 6:14, 15; 18:21, 22; Luk 17:3, 4
Nave-tho nwehe mpantta oni: “Olevelela”.