Okokhorela
Ti pani oniphwanela okokhoreliwa?
Okh 34:14; Otu 5:8-10; Yes 42:8
Soowiiraneya sa mbiibiliyani sa efaita yinceene:
Mat 4:8-10 — Satana aahileiherya onvaha Yesu omwene wootheene wa mulaponi akhala wiira ammukokhorela ekwaha emosa paahi, masi Yesu aahikhootta, maana aaphavela omukokhorela Yehova paahi.
Wiis 19:9, 10 — Nlaikha noowerya naahikhootta okokhoreliwa ni murummwa Yohani.
Yehova oniphavela wiira okokhoreliweke sai?
Soowiiraneya sa mbiibiliyani sa efaita yinceene:
Yes 1:10-17 — Yehova khoniphavela ni omunanara okokhoreliwa mwa enamuna yoohiloka ni atthu ale anikhootta weettela malamulo awe a xariya.
Mat 15:1-11 — Moolumo ala a Yesu annooniherya wiira Yehova khoniphavela wiira nimukokhoreleke nittharaka soolema sa apinaatamu, masi nihaana otthara malamulo a Muluku.
Okathi wootheene vaniweryaneya aya, nihaana omukokhorela Yehova niri ene naani?
Nave-tho nwehe Esa 133:1-3.
Soowiiraneya sa mbiibiliyani sa efaita yinceene:
Mit 2:40-42 — Makristau a okathi wa arummwa yaanithukumana wiira avekele, atthekule ni osoma soowiixuttiha saakumiheriwe ni munepa woowaarya.
1 aKo 14:26-40 — Murummwa Paulo aahivaha malakiheryo wiira mithukumano sa mmulokoni saahaana okhala soolipiha ni sootthokiheya, nto eyo yaamwaakhaliherya atthu ootheene wiixutta ni wiiwexexa itthu siixuttihiwa.
Etthu xeeni nikhanle ahu oopaka wiira Yehova eemererye okokhorela wahu?
Soowiiraneya sa mbiibiliyani sa efaita yinceene:
aHe 11:6 — Murummwa Paulo aahimmye wiira nihaana okhalana waamini wiira Yehova eemererye omukokhorela wahu.
Yak 2:14-17, 24-26 — Yakobo, yoowo aari munnawe Yesu ohimmye wiira waamini wahu ohaana ovarihana ni miteko sahu, nto waamini wahu ohaana oniiriha opaka etthu.