Etampi
Etampi exeeni, ni xeeni ootheene ahu nirina ahu etampi?
Biibiliya onooniherya sai wiira nnoowerya owanana yoophavela ya opaka itthu soohiloka?
Soowiiraneya sa mbiibiliyani sa efaita yinceene:
2 Sa 11:2-5, 14, 15, 26, 27; 12:1-13 — Mwene Davidi aahipaka itampi suulupale, masi nuumala ottaruxiwa aahooniherya wiira aahittharuwa ni murima wootheene.
aRo 7:15-24 — Murummwa Paulo ntakiheryo nooloka na mutthu aarina waamini ni amphenta vanceene Muluku, hata vari siiso, ohooniherya wiira aaniimananiha vanceene owanana itthu soohiloka.
Xeeni atthu anceene anipaka aya etampi?
Mit 3:17; 17:29, 30; 1 Ti 1:13; 1 Pe 1:14
Nave-tho munwehe Moot 15:27-29.
Xeeni vari aya vootakhala mutthu omakela opaka etampi voolakelela?
aHe 10:26, 27; 1 Yoh 3:4, 8, 9
Nave-tho munwehe Moot 15:30; aRo 1:28-32; 1 Ti 5:20.
Sooweeha xeeni Satana okhanle awe oorumeela wiira aatthekihe arumeyi a Muluku?
Mir 1:10, 11, 15; Mat 5:28; Yak 1:14, 15
Soowiiraneya sa mbiibiliyani sa efaita yinceene:
Map 3:1-6 — Satana aahirumeela enowa wiira omwiirihe Eva okhala mutthu ahaaphiyeriwa ni oowiitthuna, nto eyo yaahimwiiriha Eva ohiroromeliwa ni Yehova.
Mir 7:6-10, 21-23 — Mwene Salomoni aahihimya etthu yaamwiirinhe mmiravo mmosa mulolo ni ahaarina ankhili omorela muraakho wa muthiyana namararuwa.
Ninrowa okhootta sai sooweeha sa Satana?
aEef 4:27; 6:10-18; Yak 4:7, 8
Soowiiraneya sa mbiibiliyani sa efaita yinceene:
Mir 5:1-14 — Mwene Salomoni aahivaha miruku sooloka sa moota ni nthowa naya ninreerela ahu okhootta orupihana woohiloka.
Mat 4:1-11 — Yesu aahirumeela Nuulumo na Muluku wiira okhootte sooweeha sa Satana.
Itampi xeeni suulupale makristau anireerela aya okhootta ni ohipaka?
Nave-tho nwehe mpantta oni: “Soolema Soohiloka”.
Ohimya itampi
Xeeni ninreerela ahu ohivitha itampi sahu?
Ti pani nikhanle ahu oomuleela itampi sahu sootheene?
Ti pani ori “namakhaliherya”, yoowo onnikhaliherya ohoolo wa Yehova?
Mutthu onooniherya sai wiira oottharuwa itthu soohiloka aapaka awe?
Nave-tho nwehe mpantta oni: “Ottharuwa”.
Soowiiraneya sa mbiibiliyani sa efaita yinceene:
Okh 22:1-12 — Moovarihana ni Nlamulo aavahiwe awe Moise, latarau aanikhanyereriwa ottikiha ni oliva itthu sootheene aiyale awe.
Luk 19:8, 9 — Zakeyo yoowo aari xeefi aahiiso mukhulupale mmosa a alipa-ooliviha mpoosito, aahooniherya wiira aahittharuwa ni murima wootheene ohiyaka mweettelo awe ni ottikiha itthu sootheene aiyale awe.
Xeeni ninreerela ahu okupali wiira Yehova onoonilevelela?
Nave-tho nwehe mpantta oni: “Olevelela”.
Tani Yehova aathanlale awe wiira akhaliheryeke ni okhapelela muloko okathi mutthu onipaka awe etampi yuulupale?
Nave-tho nwehe Mit 20:28; aGa 6:1.
Etampi yuulupale enrowa waakumiherya sai mixankiho amusi ahu ni anna ni arokora a mmulokoni?
Nave-tho munwehe Otu 29:18.
Soowiiraneya sa mbiibiliyani sa efaita yinceene:
Yoox 7:1-13, 20-26 — Akani aahaakumiherya ehasara aisarayeli ootheene mwaha wa etampi yuulupale aapanke awe eererya ovitha.
Yon 1:1-16 — Mwaha wa ohiiwelela malakiheryo a Yehova, profeta Yona aahiwiiriha atthu ootheene yaari pakiti anwenle awe ohala vakhaani okhwa.
1 aKo 5:1-7 — Murummwa Paulo aahihimya etampi yuulupale yaarowa ohonona muloko wootheene.
Xeeni ninreerela ahu oheemererya woova ottaruxiwa aahiiso okumihiwa mmulokoni oniirihaka ohirowa waavekela nikhaliheryo axitokweene napaka etampi yuulupale?
Xeeni ninreerela ahu weemererya okathi Muluku onnilevelela awe ohiya omakela wuupuwela etampi naapanke ahu khalai?
Nave-tho nwehe mpantta oni: “Olevelela”.
Nasuwela wiira munna aahiiso murokora oopaka etampi yuulupale, xeeni ninreerela ahu onvekela ni osuwela wiira ohaaleela tthiri axitokweene?
Yoowiiraneya ya mbiibiliyani ya efaita yinceene:
Otu 13:6-9; 21:18-20 — Moovarihana ni Nlamulo aavahiwe awe Moise, akhala wiira mutthu aahisuwela wiira aahikhala mutthu aapanke etampi yuulupale, owo aahaana ohimya hata mutthu owo ori ene mmusi awe aahiiso mutthu amphenta awe vanceene.