Muteko
Muteko onivarihana sai ni ohakalala?
Mireerelo xeeni nimphwanya ahu mwaha wa wiixutta ovara muteko wooloka?
Soowiiraneya sa mbiibiliyani sa efaita yinceene:
1 Sa 16:16-23 — Mmiravo Davidi aanisuweliwa okhala mutthu aasuwela wiipa, nto osuwela wawe wiipa waahimukhaliherya vanceene ommaaliha mwene a wIsarayeli.
2 Wa 2:13, 14 — Hirami-Abi aanisuwela saana opattha ilatarato, nto aahimukhaliherya vanceene mwene Salomoni okathi aateka awe ipa.
Arumeyi a Muluku aniphavela osuweliwa okhala anamuteko a enamuna xeeni?
Soowiiraneya sa mbiibiliyani sa efaita yinceene:
Map 24:10-21 — Rebeka aahipaka itthu sinceene ovikana iye aavekeliwe awe ni murumeyi a Abrahamu, nto aahooniherya wiira aari muthiyana ooloka ni oovara muteko.
aFi 2:19-23 — Murummwa Paulo aahinvaha muteko wa efaita yinceene mmiravo Timootheyo, maana aanisuwela wiira Timootheyo aari mutthu oowiiyeviha ni aanimananiha ovara muteko wiira aakhaliherye atthu akina.
Xeeni arumeyi a Muluku aniimananiha aya ohikhala atthu oolosowa?
Mir 13:4; 18:9; 21:25, 26; Mu 10:18
Yoowiiraneya ya mbiibiliyani ya efaita yinceene:
Mir 6:6-11 — Mwene Salomoni aahivaha nlikanyiho na ineneele ophavelaka wooniherya efaita erina aya ovara muteko ni ohikhala mutthu oolosowa.
Xeeni ninreerela ahu wiimananiha ovara muteko wiira niphwanye yoolya ni itthu sinnithowa?
Xeeni ninreerela ahu wiimananiha ovara muteko wiira niphwanyeke yoolya para etthoko ahu ni amusi ahu?
Soowiiraneya sa mbiibiliyani sa efaita yinceene:
Rut 1:16, 17; 2:2, 3, 6, 7, 17, 18 — Mwali naamukhweli aihaniwa Ruti aaniimananiha ovara muteko wiira omukhapeleleke maathi awe aihaniwa Nowemi.
Mat 15:4-9 — Yesu aahaapwapwela atthu ale anitthyawelela muteko wa Muluku wiira aahaavaheke ni waakhapelela anamuyari aya.
Etthu xeeni makristau anireerela aya opaka ni musurukhu aahiiso itthu aniphwanya aya mwaha wa muteko aya?
Moonelo xeeni wooloka ninreerela ahu okhalana voohimya sa ophwanya musurukhu?
Ninsuwela sai wiira Yehova oniphavela onikhaliherya okhala anamuteko ooloka wiira niphwanyeke yoolya ni itthu sinnithowa?
Mat 6:25, 30-32; Luk 11:2, 3; 2 aKo 9:10
Soowiiraneya sa mbiibiliyani sa efaita yinceene:
Map 31:3-13 — Nnaamwi Yakobe aathokoreriwa moohixariya ni taata ni patarau awe aihaniwa Labano, Yehova aahoona wiira Yakobe aari namuteko ooloka ni aahimureeliha.
Map 39:1-6, 20-23 — Yehova aahireeliha muteko wa Yosefe okathi aari awe epottha ovaraka etthoko ya Potifari ni okathi aatthukweliwe awe mukhatteya.
Xeeni muteko ahu ohikhanle awe ookhala a efaita yinceene ovikana muteko nninvarela ahu Muluku?
Esa 39:6-8; Mat 6:33; Yoh 6:27
Soowiiraneya sa mbiibiliyani sa efaita yinceene:
Luk 12:15-21 — Yesu aahipaka nlikanyiho ophavelaka wiixuttiha wiira ti voololo wuupuwela wiira ovara muteko paahi para ophwanya musurukhu wookhalana efaita yinceene ovikana okhalana ompatthani wooloka ni Muluku.
1 Ti 6:17-19 — Murummwa Paulo aahaalopola atthu oothaaciri wiira aahiixinnuwiheke ni aahaatumererya wiira akhaleke “athaaciri a miteko sooreera”.
Malakiheryo xeeni a mbiibiliyani anrowa onikhaliherya okathi ninthanla ahu muteko?
Okh 20:4; Mit 15:29; aEef 4:28; Wiis 21:8 — Kiireke muteko ola onookiiriha ovara itthu Muluku onikhoottiha awe?
Okh 21:22-24; Yes 2:4; 1 aKo 6:9, 10; 2 aKo 7:1 — Kiireke muteko ola onookiiriha okhaliherya aahiiso waakhaliherya atthu akina opaka itthu Muluku onikhoottiha awe, mpakha okiiriha okhalana nthowa?
aRo 13:1-7; Tit 3:1, 2 — Kiireke muteko ola onookiiriha ohiiwelela malamulo a kuvernu?
2 aKo 6:14-16; Wiis 18:2, 4 — Kiireke muteko ola onookiiriha okhaliherya etiini yoowootha aahiiso wiirela mpantta etiini eyo?
Onvarela muteko Yehova
Muteko xeeni wa efaita yinceene makristau ekeekhai anireerela aya ovara?
Xeeni ninreerela ahu wiimananiha omurumeela Yehova?
Luk 13:24; aRo 12:11; 1 aKo 15:58; aHe 6:10-12
Nave-tho munwehe 1 Ti 3:1.
Xeeni nihinreerela ahu olikanyiha itthu khula murumeyi a Yehova onipaka awe?
Soowiiraneya sa mbiibiliyani sa efaita yinceene:
Mat 25:14, 15 — Nlikanyiho na Yesu ninnooniherya wiira khaalipelela wiira atthareli awe ootheene yaarowa ovaraka mwaattelo mmosaru wa muteko.
Luk 21:2-4 — Yesu aahimureerela murima ni aanisuwela wiira musurukhu vakhaani naamukhweli oothoiwa aavanhe awe waahikhalana efaita yinceene.
Nimphwanya woowi ikuru wiira nivare muteko Yehova onivanhe awe?
2 aKo 4:7; aEef 3:20, 21; aFi 4:13
Yoowiiraneya ya mbiibiliyani ya efaita yinceene:
2 Ti 4:17 — Murummwa Paulo aanisuwela wiira aanivahiwa ikuru aaphavela awe okathi wooreerela.
Xeeni ninhakalala ahu okathi ninvara ahu ni murima wootheene muteko wa Yehova?
Nave-tho munwehe Mat 25:23.